97
1 IEOWA ta Nanmarki, i me jappa en polaule kida o dako kan karoj en pereperen!
2 Tapok o rotorot mi imp a, pun o melel iei pajon en mol a.
3 Kijiniai kin tion mo a, o ijikeda japwilim a imwintiti kan karoj.
4 Japwilim a liol akan kin kamaraini jappa, toun jappa kin kilan ap majapwekadar.
5 Nana kan pei pajan duata krij mon Ieowa, Kaun en jap karoj.
6 Lan akan kaparokki a pun, o kainok karoj kin kilan a linan
7 Me kaudoki on dikedik en mal kan en jarodi, o me kin juaiki ani kan; kot akan karoj dairukedi on mo a!
8 Jion kin ron mepukul tip peren kida, o peinekap en Iuda kan kin polauleki omui kapun kan, Main Ieowa.
9 Pwe komui ta Main Ieowa me lapalap nan jappa karoj, komui meid ileila jan Kot akan karoj.
10 Komail me kin pok on Ieowa en tataki me jued. A kin kotin apwali nen en japwilim a lelapok kan. A pan kotin dore ir ala jan nan pa en me doo jan Kot akan.
11 Marain pan dakadan me pun kan, o peren on me lelapok melel.
12 Komail me pun kan perenki Ieowa o kapina mar a jaraui!