Kisinlikou Keriau Sang Sohn
Oaralap en Kisinlikou wet
Keriaun Kisinlikou Sang Sohn ntingdi sang ni mengin pehn “Me Maho” ong “lih kompoake men oh nah seri kan”; ele met wehwehki mwomwohdisohn wasa kis oh towe kan. Audepe, iei kehkehlik en limpoakpene oh kaweidpen mweisang sounpadahk likamw akan oh ar padahk kan.
Audepe ni Oaralap
Tepin kisinlikou 1-3
Kesempwal en limpoak 4-6
Kehkehlik sang padahk likamw 7-11
Kaimwiseklahn kisinlikou 12-13
1
Sang me Maho—
Ong lih kompoakepahi, oh ong nah seri kan,a me I poakepoake mehlel; ahpw kaidehn ngehite pwe pil irail koaros me ese me mehlelo kin poakohng kumwail; pwehki me mehlelo kin mihmi loalatail, oh e pahn mihmi rehtail kohkohlahte.
Koht Samatail oh Krais Sises, Sapwellimen Sahmo, en ketin kupwurei kitail oh ketkihong kitail kalahngan oh mahk oh popohl, oh mepwukat en mihmihte rehtail ni mehlel oh limpoak.
Mehlel oh Limpoak
I perenkihda kowahlap ei diarada me ekei noumw seri kan kin momourki me mehlelo, nin duwen kosonned me Sahmo ketikihong kitail. Eri, I peki rehmw, lih kompoakepahi, pwe kitail koaros en poakpene. Met kaidehn kosonned kapw ehu, me I ntingkiwohng kumwail, pwe iei kosonnedohte me kitail aleier sang nin tapio. + Limpoak me I kasaleweiet wehwehki me kitail en peikiong kosonned akan en Koht. Pwe iet kosonned me kumwail rongehr nin tapio: kumwail koaros en momourki mouren limpoak.
Sounketewe tohto kohpesengehr nan sampah, irail sohte kin pohnese me Sises Krais ketin wia-aramasala. Soangen aramas pwukat, iei irail sounketewe, oh irail me imwintihtien Krais. Eri, kumwail kaleke pein kumwail, pwe kumwail dehr katihasang pai me kitail koadoahkihadahr, ahpw kumwail en ale ketingpamwail unsek.
Mehmen me daulih padahk en Krais ahpw sohte tengediong, Koht sohte ketiket reh. Ahpw mehmen me tengediong padahk wet, Sahm oh Sapwellimeo ira koaros pahn kin ketiket reh. 10 Eri, ma emen pahn pwarodohng kumwail, ahpw sohte pwarkidohng kumwail padahk wet, kumwail dehr kasamwolong nan imwamwail, oh dehr rahnmwahwih. 11 Pwe ma mehmen pahn rahnmwahwih soangen aramas menet, e pahn pil iangala nan soahng suwed me e kin wia.
Kaimwiseklahn Mahsen
12 Koasoi tohto mie me I men koasoiaiong kumwail, ahpw I sohte men ntingiheki ingk oh nan doaropwe; pwe I koapworopworki me I pahn pwarowei oh koasoiaiong kumwail, pwe atail peren en unsekla.
13 Nein riomw Lih kompoako nah seri b kat pil rahnmwahu ong uhk.
a 1:1 LIH KOMPOAKEPAHI OH NAH SERI KAN: Mwein ele met wehwehki mwomwohdiso ehu oh towe kan (pil duwehte ire tikitik 4-5). + 1:5 Sohn 13.34; 15.12, 17. b 1:13 NEIN RIOMW LIH KOMPOAKO NAH SERI: Met wehwehki tohn mwomwohdiso me sounnting menet iang towe.