124
1 إِزْڒِي ن ؤُڭعّذْ. ن ذَاوُوذْ.
مْڒِي سِيذِي وَارْ كِيذْنغْ إِبدّْ!
إِنِي ث خنِّي أَمُّو، أَ إِسْرَائِيل،
2 مْڒِي سِيذِي وَارْ كِيذْنغْ إِبدّْ،
ؤُمِي أَكِيذْنغْ د-كَّارنْ إِوْذَانْ،
3 إِڒِي سَارْضنْ أَنغْ أَمْ ندَّارْ،
ؤُمِي يَارْغَا ؤُخيّقْ نْسنْ خَانغْ،
4 إِڒِي أَمَانْ فيّْضنْ خَانغْ،
إِڒِي إِشْثْ ن ڒْْحمْڒثْ ثكَّا خْ ڒعْمَارْ نّغْ،
5 إِڒِي أَمَانْ إِحَاجنْ كِّينْ خْ ڒعْمَارْ نّغْ.
6 أَذْ إِتّْوَابَاركْ سِيذِي،
ونِّي وَارْ د أَنغْ إِتّجِّينْ
ذ ثَاكشَّاضْثْ إِ ثغْمَاسْ نْسنْ.
7 ڒعْمَارْ نّغْ يَارْوڒْ
أَمْ وجْضِيضْ زِي ڒْْفخْ ن ؤُنڭْمَارْ.
ڒْْفخْ يَارژْ ؤُ نشِّينْ ننْفكّْ.
8 ثْوِيزَا نّغْ ثْبدّْ ذڭْ يِيسمْ ن سِيذِي،
ونِّي إِڭِّينْ إِجنْوَانْ ذ ثمُّورْثْ.