Ⅸ
Ⅰ ཏཏཿ པརཾ ས དྭཱདཤཤིཥྱཱནཱཧཱུཡ བྷཱུཏཱན྄ ཏྱཱཛཡིཏུཾ རོགཱན྄ པྲཏིཀརྟྟུཉྩ ཏེབྷྱཿ ཤཀྟིམཱདྷིཔཏྱཉྩ དདཽ།
Ⅱ ཨཔརཉྩ ཨཱིཤྭརཱིཡརཱཛྱསྱ སུསཾཝཱདཾ པྲཀཱཤཡིཏུམ྄ རོགིཎཱམཱརོགྱཾ ཀརྟྟུཉྩ པྲེརཎཀཱལེ ཏཱན྄ ཛགཱད།
Ⅲ ཡཱཏྲཱརྠཾ ཡཥྚི ཪྻསྟྲཔུཊཀཾ བྷཀྵྱཾ མུདྲཱ དྭིཏཱིཡཝསྟྲམ྄, ཨེཥཱཾ ཀིམཔི མཱ གྲྀཧླཱིཏ།
Ⅳ ཡཱུཡཉྩ ཡནྣིཝེཤནཾ པྲཝིཤཐ ནགརཏྱཱགཔཪྻྱནཏཾ ཏནྣིཝེཤནེ ཏིཥྛཏ།
Ⅴ ཏཏྲ ཡདི ཀསྱཙིཏ྄ པུརསྱ ལོཀཱ ཡུཥྨཱཀམཱཏིཐྱཾ ན ཀུཪྻྭནྟི ཏརྷི ཏསྨཱནྣགརཱད྄ གམནཀཱལེ ཏེཥཱཾ ཝིརུདྡྷཾ སཱཀྵྱཱརྠཾ ཡུཥྨཱཀཾ པདདྷཱུལཱིཿ སམྤཱཏཡཏ།
Ⅵ ཨཐ ཏེ པྲསྠཱཡ སཪྻྭཏྲ སུསཾཝཱདཾ པྲཙཱརཡིཏུཾ པཱིཌིཏཱན྄ སྭསྠཱན྄ ཀརྟྟུཉྩ གྲཱམེཥུ བྷྲམིཏུཾ པྲཱརེབྷིརེ།
Ⅶ ཨེཏརྷི ཧེརོད྄ རཱཛཱ ཡཱིཤོཿ སཪྻྭཀརྨྨཎཱཾ ཝཱརྟྟཱཾ ཤྲུཏྭཱ བྷྲྀཤམུདྭིཝིཛེ
Ⅷ ཡཏཿ ཀེཙིདཱུཙུཪྻོཧན྄ ཤྨཤཱནཱདུདཏིཥྛཏ྄། ཀེཙིདཱུཙུཿ, ཨེལིཡོ དརྴནཾ དཏྟཝཱན྄; ཨེཝམནྱལོཀཱ ཨཱུཙུཿ པཱུཪྻྭཱིཡཿ ཀཤྩིད྄ བྷཝིཥྱདྭཱདཱི སམུཏྠིཏཿ།
Ⅸ ཀིནྟུ ཧེརོདུཝཱཙ ཡོཧནཿ ཤིརོ྅ཧམཚིནདམ྄ ཨིདཱནཱིཾ ཡསྱེདྲྀཀྐརྨྨཎཱཾ ཝཱརྟྟཱཾ པྲཱཔྣོམི ས ཀཿ? ཨཐ ས ཏཾ དྲཥྚུམ྄ ཨཻཙྪཏ྄།
Ⅹ ཨནནྟརཾ པྲེརིཏཱཿ པྲཏྱཱགཏྱ ཡཱནི ཡཱནི ཀརྨྨཱཎི ཙཀྲུསྟཱནི ཡཱིཤཝེ ཀཐཡཱམཱསུཿ ཏཏཿ ས ཏཱན྄ བཻཏྶཻདཱནཱམཀནགརསྱ ཝིཛནཾ སྠཱནཾ ནཱིཏྭཱ གུཔྟཾ ཛགཱམ།
Ⅺ པཤྩཱལ྄ ལོཀཱསྟད྄ ཝིདིཏྭཱ ཏསྱ པཤྩཱད྄ ཡཡུཿ; ཏཏཿ ས ཏཱན྄ ནཡན྄ ཨཱིཤྭརཱིཡརཱཛྱསྱ པྲསངྒམུཀྟཝཱན྄, ཡེཥཱཾ ཙིཀིཏྶཡཱ པྲཡོཛནམ྄ ཨཱསཱིཏ྄ ཏཱན྄ སྭསྠཱན྄ ཙཀཱར ཙ།
Ⅻ ཨཔརཉྩ དིཝཱཝསནྣེ སཏི དྭཱདཤཤིཥྱཱ ཡཱིཤོརནྟིཀམ྄ ཨེཏྱ ཀཐཡཱམཱསུཿ, ཝཡམཏྲ པྲཱནྟརསྠཱནེ ཏིཥྛཱམཿ, ཏཏོ ནགརཱཎི གྲཱམཱཎི གཏྭཱ ཝཱསསྠཱནཱནི པྲཱཔྱ བྷཀྵྱདྲཝྱཱཎི ཀྲེཏུཾ ཛནནིཝཧཾ བྷཝཱན྄ ཝིསྲྀཛཏུ།
ⅩⅢ ཏདཱ ས ཨུཝཱཙ, ཡཱུཡམེཝ ཏཱན྄ བྷེཛཡདྷྭཾ; ཏཏསྟེ པྲོཙུརསྨཱཀཾ ནིཀཊེ ཀེཝལཾ པཉྩ པཱུཔཱ དྭཽ མཏྶྱཽ ཙ ཝིདྱནྟེ, ཨཏཨེཝ སྠཱནཱནྟརམ྄ ཨིཏྭཱ ནིམིཏྟམེཏེཥཱཾ བྷཀྵྱདྲཝྱེཥུ ན ཀྲཱིཏེཥུ ན བྷཝཏི།
ⅩⅣ ཏཏྲ པྲཱཡེཎ པཉྩསཧསྲཱཎི པུརུཥཱ ཨཱསན྄།
ⅩⅤ ཏདཱ ས ཤིཥྱཱན྄ ཛགཱད པཉྩཱཤཏ྄ པཉྩཱཤཛྫནཻཿ པཾཀྟཱིཀྲྀཏྱ ཏཱནུཔཝེཤཡཏ, ཏསྨཱཏ྄ ཏེ ཏདནུསཱརེཎ སཪྻྭལོཀཱནུཔཝེཤཡཱཔཱསུཿ།
ⅩⅥ ཏཏཿ ས ཏཱན྄ པཉྩ པཱུཔཱན྄ མཱིནདྭཡཉྩ གྲྀཧཱིཏྭཱ སྭརྒཾ ཝིལོཀྱེཤྭརགུཎཱན྄ ཀཱིརྟྟཡཱཉྩཀྲེ བྷངྐྟཱ ཙ ལོཀེབྷྱཿ པརིཝེཥཎཱརྠཾ ཤིཥྱེཥུ སམརྤཡཱམྦབྷཱུཝ།
ⅩⅦ ཏཏཿ སཪྻྭེ བྷུཀྟྭཱ ཏྲྀཔྟིཾ གཏཱ ཨཝཤིཥྚཱནཱཉྩ དྭཱདཤ ཌལླཀཱན྄ སཾཛགྲྀཧུཿ།
ⅩⅧ ཨཐཻཀདཱ ནིརྫནེ ཤིཥྱཻཿ སཧ པྲཱརྠནཱཀཱལེ ཏཱན྄ པཔྲཙྪ, ལོཀཱ མཱཾ ཀཾ ཝདནྟི?
ⅩⅨ ཏཏསྟེ པྲཱཙུཿ, ཏྭཱཾ ཡོཧནྨཛྫཀཾ ཝདནྟི; ཀེཙིཏ྄ ཏྭཱམ྄ ཨེལིཡཾ ཝདནྟི, པཱུཪྻྭཀཱལིཀཿ ཀཤྩིད྄ བྷཝིཥྱདྭཱདཱི ཤྨཤཱནཱད྄ ཨུདཏིཥྛད྄ ཨིཏྱཔི ཀེཙིད྄ ཝདནྟི།
ⅩⅩ ཏདཱ ས ཨུཝཱཙ, ཡཱུཡཾ མཱཾ ཀཾ ཝདཐ? ཏཏཿ པིཏར ཨུཀྟཝཱན྄ ཏྭམ྄ ཨཱིཤྭརཱབྷིཥིཀྟཿ པུརུཥཿ།
ⅩⅪ ཏདཱ ས ཏཱན྄ དྲྀཌྷམཱདིདེཤ, ཀཐཱམེཏཱཾ ཀསྨཻཙིདཔི མཱ ཀཐཡཏ།
ⅩⅫ ས པུནརུཝཱཙ, མནུཥྱཔུཏྲེཎ ཝཧུཡཱཏནཱ བྷོཀྟཝྱཱཿ པྲཱཙཱིནལོཀཻཿ པྲདྷཱནཡཱཛཀཻརདྷྱཱཔཀཻཤྩ སོཝཛྙཱཡ ཧནྟཝྱཿ ཀིནྟུ ཏྲྀཏཱིཡདིཝསེ ཤྨཤཱནཱཏ྄ ཏེནོཏྠཱཏཝྱམ྄།
ⅩⅩⅢ ཨཔརཾ ས སཪྻྭཱནུཝཱཙ, ཀཤྩིད྄ ཡདི མམ པཤྩཱད྄ གནྟུཾ ཝཱཉྪཏི ཏརྷི ས སྭཾ དཱམྱཏུ, དིནེ དིནེ ཀྲུཤཾ གྲྀཧཱིཏྭཱ ཙ མམ པཤྩཱདཱགཙྪཏུ།
ⅩⅩⅣ ཡཏོ ཡཿ ཀཤྩིཏ྄ སྭཔྲཱཎཱན྄ རིརཀྵིཥཏི ས ཏཱན྄ ཧཱརཡིཥྱཏི, ཡཿ ཀཤྩིན྄ མདརྠཾ པྲཱཎཱན྄ ཧཱརཡིཥྱཏི ས ཏཱན྄ རཀྵིཥྱཏི།
ⅩⅩⅤ ཀཤྩིད྄ ཡདི སཪྻྭཾ ཛགཏ྄ པྲཱཔྣོཏི ཀིནྟུ སྭཔྲཱཎཱན྄ ཧཱརཡཏི སྭཡཾ ཝིནཤྱཏི ཙ ཏརྷི ཏསྱ ཀོ ལཱབྷཿ?
ⅩⅩⅥ པུན ཪྻཿ ཀཤྩིན྄ མཱཾ མམ ཝཱཀྱཾ ཝཱ ལཛྫཱསྤདཾ ཛཱནཱཏི མནུཥྱཔུཏྲོ ཡདཱ སྭསྱ པིཏུཤྩ པཝིཏྲཱཎཱཾ དཱུཏཱནཱཉྩ ཏེཛོབྷིཿ པརིཝེཥྚིཏ ཨཱགམིཥྱཏི ཏདཱ སོཔི ཏཾ ལཛྫཱསྤདཾ ཛྙཱསྱཏི།
ⅩⅩⅦ ཀིནྟུ ཡུཥྨཱནཧཾ ཡཐཱརྠཾ ཝདཱམི, ཨཱིཤྭརཱིཡརཱཛཏྭཾ ན དྲྀཥྚཝཱ མྲྀཏྱུཾ ནཱསྭཱདིཥྱནྟེ, ཨེཏཱདྲྀཤཱཿ ཀིཡནྟོ ལོཀཱ ཨཏྲ སྠནེ྅པི དཎྜཱཡམཱནཱཿ སནྟི།
ⅩⅩⅧ ཨེཏདཱཁྱཱནཀཐནཱཏ྄ པརཾ པྲཱཡེཎཱཥྚསུ དིནེཥུ གཏེཥུ ས པིཏརཾ ཡོཧནཾ ཡཱཀཱུབཉྩ གྲྀཧཱིཏྭཱ པྲཱརྠཡིཏུཾ པཪྻྭཏམེཀཾ སམཱརུརོཧ།
ⅩⅩⅨ ཨཐ ཏསྱ པྲཱརྠནཀཱལེ ཏསྱ མུཁཱཀྲྀཏིརནྱརཱུཔཱ ཛཱཏཱ, ཏདཱིཡཾ ཝསྟྲམུཛྫྭལཤུཀླཾ ཛཱཏཾ།
ⅩⅩⅩ ཨཔརཉྩ མཱུསཱ ཨེལིཡཤྩོབྷཽ ཏེཛསྭིནཽ དྲྀཥྚཽ
ⅩⅩⅪ ཏཽ ཏེན ཡིརཱུཤཱལམྤུརེ ཡོ མྲྀཏྱུཿ སཱདྷིཥྱཏེ ཏདཱིཡཱཾ ཀཐཱཾ ཏེན སཱརྡྡྷཾ ཀཐཡིཏུམ྄ ཨཱརེབྷཱཏེ།
ⅩⅩⅫ ཏདཱ པིཏརཱདཡཿ སྭསྱ སངྒིནོ ནིདྲཡཱཀྲྀཥྚཱ ཨཱསན྄ ཀིནྟུ ཛཱགརིཏྭཱ ཏསྱ ཏེཛསྟེན སཱརྡྡྷམ྄ ཨུཏྟིཥྛནྟཽ ཛནཽ ཙ དདྲྀཤུཿ།
ⅩⅩⅩⅢ ཨཐ ཏཡོརུབྷཡོ རྒམནཀཱལེ པིཏརོ ཡཱིཤུཾ བབྷཱཥེ, ཧེ གུརོ྅སྨཱཀཾ སྠཱནེ྅སྨིན྄ སྠིཏིཿ ཤུབྷཱ, ཏཏ ཨེཀཱ ཏྭདརྠཱ, ཨེཀཱ མཱུསཱརྠཱ, ཨེཀཱ ཨེལིཡཱརྠཱ, ཨིཏི ཏིསྲཿ ཀུཊྱོསྨཱབྷི རྣིརྨྨཱིཡནྟཱཾ, ཨིམཱཾ ཀཐཱཾ ས ན ཝིཝིཙྱ ཀཐཡཱམཱས།
ⅩⅩⅩⅣ ཨཔརཉྩ ཏདྭཱཀྱཝདནཀཱལེ པཡོད ཨེཀ ཨཱགཏྱ ཏེཥཱམུཔརི ཚཱཡཱཾ ཙཀཱར, ཏཏསྟནྨདྷྱེ ཏཡོཿ པྲཝེཤཱཏ྄ ཏེ ཤཤངྐིརེ།
ⅩⅩⅩⅤ ཏདཱ ཏསྨཱཏ྄ པཡོདཱད྄ ཨིཡམཱཀཱཤཱིཡཱ ཝཱཎཱི ནིརྫགཱམ, མམཱཡཾ པྲིཡཿ པུཏྲ ཨེཏསྱ ཀཐཱཡཱཾ མནོ ནིདྷཏྟ།
ⅩⅩⅩⅥ ཨིཏི ཤབྡེ ཛཱཏེ ཏེ ཡཱིཤུམེཀཱཀིནཾ དདྲྀཤུཿ ཀིནྟུ ཏེ ཏདཱནཱིཾ ཏསྱ དརྴནསྱ ཝཱཙམེཀཱམཔི ནོཀྟྭཱ མནཿསུ སྠཱཔཡཱམཱསུཿ།
ⅩⅩⅩⅦ པརེ྅ཧནི ཏེཥུ ཏསྨཱཙྪཻལཱད྄ ཨཝརཱུཌྷེཥུ ཏཾ སཱཀྵཱཏ྄ ཀརྟྟུཾ བཧཝོ ལོཀཱ ཨཱཛགྨུཿ།
ⅩⅩⅩⅧ ཏེཥཱཾ མདྷྱཱད྄ ཨེཀོ ཛན ཨུཙྩཻརུཝཱཙ, ཧེ གུརོ ཨཧཾ ཝིནཡཾ ཀརོམི མམ པུཏྲཾ པྲཏི ཀྲྀཔཱདྲྀཥྚིཾ ཀརོཏུ, མམ ས ཨེཝཻཀཿ པུཏྲཿ།
ⅩⅩⅩⅨ བྷཱུཏེན དྷྲྀཏཿ སན྄ སཾ པྲསབྷཾ ཙཱིཙྪབྡཾ ཀརོཏི ཏནྨུཁཱཏ྄ ཕེཎཱ ནིརྒཙྪནྟི ཙ, བྷཱུཏ ཨིཏྠཾ ཝིདཱཪྻྱ ཀླིཥྚྭཱ པྲཱཡཤསྟཾ ན ཏྱཛཏི།
ⅩⅬ ཏསྨཱཏ྄ ཏཾ བྷཱུཏཾ ཏྱཱཛཡིཏུཾ ཏཝ ཤིཥྱསམཱིཔེ ནྱཝེདཡཾ ཀིནྟུ ཏེ ན ཤེཀུཿ།
ⅩⅬⅠ ཏདཱ ཡཱིཤུརཝཱདཱིཏ྄, རེ ཨཱཝིཤྭཱསིན྄ ཝིཔཐགཱམིན྄ ཝཾཤ ཀཏིཀཱལཱན྄ ཡུཥྨཱབྷིཿ སཧ སྠཱསྱཱམྱཧཾ ཡུཥྨཱཀམ྄ ཨཱཙརཎཱནི ཙ སཧིཥྱེ? ཏཝ པུཏྲམིཧཱནཡ།
ⅩⅬⅡ ཏཏསྟསྨིནྣཱགཏམཱཏྲེ བྷཱུཏསྟཾ བྷཱུམཽ པཱཏཡིཏྭཱ ཝིདདཱར; ཏདཱ ཡཱིཤུསྟམམེདྷྱཾ བྷཱུཏཾ ཏརྫཡིཏྭཱ བཱལཀཾ སྭསྠཾ ཀྲྀཏྭཱ ཏསྱ པིཏརི སམརྤཡཱམཱས།
ⅩⅬⅢ ཨཱིཤྭརསྱ མཧཱཤཀྟིམ྄ ཨིམཱཾ ཝིལོཀྱ སཪྻྭེ ཙམཙྩཀྲུཿ; ཨིཏྠཾ ཡཱིཤོཿ སཪྻྭཱབྷིཿ ཀྲིཡཱབྷིཿ སཪྻྭཻརློཀཻརཱཤྩཪྻྱེ མནྱམཱནེ སཏི ས ཤིཥྱཱན྄ བབྷཱཥེ,
ⅩⅬⅣ ཀཐེཡཾ ཡུཥྨཱཀཾ ཀརྞེཥུ པྲཝིཤཏུ, མནུཥྱཔུཏྲོ མནུཥྱཱཎཱཾ ཀརེཥུ སམརྤཡིཥྱཏེ།
ⅩⅬⅤ ཀིནྟུ ཏེ ཏཱཾ ཀཐཱཾ ན བུབུདྷིརེ, སྤཥྚཏྭཱབྷཱཝཱཏ྄ ཏསྱཱ ཨབྷིཔྲཱཡསྟེཥཱཾ བོདྷགམྱོ ན བབྷཱུཝ; ཏསྱཱ ཨཱཤཡཿ ཀ ཨིཏྱཔི ཏེ བྷཡཱཏ྄ པྲཥྚུཾ ན ཤེཀུཿ།
ⅩⅬⅥ ཏདནནྟརཾ ཏེཥཱཾ མདྷྱེ ཀཿ ཤྲེཥྛཿ ཀཐཱམེཏཱཾ གྲྀཧཱིཏྭཱ ཏེ མིཐོ ཝིཝཱདཾ ཙཀྲུཿ།
ⅩⅬⅦ ཏཏོ ཡཱིཤུསྟེཥཱཾ མནོབྷིཔྲཱཡཾ ཝིདིཏྭཱ བཱལཀམེཀཾ གྲྀཧཱིཏྭཱ སྭསྱ ནིཀཊེ སྠཱཔཡིཏྭཱ ཏཱན྄ ཛགཱད,
ⅩⅬⅧ ཡོ ཛནོ མམ ནཱམྣཱསྱ བཱལཱསྱཱཏིཐྱཾ ཝིདདྷཱཏི ས མམཱཏིཐྱཾ ཝིདདྷཱཏི, ཡཤྩ མམཱཏིཐྱཾ ཝིདདྷཱཏི ས མམ པྲེརཀསྱཱཏིཐྱཾ ཝིདདྷཱཏི, ཡུཥྨཱཀཾ མདྷྱེཡཿ སྭཾ སཪྻྭསྨཱཏ྄ ཀྵུདྲཾ ཛཱནཱིཏེ ས ཨེཝ ཤྲེཥྛོ བྷཝིཥྱཏི།
ⅩⅬⅨ ཨཔརཉྩ ཡོཧན྄ ཝྱཱཛཧཱར ཧེ པྲབྷེा ཏཝ ནཱམྣཱ བྷཱུཏཱན྄ ཏྱཱཛཡནྟཾ མཱནུཥམ྄ ཨེཀཾ དྲྀཥྚཝནྟོ ཝཡཾ, ཀིནྟྭསྨཱཀམ྄ ཨཔཤྩཱད྄ གཱམིཏྭཱཏ྄ ཏཾ ནྱཥེདྷཱམ྄། ཏདཱནཱིཾ ཡཱིཤུརུཝཱཙ,
Ⅼ ཏཾ མཱ ནིཥེདྷཏ, ཡཏོ ཡོ ཛནོསྨཱཀཾ ན ཝིཔཀྵཿ ས ཨེཝཱསྨཱཀཾ སཔཀྵོ བྷཝཏི།
ⅬⅠ ཨནནྟརཾ ཏསྱཱརོཧཎསམཡ ཨུཔསྠིཏེ ས སྠིརཙེཏཱ ཡིརཱུཤཱལམཾ པྲཏི ཡཱཏྲཱཾ ཀརྟྟུཾ ནིཤྩིཏྱཱགྲེ དཱུཏཱན྄ པྲེཥཡཱམཱས།
ⅬⅡ ཏསྨཱཏ྄ ཏེ གཏྭཱ ཏསྱ པྲཡོཛནཱིཡདྲཝྱཱཎི སཾགྲཧཱིཏུཾ ཤོམིརོཎཱིཡཱནཱཾ གྲཱམཾ པྲཝིཝིཤུཿ།
ⅬⅢ ཀིནྟུ ས ཡིརཱུཤཱལམཾ ནགརཾ ཡཱཏི ཏཏོ ཧེཏོ རློཀཱསྟསྱཱཏིཐྱཾ ན ཙཀྲུཿ།
ⅬⅣ ཨཏཨེཝ ཡཱཀཱུབྱོཧནཽ ཏསྱ ཤིཥྱཽ ཏད྄ དྲྀཥྚྭཱ ཛགདཏུཿ, ཧེ པྲབྷོ ཨེལིཡོ ཡཐཱ ཙཀཱར ཏཐཱ ཝཡམཔི ཀིཾ གགཎཱད྄ ཨཱགནྟུམ྄ ཨེཏཱན྄ བྷསྨཱིཀརྟྟུཉྩ ཝཧྣིམཱཛྙཱཔཡཱམཿ? བྷཝཱན྄ ཀིམིཙྪཏི?
ⅬⅤ ཀིནྟུ ས མུཁཾ པརཱཝརྟྱ ཏཱན྄ ཏརྫཡིཏྭཱ གདིཏཝཱན྄ ཡུཥྨཱཀཾ མནོབྷཱཝཿ ཀཿ, ཨིཏི ཡཱུཡཾ ན ཛཱནཱིཐ།
ⅬⅥ མནུཛསུཏོ མནུཛཱནཱཾ པྲཱཎཱན྄ ནཱཤཡིཏུཾ ནཱགཙྪཏ྄, ཀིནྟུ རཀྵིཏུམ྄ ཨཱགཙྪཏ྄། པཤྩཱད྄ ཨིཏརགྲཱམཾ ཏེ ཡཡུཿ།
ⅬⅦ ཏདནནྟརཾ པཐི གམནཀཱལེ ཛན ཨེཀསྟཾ བབྷཱཥེ, ཧེ པྲབྷོ བྷཝཱན྄ ཡཏྲ ཡཱཏི བྷཝཏཱ སཧཱཧམཔི ཏཏྲ ཡཱསྱཱམི།
ⅬⅧ ཏདཱནཱིཾ ཡཱིཤུསྟམུཝཱཙ, གོམཱཡཱུནཱཾ གརྟྟཱ ཨཱསཏེ, ཝིཧཱཡསཱིཡཝིཧགཱाནཱཾ ནཱིཌཱནི ཙ སནྟི, ཀིནྟུ མཱནཝཏནཡསྱ ཤིརཿ སྠཱཔཡིཏུཾ སྠཱནཾ ནཱསྟི།
ⅬⅨ ཏཏཿ པརཾ ས ཨིཏརཛནཾ ཛགཱད, ཏྭཾ མམ པཤྩཱད྄ ཨེཧི; ཏཏཿ ས ཨུཝཱཙ, ཧེ པྲབྷོ པཱུཪྻྭཾ པིཏརཾ ཤྨཤཱནེ སྠཱཔཡིཏུཾ མཱམཱདིཤཏུ།
ⅬⅩ ཏདཱ ཡཱིཤུརུཝཱཙ, མྲྀཏཱ མྲྀཏཱན྄ ཤྨཤཱནེ སྠཱཔཡནྟུ ཀིནྟུ ཏྭཾ གཏྭེཤྭརཱིཡརཱཛྱསྱ ཀཐཱཾ པྲཙཱརཡ།
ⅬⅪ ཏཏོནྱཿ ཀཐཡཱམཱས, ཧེ པྲབྷོ མཡཱཔི བྷཝཏཿ པཤྩཱད྄ གཾསྱཏེ, ཀིནྟུ པཱུཪྻྭཾ མམ ནིཝེཤནསྱ པརིཛནཱནཱམ྄ ཨནུམཏིཾ གྲཧཱིཏུམ྄ ཨཧམཱདིཤྱཻ བྷཝཏཱ།
ⅬⅫ ཏདཱནཱིཾ ཡཱིཤུསྟཾ པྲོཀྟཝཱན྄, ཡོ ཛནོ ལཱངྒལེ ཀརམརྤཡིཏྭཱ པཤྩཱཏ྄ པཤྱཏི ས ཨཱིཤྭརཱིཡརཱཛྱཾ ནཱརྷཏི།