7
Isakar hayroo
Isakar mana duu kala izʼaru taaci kaŋ ti Tola, nda Puwa, nda Yašub, nda Šimroŋ. Tola izʼarey ti: Uzi, nda Refaya, nda Yeriyel, nda Yamay, nda Yibsam, nda Šemuwel. Arey wey ti Tola hugu boŋey. Dawda waatoo ra, Tola hayroo hinnaa manʼti kala aru zenber waranka cindi hinka nda zangu iddu (22.600), wongaariyaŋ no. Uzi izʼaroo ti Yizrakiya. Yizrakiya izʼarey ti: Minkaylu, nda Abdiyas, nda Žowel, nda Yišiya. I kul manʼti kala hugu boŋ guu. Ngi baaba hugey borey, wongu-izey kaŋ goo i ra ti aru zenber waranza cindi iddu (36.000), zama ngi woyey nda ngi zankey ga boobo. Isakar hayroo cindoo hugey borey kul kaŋ kabandi ka hantumandi manʼti kala wongu-ize zenber woyyaaha cindi iyye (87.000).
Benžameŋ hayroo
Benžameŋ mana duu kala izʼaru hinza kaŋ ti Bela, nda Beker, nda Yediyayel. Bela mana duu kala izʼaru guu kaŋ ti Esboŋ, nda Uzi, nda Uziyel, nda Yerimot, nda Iri. Hugu boŋyaŋ no. Ngi mo manʼti kala wongaariyaŋ. Waatoo kaŋ i kabandi ka hantumandi, i tee aru zenber waranka cindi hinka nda waranza cindi taaci (22.034). Beker izʼarey ti: Zemira, nda Yowaš, nda Eliyezer, nda Elyewonay, nda Omri, nda Yeremot, nda Abiya, nda Anatot, nda Alemet. I kul manʼti kala Beker izʼaru. Ngi hugu boŋey hayrey kabandi ka hantumandi, i tee wongaari zenber waranka nda zangu hinka (20.200). 10 Yediyayel izʼaroo ti Bilhaŋ. Bilhaŋ izʼarey ti: Yehuš, nda Benžameŋ, nda Ehud, nda Kenana, nda Zetaŋ, nda Tarsis, nda Ahišahar. 11 I kul ti Yediyayel izʼaru, hugu boŋyaŋ no. I manʼti kala wongaari zenber woy cindi iyye nda zangu hinka (17.200), wongu-izeyaŋ no.
12 Šupim nda Hupim manʼti kala Ir izʼarey. Hušim manʼti kala Aher izʼaru.
Neftali hayroo
13 Neftali izʼarey ti: Yasiyel, nda Guni, nda Yeser, nda Šalum. Bilha ti ngi ɲaa.
Manase hayroo kaŋ goo Žurdeŋ isaa se waynakaŋay here
14 Manase izʼaru ti Asriyel. Wahayoo kaŋ a nʼa zaa, kaŋ ti Siiri boro, nga kʼa hay. Woy follokaa ka Makir mo hay. Makir ti Galad baaba. 15 Makir na woy zaa Hupim se, ka zaa Šupim se. Makir woymaa maaɲoo ti Maaka. Izʼaru hinkantoo kaŋ Makir duu a maaɲoo ti Selofad. Selofad mana duu kala ize woyyaŋ hinne. 16 Makir wandoo kaŋ ti Maaka, nga mo duu a se izʼaru, ka maaɲoo daŋ Pereš. Pereš armaa maaɲoo ti Šereš. Šereš izʼarey ti Ulam, nda Rekem. 17 Ulam izʼaroo ti Bedaŋ. Wey manʼti kala Galad hayroo. Galad manʼti kala Makir izʼaru, Makir ti Manase izʼaru.
18 Galad woymaa kaŋ ti Moleket, nga ka Išehod, nda Abiyezer, nda Mahila hay. 19 Šemida izʼarey ti: Ahiyaŋ, nda Šekem, nda Liki, nda Aniyam.
Efrayim hayroo
20 Efrayim izʼaroo ti Šutela, Šutela izʼaroo ti Bered, Bered izʼaroo ti Tahat, Tahat izʼaroo ti Elada, Elada izʼaroo ti Tahat, 21 Tahat izʼaroo ti Zabad, Zabad izʼaroo ti Šutela. Amma haya kaŋ ti Ezer nda Elad, Gat koyraa borey kaŋ ti gandaa izey kʼi wii, zama i nka doo ka baa ngi ma koyraa borey adabbawey zay. 22 Ngi baaba Efrayim na ngi buuroo hẽe waati kuku. Nga borey kaa ka binoo daŋ. 23 Woo banda ga, a marga nda nga wandoo koyne, wandoo tee alhaamidu ka duu izʼaru. I na maaɲoo daŋ Beriya (maanaa «bone»), a nee kaŋ zama nga hugoo goo bone ra. 24 Efrayim ize woyoo ti Šeera. Bet-Heroŋ koyraa kaŋ goo ganda, nda Bet-Heroŋ koyraa kaŋ goo beene, nda Uzeŋ-Šeera koyraa, nga kʼi cin. 25 Nga izʼaroo ti Refa, Refa izʼaroo ti Rešef, Rešef izʼaroo ti Tela, Tela izʼaroo ti Tahaŋ, 26 Tahaŋ izʼaroo ti Ladaŋ, Ladaŋ izʼaroo ti Amihud, Amihud izʼaroo ti Elišama, 27 Elišama izʼaroo ti Nun, Nun izʼaroo ti Žozuwe.
28 Nongoo kaŋ nondi Efrayim borey se a ma tee ngi gorodogoo manʼti kala Betel nda nga koyrakanbey, nda Naraŋ koyraa kaŋ goo waynahunay here, nda Gezer nda nga koyrakanbey kaŋ goo waynakaŋay here, nda Šekem nda nga koyrakanbey, ka koy hala Aya koyraa ra nda nga koyrakanbey.
29 Manase hayroo koyrawey manʼti kala Bet-Šeyaŋ nda nga koyrakanbey, nda Tanak nda nga koyrakanbey, nda Megido nda nga koyrakanbey, nda Dori nda nga koyrakanbey. Izirayel izʼaroo Isufi hayroo goro koyrawey wey ra.
Ašer hayroo
30 Ašer izʼarey ti: Yimna, nda Yišwa, nda Yišwi, nda Beriya. Ngi woymaa ti Sera. 31 Beriya izʼarey ti: Heber nda Malkiyel. Malkiyel ka Birzayit koyraa sinji. 32 Izʼarey kaŋ Heber duu ey ti: Yaflet, nda Šomer, nda Hotam, nda ngi woymaa Šuwa. 33 Yaflet izʼarey ti: Pasak, nda Bimhal, nda Ašwat. Wey ti Yaflet izʼarey. 34 Šemer izʼarey ti: Ahi, nda Roga, nda Hubba, nda Aram. 35 Šemer armaa Helem izʼarey ti: Sofa, nda Yimna, nda Šeleš, nda Amal. 36 Sofa izʼarey ti: Suwa, nda Harnefer, nda Šuwal, nda Beri, nda Yimra, 37 nda Beser, nda Hod, nda Šamma, nda Šilša, nda Yitraŋ, nda Beera. 38 Yeter izʼarey ti: Yefune, nda Pispa, nda Era.
39 Ula izʼarey ti: Arak, nda Haniyel, nda Risiya.
40 Wey kul ti Ašer izʼaruyaŋ. Hugu boŋyaŋ no. Wongaari gaabikoyni alkadaranteyaŋ no. Jineborey boŋkoyniyaŋ no. Arey kaŋ kabandi ka hantumandi kaŋ ga hin ka koy wongu, i manʼti kala aru zenber waranka cindi iddu (26.000).