12
Ensel Daniel mampe gagaloleide
1 Ensel ne dianene wanase, “Walama ando iedia bedewe ensel mukamukaua Maikel mida e apanaa Israelwa oniamodia sabamolepie wisepio poka rebarebaida segalepi. E uwa da segaitena walamawe e mai kadi ema rua donsapona, dia. Walama sawo e apanaa mida ebou God buka bedewe girumalena inaida donsapu.
2 Apana uara mida bontone dogo bedewe wineia ando osowe inantopue enapuwimopu, isiwa ando inawinakasala wadapu ita isiwa mala ita nuapare debamaia winakasala bedewe antopu.
3 Tane insadewasala apanawa mo mida sosou isiwa dewamoieno God mampe dodomanantona ebo debama winakasala wadapu ita mo inainambu sapaida wapi walamo uba sapa wadia rua ita do tadino kipora sapa waia rua.”