26
Iawe God Aisak osowe sau euda itupi Abraam osowe ituna rua
Omana debamaia Kanaan bolawa bedewe segalen mapo Abraam walamawe segalena rua. Sa baiwa Aisak alen bola debama Gera bedewe Pilistan warerewa Abimelek mampe.
Tane Iawe God Aisak mampe segalene wanase, “E Isibt bedewe mai iee aitaa, tane mape wanempo ne wapo rua aita. E mape wanempa ita ne ipa e do ita sau euda osoawo itupe oniaepina. Tane e nosinosia do tawo ema uduudu enalepa ita ema bedewe mamaa Abraam mampe saua badowa wana ipawanasapa. Ita ne e dewaepo dana uarantopu uba tampe kipora wisiasiawaia rua ita do tawo ema uduudu wanamopa. E nosinosia bedeuwoe uwa daitada apanawa sau euda donsampa. Ipawa Abraam ne aiana asisusan ita waeuwana etene ita do anaanana uduudu ruawalen.” Sape Aisak bola debama Gera bedewe wankasalen.
26:3 Bumpai 22.16-18