3
Awodeantompe nana nampe waimompa amonawa
1 Iawe God Moses mampe wane wanase, “Naita e pue kau mona ba iwoa awodeantompe nana nampaa amonawa itua, pue sa etepa mai bene ba kero da dola, dia.
2 E witaa pue uwawa osowe itue bosaa ape kakaiwa nope. Ita Aron obampa pirisi pue osinapa wadapue pulo watawa sainapainta uwakokosapue antopu.
3-4 E moia lapawa pue bedewe winedia ita adimoa nata osouwo menawa do ita pue karomba kewakewa eubuida nana nampa pulowa itua ne Iawe God mainawo. Ita pirisi moia ema umanau wamona ne Iawe God mainawo pulontopu.
5 Ita mo pulo susula dosapue pulontopu wata osowe. Nana ema mo amonantopua bonawa ipa eudida ne mainawo.”
Pue ema apanawaida ita obampa ita sosowa do moia waiwa isiwa mo naiena. Iawe God awodeantompe nana nampa amonawa pue kau amonantompa umanawa waeuwamon. Ita do me waeuwamona awodeantompe nana nampaa pulowa sipsip ba gote mampo deawa dewasampa.