33
God Israel apanawa diamona Kanaan bolawa wadapu
50 Tane Israel apanawa Moab bolawa apuapuwa osowe waimoie esa Ioadan tampe ita bola debama Ieriko waiwa dauwo winedie. Ita sape Iawe God Moses diene wanase,
51 “E Israel apanawa ema epe diamoa,
‘E esa Ioadan nawane Kanaan bolawa bedewe odane,
52 sape apana waimoia tanamona ita kokoitau seu mampe ita irama mampe dewalala ita do wadaposiu bolawa kadimonatuwapi.
53 Ne bola sa e enaledina wadane manlawosane ita bedewe waina.
54 E bola wadawadawa baiwa, nitu kopikopiua mampe owaitane ewane rua empuempusane danla wanamona. Dan dainea debamawa, eiasane wanamona tane dan kerauda kerausane wanamona. E nosinosila dambu asiasi odaitana.
55 Naita e apana bola sa bedewe waimoia mai tanamono antopua, mo ando karami emalawo aleidie poka enaledia ita do gedara endia rua surakaulempa. E sape wanlempo mo ando poka debamaia enalempa.
56 Naita e apana bola sa bedewe waimoia mai tanamono antopua, ne insedina Kanaan apanawa matangelamopono poka etapona tane e Israelwa poka osolawosapo etana.’ ”