23
Iawe God sipsip onionia apanawa euda
Dawid sasawa
 
Iawe God me ipa ne onioniana apanawa wande sipsip onionia apanawa euda rua.
Sa baiwa ne mai dima abolawantipona, dia.
Me banlanedio bola euda bedewe antedine,
sape esa obasa aleidiawo wanwan euda
wainedine bubuadewantedina.
Ne sape wainedine leidino
nuana wasileidio muka wadedina.
Me dewawa dodomana
baiwa ne banlanedio a dewadewantedina.
Tane ne dewa da badowaida kadineampo boida baiwantepine
mai bo ba kadiwa sawanteapa,
ipawa Iawe God e ipa ne do
mai eneipona, dia;
e koinaa mampe bodaneie onianeiana.
 
E nisoneiano emalawoana apanawa ewaneio
oda nanawa debama imasaanawo iedina.
E ne ituposineaana manawonteapa
baiwa mena wadee uanawo memeana;
do nana nadine pokanedio wainedina.
Ita e ne nuawadawadanene dewa euda mainawo dewasana,
ita ne e nata duawo wankasantata.
23:2 Gagalo 7.17