19
Saakweetaab kooyēēy nyēbo Mēēnkit
Yu kakeeyta ꞉yoo, akas bōlāt nyēbo biich chēē chaang' kumwooyē kule,
“Aleluuya!*
Kāārārookiintēēt ꞉Yēyiintēēnyoo,
itōrōōroot ānku cheechii ꞉kāāmuukēywēēk.
Bo man ānku chuulaat ꞉kiyēē itiilē.
Kiikōōtiilchi ng'aleek koorkoonoo ki choonchooyēn,
nyoo kinyēērēē kōōrēēt ām rōkōsnyii bo martaayeet.
/Kikiing'woonchi koorkoonoo,
kuuyu kibakach ꞉inee choo kiyēchinē Yēyiin yiisyēēt.+
Aleluuya!
Chiiltooy ākookoy ꞉yyētiit ām kiriinkoonoo.”+
Kikutunkyi ꞉booyichoo tibtēmu āk ang'wan ākoo tukuuchoo sobchootiin ang'wan Yēyiin nyoo kimii kēēbuurēē ng'echereetaab bāytooyiisyēēt kumwooyē kule,
“Aameen, aleluuya.”+
Nto mii yoo, kuchōōnēē ꞉kuut yēbo ng'echeraanaa nyēē kimwooyē kule,
“Ōsiltē Yēyiintēēnyoo,
꞉akweek tukul choo ōywēyē ānkōōyēchinē yiisyēēnyii
ānkiimining' nto iwōō.”
Yooto akas bōlāt nyēē wuu nyēbo lukēētaab biiko. Kiiruumē kuu bēēkaab chēēsuruur ānkutulē kuu iiloot kumwooyē kule,
“Aleluuya!
Bāytooyiisyē ꞉Mokoryoontēēt Yēyiintēēnyoo nyoo bāwu kiy ake tukul.
Okany keetankas ankeeng'erech ankiikaaste
kuuyu kaakuyit ꞉saakweetaab kooyēēy nyēbo *Mēēnkit,
ānkāākuchōb keey ꞉murereenyii.+
/Kākiilookyi mureraanaa sirook chēē kāroorānēch,
chēē leelach ānku tiliilēch.”
Ibooru ꞉siroochoo leelach yēyuutēk chēē churtootiin chēbo biikaab Kiriistō.+
Yooto, kumwoowoo ꞉malayikeet kule, “Sir ng'aleechu: Ibēruurootiin ꞉biich choo /kākēēkuur kuba saakwaanaa bo Mēēnkit. Ng'aleekaab man ꞉chu chēbo Yēyiin.”+
10 Yu kāākuyityo ꞉yoo, āryookyi keey yēbo kērēēnkōōkyii ākutunkyi. Nteenee kumwoowoo kule, “‑Mēēkutung'woo! Ntēē kēēyēchinē ꞉tukwaay Yēyiin yiisyēēt āk mbo ng'eetaabkoomēt choo kiikukiilchi lōkōōywēk kurubta keey Yēēsu. Kutunkyi Yēyiin nkit, kuuyu ng'āloolēē baateey *꞉wōōrkooyoontēēt lōkōōywēk kurubta keey Yēēsu.”+
Chiito nyēē kakalab ꞉faraasiit nyēē siirwoo
11 Kyaakas kuyaataat wōliin bo kibkōōnkōy ānkumii ꞉faraasiit nyēē siirwoo nyēē kēsēnē chii. /Kēēkuurēē chiichooto ‘Manta /ānkiikoosēē keey.’ Yoo itiilē ng'aleek nto kuyēyē booryēēt, kuyēyē nyēbo churtaayeet.+ 12 Kikerkeey ꞉koonyekyii maat nyēē irikitiitē ānkimii ꞉kuutwōōsyēkaab bāytooyiisyēēt chēē chaang' mētinyii. Boonto kaayneet /ānkikēēng'ōōtyi kaayna nyēē ‑mēēnkēt ꞉chii nteenee ꞉inee nkit ꞉nyēē inkētē.+ 13 Kiilaach ꞉inee sira nyēē kooy nyēē /kikiikiiluumta korotiik, nto kaayneenyii ku ‘Ng'ālyoontēētaab Yēyiin’.+ 14 Kirub chiichoo ꞉lukēētaab booryēēt nyēbo kibkōōnkōy. Kikiilaach ꞉lukoonoo sirook chēē nuusyootiin, chēē leelach ānku tiliilēch ānkibēētēē ꞉faraasiinek chēē siirwoonēch.+ 15 Kichuwunee kuutiinyii ꞉chōōkiit nyēē ng'atiib nyēē mākuyēyiisyēē sukōōsyēēntēē biiko chēē ‑mēēywēyē Yēyiin. Mākōōng'woonchi bichoo ām kirōktaab bāytooyiisyēēt nyēbo karneet ānku mākutum keey ꞉korotiik kuu bēēkaab musābiibuunēk chēē /kakiitartaar, kōōbooru nyēērunātēētaab Yēyiintēētaab kāāmuukēy.+ 16 /Kikēēsirchi sireenyii āk kibēēsnyii kaaynaani: ‘Bāytooyiintēētaab bāytooyik ānku Mokoryoontēētaab mokorēēnik’.+
17 Kyaakas malayikeet nyēē kēēyyoonyēē yēbo asiista kukuurē tāriitēk chēē kitēērēērtootē kule, “Ōruruuch keey kubo Saakweetaab Yēyiin, 18 okwaa boo-am muuswēkaab bāytooyik, kāāyyoong'ikaab lukōōsyēk āk biikaab nkuruuk āk faraasiinek kuboonto keey biikwaa choo kēsēnē. Boo-am muuswēkaab chēē bāwu keey āk chēē mātwoor, chēē wōōyēch āk chēē minkēēch.”+
19 Nto mii yoo, akas tyoonyoo bo rōkōs āk bāytooyikaab kōōrēēt kukēēruruuch keey kuboonto keey lukōōsyēkwaa bo booryēēt kumāchē kubooryēē chiichoo kālābē ꞉faraasiinaa siirwoo āk lukēēnyii.+ 20 Nteenee, /kikeenam tyoonyoo, kuboonto keey wōōrkooyoontoonoo bo ng'wiiynan nyoo kiyēyē tukuuk chēbo kwōng'uut ām kāāmuukēywēēkaab tyoonyoo. Kiibērbēērēē ꞉wōōrkooyoontoonoo ng'aleechuutēchu bo kwōng'uut bichoo kiboonto bēēruutyēētaab tyoonyoo āk choo kikutunkyinē āynātoonoo kerkeey tyoonyoo. /Kikēēwunukyi tyoonyoo āk wōōrkooyoontoonoo bo ng'wiiynan tōōliilēētaab maat nyēē ng'āsyānē kusobchootiin.+ 21 /Kikeebar lukōōsyēkwaa ām chōōkiinoo kichuwunēē kuutiitaab chiichoo kikālābē ꞉faraasiit. Yooto kwoomiis ꞉tāriitēk tukul kut kulēēsoon.+
* 19:1 Ibooru ām kuutiitaab Iburaneek ꞉ng'ālyoontooni kule ‘Kusilākoy ꞉Yēyiin’. + 19:2 Ng'oong'. 16:6 + 19:3 Isa. 34:10; Ng'oong'. 14:11; 18:9, 18 19:4 Kasee ng'aleechu āyēēng' yoo bo kāāboorunēētaab ng'aleek. + 19:4 Ng'oong'. 4:4, 6; 5:7 + 19:7 Ng'oong'. 21:2 + 19:8 Ng'oong'. 6:11 + 19:9 Isa. 25:6; Mat. 22:2; Luuka 14:15-16 + 19:10 Ng'oong'. 22:8-9; 6:9 + 19:11 Mat. 3:16 + 19:12 Ng'oong'. 1:14-15 + 19:13 Isa. 63:1-6; Yoowa. 1:1 + 19:14 Ng'oong'. 6:11 + 19:15 Tyēēn. 2:9; Ng'oong'. 1:16; 2:26-27 + 19:16 Ng'oong'. 17:14 + 19:18 Ēsēk. 39:4, 17-19 + 19:19 Tyēēn. 2:2; Ēsēk. 38:2-9, 14-16; Seka. 14:2; Ng'oong'. 17:12-14 + 19:20 Ng'oong'. 13:1-2, 14-15; 20:10 + 19:21 Ng'oong'. 1:16