11
ثِيّرِ شُنمَقَلَقٍ
شّيرَيٍ نُن نفَشَكٍرٍنيِيٍ نَشٍيٍ نُ نَ يُدَيَ، عٍ نَشَ عَ مّ عَ سِ فبّتّيٍ قَن بَرَ تِن عَلَ شَ مَسٍنيِ رَ. ثِيّرِ تٌ تٍ دَرِ سَلَمُ، يُوِقِ دَنشَنِيَتْييٍ نَشَ عَ كَلَمُ، «عِ بَرَ سٌ سُننَتَرٍيٍ شْنيِ، وٌ بِرِن بَرَ وٌ دّفٍ!»
عَوَ ثِيّرِ نَشَ قٍ بِرِن تَفِ رَبَ عٍ بّ عَ دَنفِشِ كِ نَشّ. عَ نَشَ عَ مَسٍن، «ﭑ نُ نَ يَقَ تَا نَن كُي. ﭑ نَ عَلَ مَشَندِقٍ تّمُي نَشّ، ﭑ نَشَ لَامَتُنيِ تٌ. سٍ ندٍ نَشَن مَنِيَشِ دُفِ شُنفبٍ رَ، عَ شِرِشِ عَ تُنشُن نَانِيٍ مَ، نَ نَشَ فٌرٌ كٍلِ كٌورٍ مَ هَن ﭑ يِرٍ. ﭑ نَشَ عَ عِفبّ عَ قَنيِ رَ. ﭑ نَشَ شُرُ سٍيٍ، وُلَ سُبٍيٍ، بُبُسٍيٍ، نُن شْنِ بِرِن تٌ عَ كُي. شُي ندٍ نَشَ عَ قَلَ، ‹ثِيّرِ، كٍلِ، عِ سُبٍ ندٍ قَشَ، عِ شَ عَ دٌن.› كْنْ ﭑ نَشَ عَ قَلَ، ‹عَدٍ، مَرِفِ. ﭑ مُ نُ سٍ رَهَرَ مُشِ دٌن سِندٍن، شَ نَ مُ عَ رَ سٍ سّنِيّنتَرٍ.› شُي نَشَ وْيّن ﭑ بّ عَ قِرِن ندٍ، ‹عَلَ بَرَ نَشَن نَسّنِيّن عِ نَشَ عَ قَلَ عَ سّنِيّنتَرٍ.› 10 نَ نَشَ رَبَ سَنيَ سَشَن. نَ شَنبِ، عَ بِرِن مَن نَشَ تٍ كٌورٍ مَ.»
11 «نَ تّمُي مِشِ سَشَن، نَشٍيٍ نُ شّيشِ ﭑ يِرٍ كٍلِقٍ سٍسَرٍ، عٍ نَشَ تِ مُشُ شَ بَنشِ نَادّ رَ. 12 عَلَ شَشِلِ نَشَ عَ مَسٍن ﭑ بّ عَ مُشُ بِرِن شَ سِفَ، عَ هَلِ ﭑ مُ سِيكّ. يِ شّمّ سٍننِ نَشٍيٍ يِ كِ، عٍ قَن نَشَ ﭑ مَتِ نَا. مُشُ تٌ سٌ كٌرٌنٍلِيٌ شْنيِ، 13 عَ نَشَ عَ يَبَ مُشُ بّ عَ مَلٍكّ تٌشِ عَ شَ بَنشِ كُي كِ نَشّ. مَلٍكّ نَشَ عَ مَسٍن عَ بّ، ‹مِشِ شّي يَقَ، عَ شَ قَ سِمْن نَ، عٍ نَشَن شِلِ قَلَمَ ثِيّرِ. 14 عَ قَمَ مَسٍنيِ تِدٍ عِ بّ، عِ تَن نُن عِ شَ مِشِ بِرِن كِسِمَ نَشَن سَابُي رَ.›»
15 «ﭑ تٌ سٌ وْيّنقٍ، عَلَ شَشِلِ سّنِيّنشِ نَشَ فٌرٌ عٍ مَ عَلْ عَ فٌرٌ وٌن مَ كِ نَشّ عَ قْلّ. 16 ﭑ قَ رَتُ مَرِفِ شَ مَسٍنيِ مَ، ‹يَيَ بَرَ مِشِ شُنشَ يٍ شْورَ، كْنْ عَلَ شَشِلِ سّنِيّنشِ قَمَ فٌرٌدٍ وٌ مَ.› 17 عَلَ تٌ بَرَ عٍ كِ عَلْ عَ وٌن كِشِ كِ نَشّ، وٌن تَن نَشٍيٍ دَنشَنِيَشِ عِسَ عَلَ شَ مِشِ سُفَندِشِ مَ، عَ نُ لَن ﭑ شَ عَلَ مَتَندِ؟»
18 عٍ تٌ نَ مّ، عٍ نَشَ دُندُ، عٍ نَشَ عَلَ مَتْشْ، «عَلَ بَرَ تُوبِ رَفِرِ سِ فبّتّيٍ قَن بّ، عَلَكٌ عٍ قَن شَ كِسِ.»
بَرَنَبَسِ نُن سْلُ سِفَقٍ عَنتِيْكِ
19 عِسَ قْشِرَبِرّ نَشٍيٍ يٍنسٍن عٍتِيّن قَشَ شَنبِ حَشَنكَتّ سَابُي رَ، عٍ نَشَ سِفَ هَن قٍنِسِيَ، سِثِرِ، نُن عَنتِيْكِ. عٍ نُ عَلَ شَ مَسٍنيِ كَوَندِ مَ يُوِقِيٍ نَن بّ. 20 كْنْ سِثِرِكَيٍ نُن سِرٍنِكَيٍ نَشٍيٍ نُ نَ عٍ يَ مَ، عٍ تٌ سِفَ عَنتِيْكِ، عٍ نَشَ مَرِفِ عِسَ شَ شِبَارُ قَنيِ مَسٍن فِرّكِكَيٍ قَن بّ. 21 مَرِفِ شْنيّ نُ نَ عٍ مَ. مِشِ فبٍفبٍ نَشَ دَنشَنِيَ، عٍ نَشَ تُوبِ مَرِفِ مَ.
22 دَرِ سَلَمُ دَنشَنِيَتْي حَمَ تٌ نَ قٍ مّ، عٍ نَشَ بَرَنَبَسِ شّي عَنتِيْكِ. 23 عَ تٌ سٌ نَا، عَ نَشَ حّلّشِن عَلَ شَ هِننّ تٌقٍ رَ. عَ نَشَ عٍ رَلِمَنِيَ، عٍ شَ دَنشَنِيَ مَرِفِ مَ. 24 بَرَنَبَسِ، مِشِ قَنيِ نَن نُ عَ رَ. عَ نُ رَقٍشِ دَنشَنِيَ نُن عَلَ شَشِلِ سّنِيّنشِ رَ. حَمَ فبٍفبٍ نَشَ دَنشَنِيَ مَرِفِ مَ.
25 نَ شَنبِ، بَرَنَبَسِ نَشَ سِفَ تَرِ سٍ سْلُ قٍندٍ. 26 عَ تٌ عَ تٌ، عَ نَشَ قَ عَ رَ عَنتِيْكِ. عٍ نُن دَنشَنِيَتْييٍ نَن نُ عٍ مَلَنمَ نَا حّ كٍرٍن بِرِن بُن مَ. عٍ نَشَ مِشِ فبٍفبٍ شَرَن. عِسَ قْشِرَبِرّ نَشٍيٍ نُ نَ عَنتِيْكِ، نٍيٍ نَن سِنفٍ «عِسَيَنكَ» شِلِ سْتْ.
27 نَ تّمُي، نَمِحْنمّ ندٍيٍ نَشَ فٌرٌ عَنتِيْكِ، كٍلِقٍ دَرِ سَلَمُ. 28 نَشَن نُ شِلِ عَفَبُ، نَ نَشَ تِ، عَ قَ عَ قَلَ عَلَ شَشِلِ سّنِيّنشِ سَابُي رَ، عَ كَامّ شُنفبٍ قَمَ سِندٍ دُنِحَ بِرِن مَ. نَ قٍ رَبَ مَنفّ كِلْدِ شَ وَشَتِ نّ. 29 عِسَ قْشِرَبِرّيٍ نَشَ لَن عَ مَ عٍ شَ يُدَيَ نفَشَكٍرٍنيِيٍ مَلِ هَرِفٍ رَ، كَنكَن نْمَ نَشَن نَ. 30 عٍ نَشَ عَ سٌ بَرَنَبَسِ نُن سْلُ يِ رَ كَتَرَبِ كُنتِفِيٍ مَ.