2
عَلَ شَشِلِ سّنِيّنشِ فٌرٌقٍ دَنشَنِيَتْييٍ مَ
شّ شَبّ سَلِ تٌ عَ لِ، عِسَ قْشِرَبِرّيٍ بِرِن نُ مَلَنشِ يِرٍ كٍرٍن. شُي ندٍ نَشَ مِنِ كٌورٍ مَ كٍرٍن نَ عَلْ قٌيٍ شُنفبٍ شُي. عَ نَشَ بَنشِ كُي بِرِن نَقٍ عٍ نُ دْشْشِ دّننَشّ. عٍ نَشَ سٍ ندٍيٍ تٌ نَشٍيٍ مَنِيَ نّنيِيٍ رَ، تّ نَ عٍ مَ. نَ سٍيٍ نَشَ عِتَشُن، كٍرٍن كٍرٍن نَشَ دْشْ كَنكَن شُنيِ مَ. عَلَ شَشِلِ سّنِيّنشِ نَشَ فٌرٌ قْشِرَبِرّيٍ بِرِن مَ، عٍ نَشَ سٌ شُي فبّتّيٍ قَلَقٍ عَلَ شَشِلِ سّنِيّنشِ سَابُي رَ.
يُوِقِ دِينّلَيٍ كٍلِقٍ حَمَنّ بِرِن مَ، عٍ نُ مَلَنشِ دَرِ سَلَمُ نَ سَشَنيِ. حَمَ تٌ يِ شُي مّ، عٍ نَشَ قَ عٍ فِ رَ. عٍ نَشَ كَابَ بَرِ مَ كَنكَن نُ عِسَ قْشِرَبِرّيٍ شُي مّمَ عٍ بَرِ شُي يَتِ نَن نَ. عٍ دّ نَشَ عِشَرَ، عٍ قَ عَ قَلَ، «ثٍ، يِ مِشِيٍ نَشٍيٍ وْيّنمَ يِ كِ، فَلِلٍكَيٍ شَ مُ عٍ بِرِن نَ؟ وٌن قَ وٌن بَرِ شُي مّقٍ عٍ رَ دِ؟ ثَرَتٌكَيٍ، مٍدٍكَيٍ، عٍلَمَكَيٍ، نَشٍيٍ سَبَتِشِ مٍسٌثٌتَمِيَ، يُدَيَ، كَثَدٌ سٍ، ثٌنتُ، عَسِ، 10 قِرِفِيَ، ثَنقِلِيَ، مِسِرَ، لِبِيَ، سِرٍنِ بْشِ قّ مَ، عَ نُن نَشٍيٍ كٍلِ رْ مَ، يُوِقِيٍ عَ نُن مِشِ نَشٍيٍ سٌشِ عٍ شَ دِينّ يَ مَ، كِرّتِكَيٍ عَ نُن عَرَبُيٍ، 11 وٌن بِرِن نَ عٍ شُي مّقٍ وٌن بَرِ شُي يَتِ نَن نَ. عٍ نَ عَلَ شَ كَابَنَكٌ قٍيٍ قَلَقٍ وٌن مَ شُييٍ. نَ رَبَشِ دِ؟» 12 عٍ بِرِن دّ نَشَ عِشَرَ، عٍ نَشَ عِقُ. عٍ نُ عَ قَلَ عٍ بٌرٍ بّ، «مُنقٍ يِ كِ؟» 13 كْنْ ندٍيٍ نَشَ عٍ مَيٍلٍ، عٍ نُ قَ عَ قَلَ، «عٍ سِيسِشِ نّ يِ كِ.»
ثِيّرِ شَ كَوَندِ
14 نَ شَنبِ ثِيّرِ نُن يِ شّيرَ قُ نُن كٍرٍنيِيٍ نَشَ كٍلِ. ثِيّرِ نَشَ عَ مَسٍن حَمَ بّ عَ شُي عِتٍشِ رَ، «يُوِقِيٍ، عَ نُن وٌ تَن نَشَن بِرِن نَ دَرِ سَلَمُ، وٌ شَ وٌ تُلِ مَتِ ﭑ نَ. وٌ شَ عَ كٌلٌن، 15 يِ مِشِيٍ مُ سِيسِشِ شّ دٍ عَلْ وٌ عَ مَحْشُنشِ كِ نَشّ، بَرِ مَ فّيسّفّ نَ عَ رَ يِ كِ.»
16 «عَننَبِ يٌوٍلِ يِ مَسٍنيِ نَن تِ.
17 ‹عَلَ نَشّ،
ﭑ قَمَ ﭑ شَشِلِ تَشُندٍ مِشِ بِرِن نَ لْشْي دْنشْييٍ.
وٌ شَ دِ شّمّيٍ نُن وٌ شَ دِ فِنّيٍ
وْيّنمَ نّ ﭑ تَن عَلَ شِلِ رَ.
وٌ شَ سّفّتَلَيٍ تٌ تِمَ نّ قٍيٍ رَ،
وٌ شَ قٌرِيٍ قَن شِيٍيٍ سَ.
18 نَ وَشَتِ،
ﭑ قَمَ ﭑ شَشِلِ رَفٌرٌدٍ ﭑ مَ كٌنيِ شّمّيٍ
نُن ﭑ مَ كٌنيِ فِنّيٍ مَ.
عٍ وْيّنمَ نّ ﭑ تَن عَلَ شِلِ رَ.
19 ﭑ كَابَنَكٌييٍ رَبَمَ نّ كٌورٍ مَ،
ﭑ تْنشُمَيٍ مَسٍنمَ نّ بْشِ قَرِ،
نَشٍيٍ قِندِ مَ وُلِ، تّ، نُن تُورِ رَ.
20 سٌفٍ دِ مِمَ نّ،
كِكٍ فبٍيلِمَ نّ عَلْ وُلِ
بٍينُن مَرِفِ شَ لْشْي شَ عَ لِ،
نَ دَرِيّ لْشْي شُنفبٍ.
21 مِشِ يٌ نَشَن مَرِفِ شِلِ مَشَندِ مَ،
نَ كَنيِ كِسِمَ نّ.›»
 
22 «عِسِرَيِلَكَيٍ، وٌ وٌ تُلِ مَتِ يِ مَسٍنيِ رَ. عِسَ نَسَرّتِكَ عَلَ شَ مِشِ سُفَندِشِ نَن نُ عَ رَ. عَلَ نَشَ نَ مَسٍن كَابَنَكٌييٍ، قٍ مَفَاشُشِيٍ، نُن تْنشُمَيٍ رَ، عِسَ نَشَن نَبَشِ وٌ تَفِ. وٌ بِرِن نَ قٍيٍ كٌلٌن. 23 عَلَ بَرَ عَ رَفِرِ كَاقِرِيٍ شَ كَقُ وٌ مَ، عَلَكٌ وٌ شَ يِ شّمّ قَشَ، وٌ عَ بَنبَن وُرِ مَفَلَنبُشِ مَ، عَلْ عَلَ نُ عَ حَنِفٍشِ كِ نَشّ. 24 كْنْ نَ شَنبِ، عَلَ بَرَ عَ رَكٍلِ، عَ قَشّ لُوتِ بَ عَ مَ، بَرِ مَ قَشّ مُ نُ نْمَ كَنكَندٍ عَ مَ.»
25 «دَوُدَ نُ عِسَ شَ قٍ نَن قَلَقٍ يِ مَسٍنيِ رَ.
‹ﭑ مَرِفِ تٌمَ تّمُي بِرِن ﭑ يَ عِ.
عَ تٌ نَ ﭑ سّيتِ مَ، ﭑ مُ نْمَ بِرَدٍ.
26 نَ نَن عَ تٌشِ ﭑ بْحّ نَ سّيوّ كُي،
ﭑ دّ قَن عَ شَ قٍ مَسٍنمَ حّلّشِنيِ رَ.
ﭑ قَتٍ قَن مَلَبُمَ نّ بْحّسَ كُي،
27 بَرِ مَ عِ مُ ﭑ نِي بّحِنمَ عَلِفِيَمَ،
عِ مُ عِ شَ سّنِيّنتْي لُمَ فَبُرِ كُي، عَ شَ بْرْ.
28 عِ بَرَ عَ نِيَ ﭑ شَ كِسِ كِرَ كٌلٌن.
عِ سّيوّ قِمَ نّ ﭑ مَ عِ يِرٍ.›»
 
29 ثِيّرِ مَن نَشَ عَ قَلَ، «ﭑ نفَشَكٍرٍنيِيٍ، وٌ عَ لُ ﭑ شَ وٌن بٍنبَ دَوُدَ شَ قٍ قَلَ وٌ بّ. عَ قَشَ نّ، عَ نَشَ رَفَتَ، عَ شَ فَبُرِ مَن نَ وٌن تَفِ بٍ هَن تٌ. 30 نَمِحْنمّ تٌ نُ عَ رَ، عَ نُ عَ كٌلٌن عَلَ بَرَ لَايِدِ تٌنفٌ عَ بّ. عَلَ نَشَ عَ كَلِ عَ دَوُدَ شَ مَمَدِ ندٍ دْشْمَ نّ عَ شَ مَنفّ كِبَنيِ. 31 نَ كُي، دَوُدَ نُ عَ كٌلٌن عَلَ شَ مِشِ سُفَندِشِ قَمَ نّ كٍلِدٍ قَشّ مَ. عَلَ مُ نّيمُمَ عَ مَ عَلِفِيَمَ، عَ قَتٍ مُ بْرْ مَ فَبُرِ كُي. 32 عَلَ نَن عِسَ رَكٍلِشِ قَشّ مَ. وٌن بِرِن قِندِشِ سٍيدٍ رَ نَ قٍ مَ. 33 عَ تٌ رَتٍ عَلَ يِرٍقَنيِ مَ، عَ نَشَ عَلَ شَشِلِ سّنِيّنشِ سْتْ بَبَ عَلَ رَ، عَلْ عَلَ لَايِدِ تٌنفٌشِ كِ نَشّ. عَ مَن بَرَ عَلَ شَشِلِ سّنِيّنشِ رَفٌرٌ وٌن مَ. وٌ نَ نَن تٌقٍ، وٌ نَ نَن مّقٍ يِ كِ.»
34 «دَوُدَ مُ تٍشِ كٌورٍ مَ، كْنْ عَ تَن نَن عَ قَلَ،
‹مَرِفِ نَشَ عَ قَلَ ﭑ مَرِفِ بّ،
دْشْ ﭑ يِرٍقَنيِ مَ،
35 هَن ﭑ شَ عِ سَنيِ تِ عِ يَشُييٍ قَرِ.›»
36 «نَ كُي، عِسِرَيِلَكَ بِرِن شَ لَ عَ رَ، عَلَ بَرَ عِسَ قِندِ مَرِفِ رَ، نُن عَ شَ مِشِ سُفَندِشِ رَ. كْنْ وٌ بَرَ عَ بَنبَن وُرِ مَفَلَنبُشِ مَ.»
37 يِ مَسٍنيِ نَشَ حَمَ بْحّ تْورْ كِ قَنيِ رَ. عٍ نَشَ عَ قَلَ ثِيّرِ نُن شّيرَ بٌورٍيٍ بّ، «ﭑ نفَشَكٍرٍنيِيٍ، عَ لَنمَ مُشُ شَ مُنسٍ رَبَ قَ؟» 38 ثِيّرِ نَشَ عَ قَلَ عٍ بّ، «وٌ شَ تُوبِ، وٌ بِرِن شَ وٌ شُنشَ يٍ شْورَ عِسَ شِلِ رَ، عَلَ شَ مِشِ سُفَندِشِ، عَلَكٌ وٌ شَ يُنُبِيٍ شَ شَقَرِ، وٌ مَن شَ عَلَ شَشِلِ سّنِيّنشِ سْتْ. 39 عَلَ بَرَ يِ لَايِدِ تٌنفٌ وٌ بّ، وٌ شَ دِيٍ بّ، نُن مِشِ بِرِن بّ عَ نَشٍيٍ شِلِمَ، هَلِ نَشٍيٍ نَ يِرٍ مَكُيٍ.» 40 ثِيّرِ مَن نَشَ عٍ رَ سِ، عَ نَشَ عٍ رَلِمَنِيَ مَسٍنيِ وُيَشِ رَ. عَ نَشَ عٍ مَشَندِ، «وٌ وٌ مّينِ يِ وَشَتِ مِشِ تِنشِنتَرٍيٍ مَ.»
41 نَشٍيٍ تِن عَ شَ مَسٍنيِ رَ، عٍ نَشَ عٍ شُنشَ يٍ شْورَ. نَ لْشْي مِشِ وُلُ سَشَن حْندْن نَشَ سَ عِسَ قْشِرَبِرّيٍ شُن مَ. 42 عٍ نُ عٍ تُننَبّشِمَ شّيرَيٍ شَ شَرَنيِ مَ. عٍ نَشَ لُ نفَشَكٍرٍنيَ كُي. عٍ مَن نَشَ عٍ تُننَبّشِ تَامِ عِتَشُنقٍ نُن عَلَ مَشَندِقٍ مَ. 43 فَاشُي نَشَ عٍ بِرِن سُشُ. شّيرَيٍ نَشَ كَابَنَكٌ نُن تْنشُمَ فبٍفبٍ رَبَ. 44 دَنشَنِيَتْييٍ بِرِن نُ مَلَنشِ يِرٍ كٍرٍن. شَ مِشِ كٍرٍن سٍ سْتْ، نَ بَرَ قِندِ عٍ بِرِن فبٍ رَ. 45 عٍ عٍ شَ سٍيٍ مَتِمَ، عٍ نُ عٍ هَرِفٍ عِتَشُن عٍ بٌرٍ مَ، كَنكَن نُ عَ هَيِ قَن نَ كُي. 46 لْشْ يٌ لْشْ عٍ نُ عٍ مَلَنمَ هْرْ مْبَنشِ كُي، عٍ نُ دٌنسٍ دٌن عٍ شْنيِ سّيوّ نُن بْحّسَ كُي. 47 عٍ نُ عَلَ مَتْشْمَ. عٍ نَشَ رَقَن بِرِن مَ. لْشْ يٌ لْشْ مَرِفِ نُ ندٍ سَمَ دَنشَنِيَتْي حَمَ كْنتِ شُن مَ.