15
مَرَكٍلِ
ﭑ نفَشَكٍرٍنيِيٍ، ﭑ بَرَ وٌ رَتُ عَلَ شَ شِبَارُ قَنيِ رَ، ﭑ نَشَن مَسٍنشِ وٌ بّ، وٌ دَنشَنِيَشِ نَشَن مَ، وٌ بِرَشِ نَشَن قْشْ رَ. شَ وٌ لُ نَ قْشْ رَ عَلْ ﭑ عَ مَسٍنشِ وٌ بّ كِ نَشّ، وٌ قَمَ نّ كِسِدٍ نَ سَابُي رَ. شَ وٌ مُ لُ نَ قْشْ رَ، وٌ شَ دَنشَنِيَ بَرَ قِندِ قٍ قُقَقُ رَ وٌ بّ.
ﭑ نُ بَرَ مَسٍنيِ هَفِفّ تِ وٌ بّ، ﭑ نَشَن سْتْ. عَ تَن نَن يَ. عَلَ شَ مِشِ سُفَندِشِ نَشَ قَشَ وٌن مَ يُنُبِيٍ شَقَرِ قٍ رَ، عَلْ عَ نُ سّبّشِ كِ نَشّ. عَ نَشَ رَفَتَ فَبُرِ كُي، عَ مَن نَشَ كٍلِ قَشّ مَ عَ شِ سَشَن ندٍ، عَلْ عَ نُ سّبّشِ كِ نَشّ. عَ نَشَ مِنِ كٍقَسِ نُن عِسَ شَ شّيرَ قُ نُن قِرِنيِيٍ مَ. نَ دَنفِ شَنبِ، عَ نَشَ مِنِ دَنشَنِيَتْي كّمّ سُولِ مَ تّمُي كٍرٍن. هَن يَ نَ دَنشَنِيَتْي فبٍفبٍ بَلٌشِ، كْنْ ندٍيٍ بَرَ لَاشِرَ. نَ دَنفِ شَنبِ، عَ نَشَ مِنِ يَكِ مَ، عَ مَن نَشَ مِنِ عَ شَ شّيرَ بِرِن مَ.
عَ دْنشْي رَ، عَ نَشَ مِنِ ﭑ قَن مَ. ﭑ مُ نُ قِندِشِ عَ شَ شّيرَ رَ، عَ بٌورٍيٍ سُفَندِشِ تّمُي نَشّ. ﭑ تِدٍ مُ نُ فبٌ عَلْ شّيرَ بٌورٍيٍ. شّيرَ شِلِ مُ لَنمَ عَ شَ قَلَ ﭑ شُن، بَرِ مَ ﭑ نُ بَرَ عَلَ شَ دَنشَنِيَتْي حَمَ حَشَنكَتَ. 10 كْنْ ﭑ بَرَ قِندِ عِسَ شَ شّيرَ رَ عَلَ شَ هِننّ سَابُي رَ. نَ هِننّ مُ قِندِشِ قٍ قُقَقُ رَ ﭑ بّ. ﭑ بَرَ وَلِ دَنفِقٍ شّيرَ بِرِن نَ، كْنْ ﭑ تَن مُ عَ رَ. عَلَ شَ هِننّ نَن وَلِشِ ﭑ بّ ﭑ مَ دُنِحّءِفِرِ كُي. 11 شَ ﭑ تَن نَن نَ كَوَندِ تِشِ بَ، شَ عٍ تَن نَن نَ كَوَندِ تِشِ بَ، نَ نَن كَوَندِشِ وٌ بّ. وٌ بَرَ فّ دَنشَنِيَدٍ نَ نَن مَ.
12 شَ كَوَندِ سَ تِقٍ عَ عَلَ شَ مِشِ سُفَندِشِ بَرَ كٍلِ قَشّ مَ، مُنقٍ رَ ندٍيٍ عَ قَلَمَ وٌ يَ مَ عَ مِشِ مُ كٍلِمَ قَشّ مَ؟ 13 شَ مِشِ مُ كٍلِمَ قَشّ مَ نُ، عَلَ شَ مِشِ سُفَندِشِ قَن مُ كٍلِشِ قَشّ مَ. 14 شَ عَلَ شَ مِشِ سُفَندِشِ مُ كٍلِشِ قَشّ مَ نُ، مُشُ شَ كَوَندِ نُن وٌ شَ دَنشَنِيَ قِندِشِ قٍ قُقَقُ نَن نَ. 15 نَ كُي، مُشُ بَرَ قِندِ سٍيدٍ وُلٍ قَلّيٍ رَ عَلَ بّ، بَرِ مَ مُشُ بَرَ سٍيدٍحْشْيَ رَبَ عَ عَلَ بَرَ عَ شَ مِشِ سُفَندِشِ رَكٍلِ قَشّ مَ. كْنْ شَ نْندِ نَ عَ رَ مِشِيٍ مُ كٍلِمَ قَشّ مَ نُ، عَلَ قَن مُ عَ رَكٍلِمَ نُ. 16 شَ مِشِيٍ مُ كٍلِمَ قَشّ مَ نُ، عَلَ شَ مِشِ سُفَندِشِ قَن مُ كٍلِشِ قَشّ مَ. 17 شَ عَلَ شَ مِشِ سُفَندِشِ مُ كٍلِشِ قَشّ مَ نُ، وٌ شَ دَنشَنِيَ قِندِشِ قٍ قُقَقُ نَن نَ، وٌ شَ يُنُبِيٍ مَن نَ وٌ مَ، 18 عَ نُن عِسَ شَ دَنشَنِيَتْي لَاشِرَشِيٍ قَن بَرَ لْي. 19 شَ وٌن وٌن شَشِلِ تِمَ عَلَ شَ مِشِ سُفَندِشِ رَ يِ دُنِحّءِفِرِ فبَنسَن نَن مَ قٍ رَ، عَ لِمَ نُ وٌن مَ قٍ بَرَ مَكِنِكِنِ دَنفِ عَدَ مَدِ بِرِن نَ.
20 كْنْ ﭑ شَ عَ قَلَ وٌ بّ، عَلَ شَ مِشِ سُفَندِشِ نَن كٍلِشِ قَشّ مَ. عَ بَرَ قِندِ مِشِ سِنفٍ رَ نَشَن كٍلِشِ قَشَمِشِيٍ يَ مَ. 21 قَشّ تٌ سٌ دُنِحَ عَدَ مَ سَابُي رَ، مَرَكٍلِ قَن سٌشِ عَدَ مَ ندٍ نَن سَابُي رَ. 22 مِشِ بِرِن قَشَمَ بٍنبَ عَدَ مَ نَن شَ قٍ رَ. مِشِ بِرِن مَن كٍلِمَ قَشّ مَ عَلَ شَ مِشِ سُفَندِشِ نَن مَ قٍ سَابُي رَ. 23 كْنْ كَنكَن كٍلِمَ عَ وَشَتِ نّ. عَلَ شَ مِشِ سُفَندِشِ سِنفٍ نَن كٍلِ. عَ نَ قَ تّمُي نَشّ، عَ شَ مِشِيٍ قَن كٍلِمَ نّ. 24 عَ نَ مَنفّيَ رَفبِلٍن بَبَ عَلَ مَ، عَ نَ فّ نْدٍ مَنفّيَ نُن سّنبّ بِرِن نَ، دُنِحَ حْنمَ نّ نَ وَشَتِ. 25 عَلَ شَ مِشِ سُفَندِشِ شَ تِ مَنفّ رَ، هَن عَلَ شَ عَ سَنيِ تِ عَ يَشُي بِرِن مَ. 26 عَ يَشُي دْنشْي عَ نَشَن عِبُتُشُنمَ، نَ قِندِشِ قَشّ نَن نَ. 27 عَلَ نَن نَ بِرِن سَشِ عَ شَ يَامَرِ بُن مَ. عَ تٌ عَ قَلَ عَ بِرِن سَشِ عَ شَ يَامَرِ بُن مَ، عَ كٌلٌنشِ عَ عَلَ نَشَن بِرِن سَشِ عَ شَ مِشِ سُفَندِشِ شَ يَامَرِ بُن مَ، عَلَ تَن مُ نَ نَ يَامَرِ بُن مَ. 28 عَلَ شَ مِشِ سُفَندِشِ نَ نَ بِرِن نَفبِلٍن عَلَ مَ، عَ تَن قَن قَمَ لُدٍ عَلَ شَ يَامَرِ نَن بُن مَ، نَشَن سِنفٍ نُ بَرَ يَامَرِ سٌ عَ يِ رَ. عَلَ قَمَ يَامَرِ رَبَدٍ نَ تّمُي قٍ بِرِن شُن مَ.
29 شَ مَرَكٍلِ مُ نَ نُ، مُنقٍ رَ ندٍيٍ قَ عٍ شُنشَمَ يٍ شْورَ قَشَمِشِيٍ بّ؟ شَ قَشَمِشِيٍ مُ كٍلِمَ قَشّ مَ نُ، مُنقٍ رَ ندٍيٍ عٍ شُنشَمَ يٍ شْورَ عٍ بّ؟ 30 مُنقٍ رَ مُشُ تَن بَرَ تِن لُدٍ قٍ شْرْشْي كُي تّمُي بِرِن؟ 31 ﭑ نفَشَكٍرٍنيِيٍ، ﭑ شَ عَ قَلَ وٌ بّ عَ نْندِ كِ مَ، لْشْ يٌ لْشْ ﭑ نَ قَشّ نَن دّ مَ. ﭑ عَ قَلَمَ وٌ تَن بّ، ﭑ سّيوَشِ وٌ تَن نَشٍيٍ شَ قٍ رَ، بَرِ مَ وٌ دَنشَنِيَشِ عَلَ شَ مِشِ سُفَندِشِ عِسَ نَن مَ، نَشَن قِندِشِ وٌن مَرِفِ رَ. 32 مُنَقَنيِ مُندُن نَ ﭑ بّ عَدَ مَ كِ مَ، شَ ﭑ بَرَ سُبٍ شَاحّشِيٍ فٍرٍ عٍقّسّ؟ شَ قَشَمِشِيٍ مُ كٍلِمَ قَشّ مَ نُ، «وٌن شَ وٌن دّفٍ، وٌن شَ وٌن مِن، بَرِ مَ تِنَ وٌن قَشَمَ نّ.»
33 وٌ نَشَ تَنتَن. حّرّبٌورٍ كٌبِيٍ نَن يُفٍ قَنيِ مَسَرَ مَ. 34 وٌ شَ سْوبّ سُشُ، وٌ شَ يُنُبِ لُ نَ. ندٍيٍ وٌ يَ مَ عٍ مُ عَلَ كٌلٌن. ﭑ شَ عَ قَلَ وٌ بّ، نَ بَرَ قِندِ يَافِ رَ وٌ بّ.
35 ندٍ نْمَ عَ يّتّ مَشْرِندٍ، عَ نَشّ، «مِشِ قَشَشِيٍ كٍلِمَ دِ؟ قَتٍ مْولِ مُندُن لُمَ عٍ مَ؟» 36 شَشِلِتَرٍيٍ، وٌ مُ عَ كٌلٌن سَنسِ شْرِ مُ نْمَ قِندِدٍ سَنسِ رَ، قٌ عَ قَشَ سِندٍن؟ 37 سَنسِ شْرِ نَشَن سِمَ بْشِ، عَ نُن عَ سٌلِ نَشَن تٍمَ، عٍ كٍرٍن مُ عَ رَ. سَنسِ شْرِ تَن، عَ شْرِ فبَنسَن نَ عَ رَ، تّمُندٍ مَالٍ شّيتَ، شَ نَ مُ عَ رَ سَنسِ شْرِ فبّتّ. 38 عَلَ سَنسِ شْرِ بِرِن قِندِ مَ سَنسِ رَ عَلْ عَ وَ مَ عَ شْن مَ كِ نَشّ. سَنسِ شْرِ مْولِ بِرِن عَ سٌلِ نَن نَمِنِمَ.
39 نِمَسٍ قَتٍ بِرِن مُ لُمَ كِ كٍرٍن. مِشِ قَتٍ نَ كِ كٍرٍن. سُبٍ قَتٍ نَ كِ فبّتّ. شْنِ قَتٍ نُن يّشّ قَتٍ قَن نَ عٍ شَتِ مَ. 40 سٍ نَشٍيٍ نَ بْشِ مَ، عَ نُن سٍ فبّتّ نَشٍيٍ نَ كٌورٍ مَ، عٍ تَفِ رَ سَ. عٍ بِرِن دَاشِ عٍ فبٍ كِ نّ. 41 سٌفٍ يَنبَمَ كِ نَشّ، عَ نُن كِكٍ يَنبَمَ كِ نَشّ، عَ نُن تُنبُييٍ يَنبَمَ كِ نَشّ، عٍ بِرِن كٍرٍن مُ عَ رَ. هَلِ تُنبُييٍ نَ عَ رَ عٍ مُ يَنبَمَ كِ كٍرٍن.
42 قَشَمِشِ رَكٍلِشِيٍ لُمَ نَ كِ نّ. مِشِ نَ دُنِحَ تّمُي نَشّ، عَ قَتٍ نْمَ كَنَدٍ، كْنْ عَ نَ كٍلِ قَشّ مَ، عَ قَتٍ مُ نْمَ كَنَدٍ سْنْن. 43 مِشِ رَفَتَشِ فَبُرِ كُي تّمُي نَشّ، عَ بْرْ مَ نّ، عَ سّنبّ حْن، كْنْ عَ كٍلِمَ قَشّ مَ سّنبّ نُن نْرّ نَن نَ. 44 مِشِ نَ رَفَتَ عَ قَتٍ نَ دُنِحَ كِ نَن مَ، كْنْ عَ كٍلِمَ عَ لَاشِرَ كِ نَن مَ. دُنِحَ قَتٍ نَ نَ، لَاشِرَ قَتٍ قَن نَ.
45 نَ نَن عَ تٌشِ عَ سّبّشِ، «عَدَ مَ سِنفٍ قِندِشِ نِمَسٍ نَن نَ.» عَدَ مَ دْنشْي قِندِشِ شَشِلِ نَن نَ نَشَن مِشِ رَكِسِمَ. 46 عَدَ مَ سِنفٍ قِندِشِ دُنِحَ مِشِ نَن نَ، كٌورٍ مَ دَاشِ مُ عَ رَ. كٌورٍ مَ دَاشِ نَن قَمَ دُنِحَ مَ دَاشِ شَنبِ رَ. 47 عَدَ مَ سِنفٍ قَتَنشِ دُنِحَ بّندّ قُحِ نَن نَ. عَدَ مَ قِرِن ندٍ قَتَنشِ كٌورٍ نَن نَ. 48 عَدَ مَدِيٍ مَنِيَشِ وٌن بٍنبَ عَدَ مَ نَن نَ، نَشَن دَاشِ بّندّ رَ. مِشِ نَشٍيٍ تٍمَ كٌورٍ، عٍ مَسَرَ مَ نّ، عٍ قَ لُ عَلْ نَ عَدَ مَ نَشَن كٍلِشِ كٌورٍ. 49 وٌن تٌ مَنِيَ وٌن بٍنبَ عَدَ مَ رَ دُنِحَ، وٌن مَن قَمَ مَنِيَدٍ نَ عَدَ مَ نَن نَ نَشَن كٍلِشِ كٌورٍ مَ.
50 ﭑ نفَشَكٍرٍنيِيٍ، ﭑ شَ عَ قَلَ وٌ بّ، دُنِحَ قَتٍ مُ نْمَ عَلَ شَ عَرِيَننَ سْتْدٍ كّ رَ. نِمَسٍيٍ قَتٍ مُ نْمَ عَرِيَننَ سْتْدٍ كّ رَ. عٍ قَتٍ بْرْ مَ نّ، كْنْ قَتٍ بْرْشِ مُ نْمَ سٌدٍ عَرِيَننَ. 51 ﭑ شَ فُندٌ قَلَ وٌ بّ. وٌن بِرِن مُ قَشَمَ، كْنْ وٌن بِرِن مَسَرَ مَ نّ 52 مَقُرٍن مَقُرٍن سَرَ دْنشْي شُي مَ. نَ سَرَ نَ قٍ، قَشَمِشِيٍ كٍلِمَ نّ قَشّ مَ قَتٍ نّينّيٍ رَ عٍ مَ نَشٍيٍ مُ بْرْ مَ سْنْن. وٌن قَمَ نّ مَسَرَدٍ. 53 نَشَن لَن عَ شَ بْرْ، نَ مُ بْرْ مَ سْنْن. نَشَن لَن عَ شَ قَشَ، نَ مُ قَشَمَ سْنْن.
54 قَتٍ بْرْشِ نَ قِندِ قَتٍ بْرْتَرٍ رَ، قَتٍ قَشَشِ نَ قِندِ قَتٍ قَشَتَرٍ رَ، يِ سّبّلِ قَمَ كَمَلِدٍ نَ تّمُي نّ؛
«وٌ بَرَ شُننَكٍلِ سْتْ قَشّ مَ.
55 قَشّ شَ شُننَكٍلِ نَ مِندٍن؟
قَشّ شَ تْورّ نَ مِندٍن؟»
56 يُنُبِ قِندِشِ تْورّ نَن نَ نَشَن بَرَ مِشِ قَشَ. يَامَرِ قِندِشِ يُنُبِ شَ سّنبّ نَن نَ. 57 عَلَ تَنتُ، نَشَن بَرَ وٌن شُن نَكٍلِ وٌن مَرِفِ عِسَ عَلَ شَ مِشِ سُفَندِشِ سَابُي رَ. 58 نَ كُي، ﭑ نفَشَكٍرٍنيِيٍ، وٌ شَ دَنشَنِيَ شَ سَبَتِ. وٌ نَشَ عَ لُ لِمَنِيَ شَ بَ وٌ يِ رَ. وٌ شَ وَكِلِ مَرِفِ بّ تّمُي بِرِن، بَرِ مَ وٌ عَ كٌلٌن عَ وٌ نَشَن نَبَمَ عَ بّ قٍ قُقَقُ شَ مُ عَ رَ.