6
عَلَ دَنِيّلِ رَتَنفَقٍ يّتّيٍ مَ
1 دَرِيُسِ مٍدٍكَ نَشَ قِندِ مَنفّ رَ عَ حّ تٌنفٌ سٍننِ نُن قِرِن مَ.
2 عَ نَشَ مَرَ سِ تِ عٍ شَ مِشِ كّمّ مِشِ مْشْحّن سُفَندِ عٍ شَ عَ شَ بْشِ يَمَرِ.
3 عَ مَن نَشَ مِشِ سَشَن تِ عٍ شُن نَ، مَرَ سِتِيٍ عٍ دّنتّفّمَ نَشٍيٍ بّ عَلَكٌ مَنفّ شَ قٍ بِرِن شَ سْونّيَ. دَنِيّلِ نُ نَ نَ مِشِ سَشَنيِيٍ نَن يَ مَ.
4 شَشِلِ قَنيِ مْولِ نَشَن نُ دَنِيّلِ بّ، نَ نُ دَنفِ مَرَ سِمَيٍ نُن عٍ شَ مَنفّيٍ فبٍ بِرِن نَ. مَحْشُنيِ نَشَ لُ مَنفّ بّ عَ دَنِيّلِ شَ عَ شَ بْشِ بِرِن يَمَرِ.
5 نَ شَ قٍ رَ، بٌورٍ يَرٍرَتِيٍ نُن مَرَ سِمَيٍ نَشَ كَتَ عٍ شَ دَنِيّلِ كَلَمُ عَ شَ مَنفّ وَلِ كُي، كْنْ عٍ مُ تَنتَنيِ يٌ تٌ عَ رَ. عَ نُ تِنشِن، عٍ دُفُتّفّ نَ عَ رَ، عَ قَتَ وَلِدٍ.
6 نَ تّمُي عٍ نَشَ عَ قَلَ، «وٌن مُ كَلَمُي يٌ تٌمَ دَنِيّلِ مَبِرِ، قٌ عَ مَرِفِ عَلَ شَ سّرِيّ كُي.»
7 نَ كُي مَرَ سِمَيٍ نُن عٍ شُنيِيٍ نَشَ سِفَ كٍرٍن نَ مَنفّ يِرٍ، عٍ قَ عَ قَلَ عَ بّ، «مَنفّ دَرِيُسِ، سِمَيَ شَ لُ عِ بّ.
8 عِ شَ بْشِ مَنفّيٍ، مَنفّ رَ سِيٍ، فٌمِنَيٍ، نُن كُنتِفِيٍ بِرِن عَ مَحْشُنشِ عَ عَ لَنمَ يِ تْنيِ شَ دْشْ؛ ‹مِشِ يٌ نَشَن تُوبِمَ عَلَ ندٍ بّ، شَ نَ مُ عَ رَ مِشِ ندٍ بّ، بَقٍ عِ تَن مَنفّ رَ شِ تٌنفٌ سَشَن بُن مَ، نَ كَنيِ شَ رَ سٌ يّتّيٍ تَفِ.›
9 يَكْسِ مَنفّ، عِ شَ تِن يِ تْنيِ رَ، عِ شَ عِ بّلّشّ قْشِ سَ عَ مَ عَلَكٌ عَ شَ قِندِ يَامَرِ رَ نَشَن مُ مَسَرَ مَ عَلْ مٍدٍكَيٍ نُن ثٍرِ سٍكَيٍ دَرِشِ عَ رَ كِ نَشّ.»
10 مَنفّ دَرِيُسِ نَشَ عَ بّلّشّ قْشِ سَ كّيدِ مَ يَامَرِ سّبّشِ عَ مَ، عَ عَ قِندِ تْنيِ رَ.
11 دَنِيّلِ تٌ عَ كٌلٌن عَ مَنفّ نُ بَرَ عَ بّلّشّ قْشِ سَ نَ يَامَرِ كّيدِ مَ، عَ نَشَ تٍ عَ شْنيِ. عَ شَ وُندّرِ نُ رَبِشِ دَرِ سَلَمُ مَبِرِ. سَنمَيَ سَشَن لْشْ يٌ لْشْ عَ نُ عَ شِنبِ سِنمَ، عَ عَ مَرِفِ عَلَ مَشَندِ، عَ عَ مَتْشْ عَلْ عَ نُ دَرِشِ عَ رَ كِ نَشّ.
12 يِ مِشِيٍ نَشَ سِفَ عَ شْنيِ كٍرٍن نَ، عٍ قَ لِ عَ نَ عَ تُوبِقٍ عَ مَرِفِ عَلَ بّ مَشَندِ كُي.
13 عٍ نَشَ سِفَ مَنفّ يِرٍ كٍرٍن نَ، عٍ قَ عَ مَشْرِن عَ شَ يَامَرِ مَ، «مَنفّ عِ مُ تْنيِ دْشْ شّ عَ مِشِ يٌ نَشَن تُوبِمَ عَلَ ندٍ بّ، شَ نَ مُ عَ رَ مِشِ ندٍ بّ، بَقٍ عِ تَن نَ شِ تٌنفٌ سَشَن بُن مَ، عَ نَ كَنيِ شَ رَ سٌ يّتّيٍ تَفِ.» مَنفّ نَشَ عٍ يَابِ، «عِيٌ. يَامَرِ نَ عَ رَ نَشَن مُ مَسَرَ مَ عَلْ مٍدٍكَيٍ نُن ثٍرِ سٍكَيٍ دَرِشِ عَ رَ كِ نَشّ.»
14 عٍ نَشَ قَ عَ قَلَ مَنفّ بّ، «مَنفّ، دَنِيّلِ نَشَن كٍلِشِ يُدَيَ عَ مُ عِ شُي بِنيَشِ، عَ مُ عِ شَ يَامَرِ سُشُشِ. عَ عَلَ مَشَندِ مَ سَنيَ سَشَن لْشْ يٌ لْشْ.»
15 نَ وْيّنيِ نَشَ مَنفّ تْورْ كِ قَنيِ رَ. عَ نُ وَ مَ دَنِيّلِ رَتَنفَقٍ سّرِيّ مَ. عَ نَشَ قٍ بِرِن نَبَ بٍينُن كْي شَ سٌ عَلَكٌ دَنِيّلِ شَ كِسِ.
16 كْنْ نَ شّمّيٍ مَن نَشَ سِفَ مَنفّ يِرٍ، عٍ قَ عَ قَلَ عَ بّ، «مَنفّ، عِ شَ رَتُ مٍدٍكَيٍ نُن ثٍرِ سٍكَيٍ شَ سّرِيّ مَ. مَنفّ شَ سّرِيّ مُ نْمَ مَسَرَدٍ.»
17 نَ كُي مَنفّ نَشَ يَامَرِ قِ عٍ شَ دَنِيّلِ وٌلِ يّتّيٍ تَفِ. مَنفّ نَشَ عَ قَلَ دَنِيّلِ بّ، «عِ مَرِفِ عَلَ، عِ بِرَ مَ نَشَن قْشْ رَ تُننَبّشِيَ كُي، عَ شَ عِ رَكِسِ.»
18 عٍ نَشَ فّمّ شُنفبٍ سَ يّتّيٍ يِرٍ نَادّ رَ، مَنفّ قَن نَشَ عَ شَ تْنشُمَ سَ نَادّ مَ عَ شَ شُرُندّ رَ، عَلَكٌ سٍسٍ نَشَ مَسَرَ دَنِيّلِ شَ قٍ رَ. كُنتِفِيٍ قَن نَشَ نَ رَبَ.
19 مَنفّ نَشَ فبِلٍن عَ شْنيِ. عَ مُ عَ دّفٍ، عَ مُ تِن قٍقٍ رَبَدٍ، نَ كْي بِرِن عَ مُ شِ قٍوٌ.
20 كُيٍ تٌ عِبَ، عَ نَشَ كُرُن، عَ سِفَ يّتّيٍ يِرٍ.
21 عَ تٌ مّننِ لِ، عَ نَشَ دَنِيّلِ شِلِ عَ شُي مَكِنِكِنِشِ رَ، «دَنِيّلِ، عَلَ حِحّ شَ كٌنيِ. عِ مَرِفِ عَلَ، عِ بِرَ مَ نَشَن قْشْ رَ تُننَبّشِيَ كُي، عَ بَرَ نْ عِ رَتَنفَدٍ يّتّيٍ مَ؟»
22 دَنِيّلِ نَشَ مَنفّ يَابِ، «مَنفّ، عِ شَ سِمَيَ شْن شَ كُيَ.
23 ﭑ مَرِفِ عَلَ بَرَ عَ شَ مَلٍكّ شّي يّتّيٍ دّيٍ بَلَندٍ. عٍ مُ ﭑ تْورْ قٍقٍ مَ، بَرِ مَ عَلَ عَ كٌلٌن عَ ﭑ مُ قٍ حَاشِ يٌ رَبَشِ. هَلِ عِ تَن مَبِرِ مَنفّ، ﭑ مُ قٍ كٌبِ يٌ رَبَشِ.»
24 مَنفّ نَشَ سّيوَ كِ قَنيِ، عَ قَ يَامَرِ قِ عٍ شَ دَنِيّلِ رَتٍ نَا كُي. عٍ تٌ نَ رَبَ، عٍ نَشَ عَ تٌ عَ قَتٍ مُ مَشْنْشِ، بَرِ مَ عَ نُ بَرَ لَ عَ مَرِفِ عَلَ رَ.
25 مَنفّ نَشَ يَامَرِ قِ، عَ نَ شّمّ نَشٍيٍ دَنِيّلِ كَلَمُ، عٍ شَ وٌلِ يّتّيٍ تَفِ، عٍ نُن عٍ شَ فِنّيٍ نُن عٍ شَ دِيٍ رَ. بٍينُ عٍ شَ يِلِ بْتِنِ لِ، يّتّيٍ نُ بَرَ فّ عٍ قَشَدٍ، عٍ عٍ شْرِ بِرِن مَفِرَ.
26 نَ دَنفِ شَنبِ، مَنفّ دَرِيُسِ نَشَ يَامَرِ سّبّ سِيٍ نُن بْنسْييٍ بِرِن مَ، عَ نُن شُي بِرِن قَلَيٍ نَشٍيٍ نَ دُنِحَ مَ، «بْحّسَ قَنيِ شَ لُ وٌ بّ.
27 ﭑ بَرَ ﭑ مَ مَنفّيَ بِرِن يَامَرِ، وٌ شَ فَاشُ دَنِيّلِ مَرِفِ عَلَ يَ رَ، وٌ شَ عَ بِنيَ.»
«عَلَ حِحّ نَ عَ رَ. عَ نَ نَ تّمُي بِرِن.
عَ شَ مَنفّيَ مُ كَنَمَ عَبَدَن.
عَ شَ يَامَرِ بُمَ نّ هَن دُنِحَ حْن.
28 عَ تَن نَن مِشِ رَكِسِمَ، عَ عٍ رَتَنفَ.
عَ تْنشُمَيٍ نُن كَابَنَكٌي رَبَمَ كٌورٍ نُن بْشِ مَ.
عَ تَن نَن دَنِيّلِ رَتَنفَشِ يّتّيٍ مَ.»
29 دَنِيّلِ شَ مُنَقَنيِ شُن نَشَ مَسَ دَرِيُسِ نُن سِرُ سِ ثٍرِ سٍكَ شَ مَنفّيَيٍ بُن مَ.