10
تَالِ وْيّنيِ
1 تُفِتُفِ نَ قَشَ لَبُندّ شُن مَ، لَبُندّ شِرِ كَنَمَ نّ.
شَشِلِتَرٍحَ نَن شُي مّمَ دَنفِقٍ شَشِلِمَيَ شُي رَ.
2 شَشِلِمَ بْحّ مَتِنسٍ،
شَشِلِتَرٍ بْحّ حَاشُ.
3 شَشِلِتَرٍ عَ شَ شَشِلِتَرٍحَ مَسٍنمَ نّ بِرِن بّ عَ شَ حّرّ كُي.
4 شَ عِ شَ مَنفّ شْنْ عِ مَ، عِ نَشَ كٍلِ عِ شَ وَلِ شُن مَ،
عِ شَ سَبَرِ قٍ شْرْشْي رَبْرْشْمَ.
5 ﭑ قٍ شْرْشْي ندٍ قَن تٌشِ يِ دُنِحَ مَ نَشَن كٍلِشِ مَنفّ مَ؛
6 عَ نْي قِمَ نّ شَشِلِتَرٍ ندٍ مَ،
بَننَ ندٍ تَن مُ نْي يٌ سْتْ.
7 ﭑ بَرَ كٌنيِ ندٍ تٌ عَ سٌي رَفِمَ،
مَنفّ ندٍ قَ عَ حّرّ عَ سَنيِ رَ.
8 يِلِ فٍ نْمَ بِرَدٍ عَ شَ يِلِ فٍشِ كُي،
مِشِ نَشَن يَلٍ تِمَ تّتّ مَ، بْشِمَسٍ نْمَ نَ قَن شِندٍ.
9 مِشِ نَشَن فّمّ مَسٌلِمَ، عَ نْمَ عَ مَشْنْدٍ فّمّ رَ.
مِشِ نَشَن يٍفٍ بْو مَ، عَ نْمَ عَ مَشْنْدٍ يٍفٍ رَ.
10 شَ بٍيرَ كٌلٍ تٌرِشِ، عَ مُ رَلُفَن، نَ عَ نِيَمَ نّ وَلِ شَ شْرْشْ.
شَشِلِمَيَ شُننَكٍلِ قِمَ مِشِ مَ نَ كِ نّ.
11 شَ بْشِمَسٍ مِشِ شِن بٍينُن بْشِمَسٍ سُشُمَ شَ عَ سُشُ،
مِشِ نَشَن بْشِمَسٍ سُشُمَ، عَ مُ فٍينِمَ.
12 هِننّ فبٍفبٍ نَ شَشِلِمَ شَ مَسٍنيِ كُي،
كْنْ شَشِلِتَرٍ تَن شَ وْيّنيِ عَ يّتّ بْنْمَ نّ.
13 عَ شَ مَسٍنيِ قْلْمَ لْننِتَرٍحَ رَ،
عَ رَحْن دَشُحَ رَ.
14 شَشِلِتَرٍ شَ وْيّنيِ وُيَ.
عَدَ مَدِ مُ عَ كٌلٌن قٍ نَشَن قَمَ قَدٍ.
ندٍ عَ رَكٌلٌنمَ قٍ رَ نَشَن قَمَ عَ لِدٍ؟
15 شَشِلِتَرٍ عَ يّتّ رَتَفَنمَ،
هَلِ تَا كِرَ، عَ مُ عَ كٌلٌن.
16 حَشَنكَتّ نَ تَا بّ نَشَن شَ مَنفّ قِندِشِ قٌنِكٍ يْرّ رَ،
نَشَن شَ كُنتِفِيٍ كُرُنمَ شُلُنيِ تِقٍ رَ.
17 حّلّشِنيِ نَ تَا بّ نَشَن شَ مَنفّ قَتَنشِ مَنفّ بْنسْي رَ،
نَشَن شَ كُنتِفِيٍ عٍ دّفٍمَ عَ وَشَتِ مَ سّنبّ سْتْقٍ رَ، عٍ مُ سِيسِ.
18 شَ بَنشِ كَنيِ تُننَشْنْ، بَنشِ شُنيِ بِرَ مَ نّ،
شَ عَ مُ عَ قِندِ تُننَبّشِ رَ، عَ شَ بَنشِ قَمَ نّ مِنِدٍ.
19 مِشِ دٌنسٍ رَقَلَمَ نّ عَلَكٌ عَ شَ حّلّشِن،
عَ وّنِ مِنمَ نّ عَلَكٌ عَ شَ سّيوَ،
عَ كْبِرِ سْتْمَ نّ عَلَكٌ عَ هَيِ بِرِن شَ قَن.
20 عِ نَشَ مَنفّ دَنكَ هَلِ عِ شَ مَحْشُنيِ كُي،
عِ نَشَ بَننَ دَنكَ هَلِ عِ شَ كٌنكٌي كُي،
بَرِ مَ شْنِ ندٍ عِ شُي شَنِنمَ نّ، عَ نَ قَلَ مِشِ ندٍ بّ.