26
تِرٍ شَ حَشَنكَتّ
1 عَ حّ قُ نُن كٍرٍن ندٍ، كِكٍ شِ سِنفٍ رَ، عَلَتَلَ نَشَ عَ مَسٍن ﭑ بّ، عَ نَشّ،
2 «عَدَ مَدِ، تِرٍ تٌ بَرَ عَ كٌلٌن عَ دَرِ سَلَمُ نَ سَقٍ سِ فبّتّيٍ سَفٌي، عَ قَ عَ مَحْشُن عَ نْمَ نَاقُلِ سْتْدٍ نَ فبَلٌي رَبَ شَ قٍ رَ،
3 وٌ مَرِفِ عَلَتَلَ يِ نَن مَسٍنشِ، ‹تِرٍ، ﭑ تِشِ وٌ كَنكٍ! ﭑ قَمَ نّ سِ فبّتّيٍ رَ وٌ يِرٍ، عٍ دِن وٌ رَ عَلْ بَا مْرْنيِيٍ.
4 عٍ تِرٍ تّتّيٍ بِرِن يٍنسٍنمَ نّ، عٍ وٌ شَ يِرٍ مَكَنتَشِيٍ كَنَ، وٌ شْنيِ قَ قِندِ قَنيٍ مَفٍلِ رَ،
5 يّشّسُشُييٍ عٍ شَ يّلّيٍ رَشَرَ مَ دّننَشّ. عَلَتَلَ شُي نَن نَ كِ. ﭑ عَ شَ نَاقُلِ قِمَ نّ سِ فبّتّيٍ مَ،
6 عَ شَ مِشِيٍ قَشَمَ نّ سَنتِدّفّمَ رَ. نَ كُي، عٍ عَ كٌلٌنمَ نّ عَ ﭑ تَن نَن نَ عَلَتَلَ رَ.›»
7 «وٌ مَرِفِ عَلَتَلَ يِ نَن مَسٍنشِ، عَ نَشّ، ‹ﭑ قَمَ نّ بَبِلْن مَنفّ شُنفبٍ نٍبُكَدَنسَرِ رَ كٍلِقٍ كْولَ مَ، عَ شَ وٌ تَن تِرٍكَيٍ فٍرٍ عَ شَ سْورِ فَلِ نُن عَ شَ سٌي رَفِ فَلِ رَ.
8 عَ وٌ شَ مِشِيٍ سْنتْمَ نّ سَنتِدّفّمَ رَ. عَ يِرٍيٍ مَتٍ وٌ شَ تّتّيٍ سّيتِ مَ عَلَكٌ عَ شَ نَا كَنَ. وٌ مُ نْمَ عَ تْورْدٍ عَ شَ وُرٍ لٍقَيٍ شَ قٍ رَ.
9 عَ دِنمَ نّ وٌ شَ نَادّيٍ نُن وٌ شَ يِرٍ مَكَنتَشِيٍ رَ عَ شَ فٍرٍ سٌسٍيٍ رَ، هَن عٍ بِرَ.
10 عَ شَ سٌي فَلِ شُبٍ رَتٍمَ نّ هَن. وٌ شَ تّتّ سّرّنمَ نّ عٍ شَ سٌي، عٍ شَ سْورِ رَفِسٍيٍ، نُن عٍ شَ سٍ شَنِن سٍيٍ شُي رَ، عٍ نَ سٌ وٌ شَ تّتّ بِرَشِ تَفِ تّمُي نَشّ.
11 عٍ وٌ شَ كِرَيٍ بٌرٌنمَ نّ، عٍ وٌ شَ مِشِيٍ قَشَ سَنتِدّفّمَ رَ، عٍ وٌ شَ بَنشِ قَنيِيٍ رَبِرَ.
12 عٍ وٌ شَ نَاقُلِ شَنِنمَ نّ، عٍ وٌ هَرِفٍ شُن نَكَنَ. عٍ وٌ شَ تّتّ رَبِرَ، عٍ وٌ شَ بَنشِيٍ كَنَ، نَشَن نَ لُ، عٍ نَ وْلّ بَا مَ.
13 ﭑ وٌ شَ سِفِ سَ دَنمَ نّ، وٌ شَ كْرَ شُي مُ مّمَ سْنْن.
14 ﭑ عِ قِندِ مَ قَنيٍ مَبَشِ نَن نَ، يّلّ رَشَرَ مَ دّننَشّ. وٌ شَ تَا مُ فبِلٍنمَ تِ رَ سْنْن، بَرِ مَ ﭑ شُي نَن نَ كِ. وٌ مَرِفِ عَلَتَلَ نَ نَن مَسٍنشِ.›»
15 «وٌ مَرِفِ عَلَتَلَ يِ نَن مَسٍنشِ تِرٍ بّ، عَ نَشّ، ‹سِ فبّتّ نَشٍيٍ سَبَتِشِ بَا دّ رَ، عٍ قَمَ نّ وٌ وَ شُي مّدٍ يِ فبَلٌي شَ قٍ رَ.
16 عٍ شَ مَنفّيٍ فٌرٌ مَ نّ عٍ شَ كِبَنيِيٍ كُي، عٍ عٍ شَ دُفِ قَنيِيٍ بَ عٍ مَ، عٍ قَ سُننُن دُفِ رَفٌرٌ عٍ مَ، عَلَكٌ عٍ شَ دْشْ وٌ سّيتِ مَ بْشِ مَ يَرَفَاشُي كُي.
17 عٍ سُننُن سُوكِ ندٍ شَبُمَ نّ وٌ شُن مَ، نَشَن عَ قَلَمَ،
وٌ شَ قٍ شُن بَرَ رَكَنَ،
وٌ تَن تَا سّنبّمَ كُنكُي رَحّرّيٍ.
وٌ سّنبّ نُ فبٌ بَا مَ،
بِرِن نُ فَاشُمَ وٌ يَ رَ.
18 كْنْ يَكْسِ سِ نَشٍيٍ سَبَتِشِ بَا دّ رَ،
عٍ بَرَ فَاشُ عَ قَنيِ رَ وٌ شَ فبَلٌي شَ قٍ رَ.›»
19 «وٌ مَرِفِ عَلَتَلَ يِ نَن مَسٍنشِ، عَ نَشّ، ‹ﭑ نَ وٌ شَ تَا كَنَ، مِشِ يٌ مُ لُ نَا سْنْن، بَا يٍ قَ دِن نَ يِرٍ مَ،
20 نَ لُمَ نّ عَلْ مِشِ دَنفِشِ نَشٍيٍ بَرَ سِفَ عَلِفِيَمَ. ﭑ وٌ نْشُنمَ نّ بْشِ بُن مَ، وٌ مُ فبِلٍن دُنِحَ مَ سْنْن.
21 ﭑ وٌ رَحْنمَ نّ يِ فبَلٌي كُي قٍوٌ. مِشِ نَشَن وٌ قٍنمَ، عَ مُ وٌ تٌمَ سْنْن. وٌ مَرِفِ عَلَتَلَ شُي نَن نَ كِ.›»