عِسِرَيِلَ شَ تَرُشُي قِندِشِ مَسٍنيِ بٍلٍبٍلٍ نَن نَ عَلَ شَ مِشِيٍ بّ. عَلَتَلَ تٌ عِسِرَيِلَ سُفَندِ عَ شَ حَمَ رَ، عٍ حّرّ كِ عَ نُن عَلَ عٍ مّينِ كِ نَشّ، نَ مِسَالِ شُنفبٍ مَسٍنمَ. عِسِرَيِلَ نُ لُشِ نّ عَلْ دِ لْيشِ نَشَن فبِلٍنمَ عَ بَبَ شَ كِرَ سِنفٍ مَ حَشَنكَتّ سَابُي رَ.

عِسِرَيِلَ بْنسْي قُ نُن قِرِن تٌ عٍ مَرِفِ شَ كِرَ بّحِن، عَلَ نَشَ عَ نِيَ سِ فبّتّ شَ نْ عِسِرَيِلَ رَ، عٍ عٍ كٍرِ عٍ شَ بْشِ مَ، عٍ عٍ قِندِ كٌنيِيٍ رَ. نَ نَشَ رَبَ عِسِرَيِلَ سّيتِ رَ نَشَن نُ نَ كْولَ مَ، عَ مَن نَشَ رَبَ عِسِرَيِلَ سّيتِ رَ نَشَن نُ نَ يِرٍقَنيِ مَ. نَمِحْنمّ نُ نَ بِرِن كٌلٌنمَ نّ، عٍ قَ عَ قَلَ كّنّ مَ، بٍينُن عَ شَ رَبَ. عٍ شَ مَسٍنيِ كُي، عٍ نُ عَ قَلَمَ عَ عَلَتَلَ نَ عَ نِيَمَ عٍ شَ شَنِن كٌنيِيَ كُي عٍ شَ يُنُبِيٍ شَ قٍ رَ، عٍ مَن نُ عَ قَلَمَ عَ عَلَتَلَ عٍ رَفبِلٍنمَ نّ عٍ شَ بْشِ مَ حّ تٌنفٌ سٌلٌقٍرٍ دَنفِ شَنبِ.

عَننَبِ عٍسِدِرَ سِ شَ وَشَتِ، نَ حّ تٌنفٌ سٌلٌقٍرٍ نُ بَرَ كَمَلِ. عَلَتَلَ نَشَ عَ نِيَ ثٍرِ سٍ مَنفّ سِرُ سِ شَ نَتّ تٌنفٌ عِسِرَيِلَ كٌنيِيٍ رَفبِلٍنقٍ عٍ شْنيِ دَرِ سَلَمُ، عَلَكٌ عٍ شَ عَلَ شَ هْرْ مْبَنشِ تِ. سِرُ سِ نُ وَ مَ عَ شْن عٍ شَ سّرّشّيٍ بَ عَ بّ، كْنْ عَلَ نُ نَ بِرِن نَبَمَ نّ عَلَكٌ عَ شَ عَ شَ لَايِدِ رَكَمَلِ. عَ نُ نَ مّينِقٍ عَ شَ حَمَ مَ.

عِسِرَيِلَ بْنسْييٍ تٌ فبِلٍن عٍ شْنيِ، عٍ يَشُييٍ نَشَ قٍ بِرِن نَبَ عَلَكٌ عٍ نَشَ عَلَ شَ هْرْ مْبَنشِ تِ. عٍ نَشَ كَلَمُي سَ ثٍرِ سٍ مَنفّيٍ بّ عِسِرَيِلَ شَ قٍ رَ، كْنْ عَ رَحْنيِ عِسِرَيِلَ نَشَ نْ وَلِ رَبَدٍ. عَلَ شَ نَمِحْنمّ هَفِ نُن سَكَرِ نَشَ عٍ رَلِمَنِيَ نَ وَلِ كُي. نَ لِمَنِيَ لُمَ عَلَ شَ مِشِيٍ يِ رَ هَن تٌ. شَ مِشِ لُمَ عَلَ سّيتِ مَ، عٍ قَمَ تْورّ سْتْدٍ عَلَ يَشُييٍ سَابُي رَ، كْنْ عَ رَحْنيِ عٍ شَ قٍ سْونّيَمَ نّ عَلَتَلَ قْرْ مّ رَ. عَلَ شَ وٌن مَلِ لُقٍ عَ شَ سْونّيَ كِرَ شْن. عَمِنَ.