15
عِسِرَيِلَكَيٍ شَ بّيتِ
نَ دَنفِ شَنبِ مُنسَ نُن عِسِرَيِلَكَيٍ نَشَ يِ بّيتِ بَ عَلَتَلَ بّ.
«ﭑ شَ يِ بّيتِ بَ عَلَتَلَ بّ،
نَشَن شِلِ فبٌ.
عَ بَرَ سٌي نُن عَ رَفِمَ مَدُلَ بَا مَ.
ﭑ سّنبّ نَ عَلَتَلَ نَن نَ.
ﭑ عَ مَتْشْمَ بّيتِ رَ.
عَ بَرَ قِندِ ﭑ نَكِسِمَ نُن ﭑ مَرِفِ رَ.
ﭑ تَنتُي رَ سِفَمَ ﭑ بٍنبَيٍ مَرِفِ مَ.
سّنبّمَ نَن عَلَ رَ.
عَ شِلِ نّ عَلَتَلَ.
عَ نَشَ قِرَوُنَ شَ سْورِيٍ نُن عٍ رَفِسٍيٍ رَ سِن بَا مَ.
قِرَوُنَ شَ كُنتِفِيٍ نَشَ مَدُلَ شُلُنيُمِ بَا مَ.
مْرْنيِيٍ نَشَ عٍ مَكٌتٌ،
عٍ نَشَ فٌرٌ عَ بْتِنِ مَ عَلْ فّمّ.
عَلَتَلَ، عِ سّنبّ مَفَاشُ.
عِ بَرَ نْ عِ يَشُييٍ رَ،
عِ بَرَ نْ عِ مَتَندِ مَيٍ رَ.
عِ شَ مَنفّيَ سّنبّ مَفَاشُ.
عِ بْحّ نَ تٍ، عٍ فَنمَ نّ
عَلْ سّشّ تّ سٌشِ نَشَن نَ.
عِ شَ قٌيٍ نَشَ شُلُنيُمِ بَا رَبِ،
كِرَ شَرَشِ نَشَ لُ عَ تَفِ.
مْرْنيِيٍ نَشَ تٍ عَلْ بَنشِ شَلّ.
يٍ نَشَ تِ، عَ شْرْشْ.
عِسِرَيِلَ يَشُي عَ قَلَ نّ،
‹ﭑ بِرَ مَ نّ عٍ قْشْ رَ، هَن ﭑ عٍ لِ،
ﭑ عٍ هَرِفٍ تٌنفٌمَ نّ، هَن ﭑ وَ سَ.
ﭑ عٍ سْنتْمَ نّ ﭑ مَ سَنتِدّفّمَ رَ.›
10 كْنْ عِ تَن نَشَ قٌيٍ رَ مِنِ،
بَا نَشَ عٍ رَدُلَ.
عٍ نَشَ فٌرٌ يٍ شْورَ عَلْ يْشُي.
11 عَلَتَلَ، عِ مَنِيّ مُ نَ عَدَ مَ شَ عَلَيٍ يَ مَ.
عِ شَ سّنِيّنيِ قِيشّ،
عِ شَ نْرّ فبٌ،
عِ شَ كَابَنَكٌي وُيَ.
عِ مَنِيّ نَ مِندٍن؟
12 عِ تٌ عِ سّنبّ رَ مِنِ،
بْشِ نَشَ عٍ فٍرُن.
13 عِ شَ حَمَ نَشَن شُن سَرَشِ،
عِ قَمَ عٍ شُن تِدٍ عِ شَ شَنُنتٍيَ رَ،
نَشَن مُ حْنمَ عَبَدَن.
عِ قَمَ عٍ شُن تِدٍ عِ شَ لِنفِرَ سّنِيّنشِ يِرٍ عِ سّنبّ رَ.
14 حَمَنّ فبّتّيٍ نَ نَ مّ،
عٍ فَاشُمَ نّ.
قِلِسِتَكَيٍ بْحّ مِنِمَ نّ.
15 عٍدٌن يَرٍرَتِيٍ عِقُمَ نّ،
مٌوَبَ مَنفّيٍ سّرّنمَ نّ.
لِمَنِيَ بِرِن بَمَ نّ كَنَان حَمَنّ يِ رَ.
16 عَلَتَلَ، فَاشُي نُن كْنتْقِلِ عٍ سُشُمَ نّ،
عٍ دّ بَلَنمَ نّ عِ سّنبّ رَ،
هَن عِ شَ حَمَ دَنفِ،
عِ نَشَن شُن سَرَشِ.
17 عِ قَمَ نّ عِ شَ حَمَ رَ سَبَتِدٍ عِ شَ فٍيَ قَرِ،
عِ دّننَشّ سُفَندِشِ عِ شَ لِنفِرَ سّنِيّنشِ رَ.
18 عَلَتَلَ شَ مَنفّيَ بُمَ عَبَدَن.»
19 قِرَوُنَ شَ سٌي، عَ شَ سْورِ رَفِسٍيٍ، نُن عَ شَ سٌي رَفِمَيٍ تٌ فٌرٌ بَا مَ، عَلَتَلَ نَشَ بَا رَدِن عٍ شُن مَ، كْنْ عِسِرَيِلَكَيٍ نَشَ دَنفِ كِرَ شَرَشِ رَ بَا تَفِ.
20 هَرُنَ مَافِنّ مَرِيَمَ، نَشَن قِندِشِ نَمِحْنمّ فِنّ رَ، عَ نَشَ بٌوتٍ مَشَ. فِنّ فبّتّيٍ نَشَ قَرٍ بٌرٌن. 21 مَرِيَمَ نَشَ يِ بّيتِ بَ،
«وٌ بّيتِ بَ عَلَتَلَ بّ،
بَرِ مَ عَ شِلِ فبٌ.
عَ بَرَ سٌي نُن عٍ رَفِمَيٍ رَدُلَ بَا مَ.»
22 مُنسَ نَشَ عِسِرَيِلَكَيٍ شُن تِ سُرُ فبٍنفبٍرٍنيِ رَكٍلِقٍ شُلُنيُمِ بَا دّ رَ. عٍ نَشَ عٍ حّرّ شِ سَشَن فبٍنفبٍرٍنيِ مَ، عٍ مُ يٍ سْتْ. 23 عٍ نَشَ مَرَ لِ، كْنْ عٍ مُ نْ مَرَ يٍ مِندٍ بَرِ مَ نَ يٍ نُ شْنْ. «مَرَ» وَ مَ «شْنّ» نَن قَلَقٍ. 24 حَمَ نَشَ سْنشْ مُنسَ مَ، «وٌن يٍ سْتْمَ مِندٍن؟» 25 مُنسَ نَشَ عَ دّ رَوَ عَلَتَلَ شْن مَ. عَلَتَلَ نَشَ وُرِ مْولِ ندٍ مَسٍن مُنسَ بّ، عَ قَ نَ وٌلِ يٍ شْورَ، يٍ شْنّ نَشَ بَ. عَلَتَلَ تٌ فّ عٍ شَشِلِ مَتٌدٍ مّننِ، عَ نَشَ يِ سَاتّ تٌنفٌ عٍ بّ، 26 «شَ وٌ وٌ تُلِ مَتِ ﭑ شُي رَ عَ قَنيِ رَ، شَ وٌ بِرَ ﭑ مَ تِنشِنيِ قْشْ رَ، شَ وٌ ﭑ مَ يَامَرِ بِرِن سُشُ، وٌ ﭑ مَ سّرِيّ بِرِن بِنيَ، ﭑ تَن، وٌ مَرِفِ عَلَتَلَ، ﭑ مُ قُرٍ حَاشِ يٌ رَفٌرٌ مَ وٌ مَ، عَلْ ﭑ نَشَن نَفٌرٌ مِسِرَكَيٍ مَ. ﭑ تَن نَن عَلَتَلَ رَ، نَشَن وٌ رَيَلَنمَ.»
27 عٍ تٌ دُلٌنيِ قُ نُن قِرِن نُن تُفِ بِلِ تٌنفٌ سٌلٌقٍرٍ لِ عٍلِمِ، عٍ نَشَ يٌنكِن مّننِ.