35
عَلَ شَ يَامَرِيٍ هْرْ مْلِنفِرَ تِقٍ شَ قٍ رَ
1 مُنسَ نَشَ عِسِرَيِلَ حَمَ بِرِن مَلَن، عَ عَ قَلَ عٍ بّ، «عَلَتَلَ شَ يَامَرِيٍ نَن يَ؛
2 وٌ شَ وَلِ شِ سٍننِ لْشُنيِ كُي، كْنْ عَ شِ سٌلٌقٍرٍ ندٍ وٌ شَ وٌ مَلَبُ. لْشْي سُفَندِشِ نَ عَ رَ عَلَتَلَ بّ. مِشِ يٌ نَشَن وَلِ سُشُمَ نَ لْشْي، عَ لَنمَ نَ كَنيِ شَ قَشَ.
3 وٌ نَشَ تّ يٌ رَدّشّ وٌ شَ بَنشِ كُي مَلَبُي لْشْي.»
4 مُنسَ مَن نَشَ عَ مَسٍن عِسِرَيِلَ حَمَ بِرِن بّ، «عَلَتَلَ شَ يَامَرِيٍ نَن يَ؛
5 وٌ شَ هَدِيَ بَ عَلَتَلَ بّ. مِشِ نَشَن نَ عَ حَنِفٍ عَ شَ هَدِيَ بَ، عَلْ شّيمَ، فبٍتِ، نُن وُرٍ فبٍيلِ،
6 فّسّ فّرّ دَاشِ، بُلُ دَاشِ، نُن عَ فبٍيلِ، سُوَ دُفِ، نُن فّسّ نَشَن يَءِلَنشِ سِ شَبٍ رَ،
7 يّشّي كٌنتٌنيِ كِرِ نَشٍيٍ سٌشِ عَ فبٍيلِ رَ، ثٍرٍ مُي كِرِيٍ، نُن كَسِيَ وُرِ،
8 لَنثُي تُرٍ، لَبُندّ نَشَن مَسُنبُمَ تُرٍ رَ، سُرَيِ شِرِ حْشُنمّ نَشَن فَنمَ،
9 عٌنِشِ فّمّ، نُن فّمّ تٌقَنيِ نَشٍيٍ سَمَ سّرّشّدُبّ شَ دٌنمَ كُيٍ نُن عَ شَ دٌنمَ كَنكٍ رَشُنمَسٍ مَ.»
10 «وَلِ كٌلٌنيِيٍ نَشٍيٍ نَ وٌ يَ مَ، عٍ شَ قَ يِ سٍيٍ يَءِلَندٍ عَلْ عَلَتَلَ عَ يَمَرِشِ كِ نَشّ؛
11 هْرْ مْلِنفِرَ دُفِيٍ،
عَ شُن مَكٌتٌ سٍيٍ،
عَ سُشُسٍيٍ،
عَ شٍبٍنيِيٍ،
عَ وُرِيٍ نُن عٍ سَنبُنيِيٍ،
12 عَ نُن سَاتّ كَنكِرَ،
عَ وُرِ كُيٍيٍ،
عَ دّرَكٌتٍ،
عَ نُن دُفِ نَشَن فبَكُمَ عَ يَ رَ،
13 هْرْ مْلِنفِرَ تٍيبِلِ،
عَ وُرِ كُيٍيٍ،
عَ يِرَبَسٍ،
نُن تَامِ نَشٍيٍ بَمَ عَلَتَلَ بّ سّرّشّ رَ،
14 هْرْ مْلِنفِرَ لَنثُي دْشْسٍ،
عَ يِرَبَسٍيٍ،
عَ لَنثُييٍ،
نُن تُرٍ نَشَن سَمَ عَ كُي،
15 سُرَيِ سّرّشّبَدٍ،
عَ وُرِ كُيٍيٍ،
نُن تُرٍ سّنِيّنشِ،
لَبُندّ فَن دَاشِ،
عَ نُن دُفِ نَشَن فبَكُمَ هْرْ مْلِنفِرَ سٌدٍ دّ رَ،
16 سّرّشّبَدٍ شُنفبٍ،
عَ سُبٍ فَنسٍ وُرٍ فبٍيلِ دَاشِ،
عَ وُرِ كُيٍيٍ،
عَ يِرَبَسٍ،
نُن هْرْ مْلِنفِرَ يٍ سَسٍ شُنفبٍ
نُن عَ دْشْسٍ،
17 هْرْ مْلِنفِرَ تّتّ شَ دُفِيٍ،
عَ وُرِيٍ،
نُن عٍ سَنبُنيِيٍ،
عَ نُن دُفِ نَشَن فبَكُمَ تّتّ سٌدٍ دّ رَ،
18 هْرْ مْلِنفِرَ مَشِرِ سٍيٍ،
تّتّ مَشِرِ سٍيٍ،
نُن عٍ شَ لُوتِيٍ،
19 عَ نُن سّرّشّدُبّ سٌسٍيٍ هَرُنَ نُن عَ شَ دِيٍ بّ.»
20 عِسِرَيِلَ حَمَ نَشَ كٍلِ مُنسَ شُن مَ.
21 مِشِ نَشٍيٍ عَ حَنِفٍ، نٍيٍ نَشَ قَ عٍ شَ هَدِيَ رَ عَلَتَلَ بّ عَ شَ هْرْ مْلِنفِرَ تِقٍ رَ، عَلَ عٍ لِمَ دّننَشّ، عَ نُن سّرّشّدُبّ سٌسٍيٍ سّنِيّنشِيٍ يَءِلَنقٍ رَ.
22 شّمّيٍ نُن فِنّ نَشٍيٍ عَ حَنِفٍشِ، عٍ نَشَ قَ شُنمَسٍ شّيمَ دَاشِيٍ رَ، عَلْ تُلِرَ سٌي، شُرُندّيٍ، كْنيِ مَفٌرٌ سٍيٍ، بّلّشّرَ سٌييٍ، عَ نُن شُنمَسٍ فبّتّ نَشٍيٍ يَءِلَنشِ شّيمَ رَ. عٍ نَشَ نَ بِرِن قِ عَلَتَلَ مَ سّرّشّ رَ.
23 فّسّ فّرّ دَاشِ، بُلُ دَاشِ، نُن عَ فبٍيلِ، سُوَ دُفِيٍ، فّسّ نَشَن يَءِلَنشِ سِ شَبٍ رَ، يّشّي كٌنتٌنيِ كِرِ نَشٍيٍ سٌشِ عَ فبٍيلِ رَ، نُن ثٍرٍ مُي كِرِيٍ نُ نَ نَشٍيٍ يِ رَ، نٍيٍ نَشَ قَ عٍ رَ.
24 مِشِ نَشٍيٍ نُ عَ حَنِفٍشِ، نٍيٍ نَشَ قَ فبٍتِ نُن وُرٍ فبٍيلِ هَدِيَ رَ عَلَتَلَ بّ. كَسِيَ وُرِ كَنيِيٍ نَشَ قَ نَ وُرِ رَ هْرْ مْلِنفِرَ وَلِ شَ قٍ رَ.
25 فِنّ نَشَن بِرِن قَتَ دُفِ سْشْدٍ، عٍ نَشَ دُفِيٍ سْشْ عٍ بّلّشّ رَ، عٍ قَ نٍيٍ رَ؛ دُفِ فّرّ دَاشِ، بُلُ دَاشِ، نُن عَ فبٍيلِ. عٍ نَشَ قَ سُوَ دُفِ رَ.
26 فِنّ نَشَن بِرِن قَتَ، عٍ عَ حَنِفٍ، عٍ نَشَ فّسّ يَءِلَن سِ شَبٍ رَ.
27 حَمَ كُنتِفِيٍ نَشَ قَ عٌنِشِ فّمّيٍ نُن فّمّ تٌقَنيِ فبّتّيٍ رَ، نَشٍيٍ سَمَ سّرّشّدُبّ شَ دٌنمَ كُيٍ نُن عَ شَ دٌنمَ كَنكٍ رَشُنمَسٍ رَ.
28 عٍ نَشَ قَ لَبُندّ نُن تُرٍ رَ هْرْ مْلِنفِرَ لَنثُي بّ، عَ نُن تُرٍ سّنِيّنشِ نُن لَبُندّ فَن دَاشِ فبّتّ.
29 عِسِرَيِلَكَ بِرِن نَشٍيٍ عَ حَنِفٍشِ عٍ بْحّ كُي، شّمّيٍ نُن فِنّيٍ، نٍيٍ نَشَ قَ هَدِيَ رَ عَلَتَلَ شْن مَ، عَلَكٌ مُنسَ شَ وَلِ رَبَ عَلَتَلَ عَ يَمَرِشِ نَشَن نَ.
30 مُنسَ نَشَ عَ مَسٍن عِسِرَيِلَكَيٍ بّ، «وٌ عَ كٌلٌن، عَلَتَلَ بَرَ بٍسَلٍلِ عُرِ شَ دِ سُفَندِ، شُرُ شَ مَمَدِ نَشَن قَتَنشِ يُدَ بْنسْي رَ.
31 عَلَتَلَ بَرَ شَشِلِ قَنيِ قِ عَ مَ، عَلَكٌ عَ شَ وَلِ بِرِن نَبَ كِ كٌلٌن لْننِ قَنيِ رَ،
32 عَ شَ نْ وَلِ تٌدٍ عَ شَشِلِ كُي بٍينُن عَ شَ رَبَ، عَ شَ نْ شّيمَ، فبٍتِ، نُن وُرٍ فبٍيلِ رَوَلِدٍ،
33 عَ شَ نْ فّمّ قَنيِ مَسٌلِدٍ عَ قَ عَ رَبِلِنيِ يَءِلَن، عَ شَ نْ كَمُدّرِحَ نُن وَلِ فبّتّيٍ رَبَدٍ.
34 عَلَ بَرَ عَ نِيَ بٍسَلٍلِ شَ نْ مِشِ فبّتّ مَتِنكَندٍ عَ شَ وَلِ رَ. عَلَ بَرَ نَ نِيَ عٌهٌلِيَبُ عَشِسَمَكِ شَ دِ قَن بّ، نَشَن قَتَنشِ دَنَ بْنسْي رَ.
35 عَلَ بَرَ عٍ مَلِ عَلَكٌ عٍ شَ قَتَ وَلِ بِرِن نَ، عَلْ فّمّ نُن وُرِ مَسٌلِقٍ، ثِرِنتِ رَبَقٍ، سُوَ دُفِ سْشْقٍ فّسّ فّرّ دَاشِ، بُلُ دَاشِ، نُن عَ فبٍيلِ رَ، عَ نُن وَلِ بِرِن عٍ نَشَن تٌمَ عٍ شَشِلِ كُي.»