6
عَلَ شَ لَايِدِ مُنسَ بّ
1 عَلَتَلَ نَشَ عَ مَسٍن مُنسَ بّ، «عِ قَمَ عَ تٌدٍ يَكْسِ، ﭑ نَشَن نَبَمَ قِرَوُنَ رَ. ﭑ سّنبّ نَن قَمَ عَ نِيَدٍ عَ شَ عِسِرَيِلَ حَمَ بّحِن، عَ يّتّ شَ عٍ كٍرِ عَ شَ بْشِ مَ.»
2 عَلَ مَن نَشَ عَ مَسٍن مُنسَ بّ، «ﭑ تَن نَن عَلَتَلَ رَ.
3 ﭑ نَشَ ﭑ يّتّ مَسٍن عِبُرَهِمَ، عِسِيَفَ، نُن يَشُبَ بّ. كْنْ عٍ مُ ﭑ ﭑ شِلِ كٌلٌنشِ عَلَتَلَ رَ. عٍ ﭑ كٌلٌنشِ عَلَ سّنبّمَ شِلِ نَن نَ.
4 مُشُ مَن نَشَ سَاتَ، ﭑ شَ كَنَان بْشِ قِ عٍ مَ، عٍ شْحّيَ رَبَشِ دّننَشّ.
5 ﭑ بَرَ عِسِرَيِلَكَيٍ وَ شُي مّ عٍ شَ كٌنيِيَ كُي مِسِرَكَيٍ يِ رَ. ﭑ مَن بَرَ رَتُ ﭑ مَ سَاتّ مَ.
6 نَ كُي، عَ قَلَ عِسِرَيِلَكَيٍ بّ، ‹ﭑ تَن نَن عَلَتَلَ رَ. ﭑ قَمَ نّ وٌ رَ مِنِدٍ مِسِرَكَيٍ شَ نْي بُن مَ. ﭑ شْرّيَ قِمَ نّ وٌ مَ. ﭑ قَمَ نّ وٌ شُن سَرَدٍ ﭑ سّنبّ رَ. ﭑ حَشَنكَتّ رَفٌرٌ مَ نّ مِسِرَكَيٍ مَ عٍ شَ وَلِ كٌبِيٍ شَ قٍ رَ.
7 ﭑ وٌ قِندِ مَ نّ ﭑ مَ حَمَ رَ. ﭑ قَن قِندِ مَ نّ وٌ مَرِفِ رَ. نَ تّمُي وٌ عَ كٌلٌنمَ نّ، ﭑ تَن نَن نَ وٌ مَرِفِ عَلَتَلَ رَ، نَشَن وٌ بَشِ كٌنيِيَ كُي مِسِرَكَيٍ يِ رَ.
8 ﭑ قَمَ نّ وٌ رَ سٌدٍ بْشِ مَ، ﭑ نَكَلِشِ نَشَن مَ قٍ رَ، ﭑ شَ عَ قِ عِبُرَهِمَ، عِسِيَفَ، نُن يَشُبَ مَ. ﭑ قَمَ نّ عَ قِدٍ وٌ مَ، عَ لُ وٌ سَفٌي.›»
9 مُنسَ نَشَ نَ دّنتّفّ عِسِرَيِلَكَيٍ بّ، كْنْ عٍ مُ لَ عَ شُي رَ عٍ شَ كٌنيِيَ شْرْشْي شَ قٍ رَ. لِمَنِيَ بِرِن نُ بَرَ بَ عٍ يِ.
10 عَلَتَلَ نَشَ عَ مَسٍن مُنسَ بّ،
11 «سِفَ مِسِرَ مَنفّ يِرٍ. عَ قَلَ قِرَوُنَ بّ عَ شَ عِسِرَيِلَ حَمَ بّحِن، عٍ شَ مِنِ عَ شَ بْشِ رَ.»
12 كْنْ مُنسَ نَشَ عَلَتَلَ يَابِ، «شَ عِسِرَيِلَكَيٍ يَتِ مُ لَشِ ﭑ شُي رَ، قِرَوُنَ قَن مُ ﭑ شُي سُشُمَ قٍوٌ، ﭑ تَن نَشَن حَن مُ قَتَ وْيّندٍ.»
13 عَلَتَلَ مَسٍنيِ تِ مُنسَ نُن هَرُنَ بّ نَ كِ نّ، عِسِرَيِلَكَيٍ نُن مِسِرَ مَنفّ قِرَوُنَ شَ قٍ رَ. عَ عٍ يَمَرِ نّ عٍ شَ عِسِرَيِلَكَيٍ رَ مِنِ مِسِرَ بْشِ رَ.
14 عِسِرَيِلَ بْنسْي يَرٍرَتِيٍ نَن يِ كِ؛
رُبٍن نَشَن سِنفٍ بَرِ عِسِرَيِلَ، عَ شَ دِيٍ نَن يَ؛ شَنْكِ، ثَلُ، شٍسِرٌن، نُن كَرِ مِ. رُبٍن بْنسْي نَن نَ كِ.
15 سِمٍيْن شَ دِيٍ نَن يَ؛ يٍمُوٍلِ، يَمِن، عٌهَدِ، يَكِن، سٌشَرَ، نُن فِنّ كَنَانكَ شَ دِ سَوُلُ. سِمٍيْن بْنسْي نَن نَ كِ.
16 لٍوِ شَ دِيٍ شِلِيٍ نَن يِ كِ عٍ شَ تَرُشُي كِ مَ؛ فٍرِ سٌن، كٍهَتِ، نُن مٍرَرِ. لٍوِ شَ سِمَيَ نَشَ حّ كّمّ حّ تٌنفٌ سَشَن عَ نُن سٌلٌقٍرٍ لِ.
17 فٍرِ سٌن شَ دِيٍ قِندِشِ لِبِنِ نُن سِمٍيِ نَن نَ عٍ شَبِلّ كِ مَ.
18 كٍهَتِ شَ دِيٍ قِندِشِ عَمَرَ مَ، يِسٍهَرِ، شٍبِرٌن، نُن يُسِيّلِ نَن نَ عٍ شَبِلّ كِ مَ. كٍهَتِ شَ سِمَيَ نَشَ حّ كّمّ حّ تٌنفٌ سَشَن عَ نُن سَشَن لِ.
19 مٍرَرِ شَ دِيٍ قِندِشِ مَشَلِ نُن مُسِ نَن نَ. لٍوِ شَ دِيٍ نَن نَ كِ عٍ تَرُشُي كِ مَ.
20 عَمَرَ مَ نَشَ عَ بَبَ بَرٍنيِ يٍبٍدِ دْشْ، نَشَن هَرُنَ نُن مُنسَ بَرِ عَ بّ. عَمَرَ مَ شَ سِمَيَ نَشَ حّ كّمّ حّ تٌنفٌ سَشَن عَ نُن سٌلٌقٍرٍ لِ.
21 يِسٍهَرِ شَ دِيٍ نَن يَ؛ كٌرَ، نٍقٍفِ، نُن سِكِرِ.
22 يُسِيّلِ شَ دِيٍ نَن يَ؛ مِسَيٍلِ، عٍلٍسَقَنَ، نُن سِتِرِ.
23 هَرُنَ نَشَ عَمِنَدَبٌ شَ دِ عٍلِسٍيبَ دْشْ، نَشَن قِندِشِ نَشَسٌن مَافِنّ رَ. عَ نَشَ نَدَبٌ، عَبِهُ، عٍلٍيَسَرِ، نُن عِتَمَرِ بَرِ هَرُنَ بّ.
24 كٌرَ شَ دِيٍ نَن يَ؛ عَسِرِ، عٍلٍكَنَ، نُن عَبِيَسَقِ عَ شَبِلّ كِ مَ.
25 هَرُنَ شَ دِ عٍلٍيَسَرِ نَشَ ثُتِيٍلِ شَ دِ فِنّ دْشْ. عَ نَشَ قِنٍشَسِ بَرِ عَ بّ. لٍوِ بْنسْي يَرٍرَتِيٍ نَن نَ كِ عٍ شَبِلّ كِ مَ.
26 عَلَتَلَ هَرُنَ نُن مُنسَ يَمَرِ نّ، «وٌ عِسِرَيِلَكَيٍ رَ مِنِ مِسِرَ بْشِ رَ عٍ لَنشُندّ كِ مَ.»
27 مُنسَ نُن هَرُنَ نَن وْيّن مِسِرَ مَنفّ قِرَوُنَ بّ عِسِرَيِلَكَيٍ رَ مِنِقٍ رَ مِسِرَ كُي.
28 عَلَتَلَ نَشَ يِ مَسٍنيِ تِ مُنسَ بّ مِسِرَ بْشِ مَ،
29 «ﭑ تَن نَن نَ عَلَتَلَ رَ. سِفَ، ﭑ شُي بِرِن نَدَنفِ مِسِرَ مَنفّ قِرَوُنَ مَ.»
30 مُنسَ نَشَ عَلَتَلَ يَابِ، «ﭑ تَن نَن يِ كِ، ﭑ مُ قَتَ وْيّندٍ عَ قَنيِ رَ. قِرَوُنَ نْمَ تِندٍ ﭑ مَ مَسٍنيِ رَ دِ؟»