3
دَنشَنِيَتْييٍ قِندِشِ عِبُرَهِمَ شَ دِيٍ نَن نَ
1 وٌ تَن فَلَتِكَ شَشِلِتَرٍيٍ، ندٍ وٌ مَدَشُشِ؟ عَ مَسٍنشِ نّ وٌ بّ عَ قِيشّ رَ عَ عَلَ شَ مِشِ سُفَندِشِ بَنبَن نّ وُرِ مَفَلَنبُشِ مَ.
2 وٌ عَ قَلَ ﭑ بّ مُنسٍ عَ نِيَشِ وٌ شَ عَلَ شَشِلِ سّنِيّنشِ سْتْ. وٌ عَ سْتْشِ عَلَ شَ سّرِيّ رَتِنمّقٍ نَن سَابُي رَ، كَ وٌ عَ سْتْشِ نّ بَرِ مَ وٌ دَنشَنِيَشِ عَلَ شَ مَسٍنيِ مَ وٌ نَشَن مّشِ؟
3 وٌ شَشِلِ مُ نَ؟ سِنفٍ وٌ شَشِلِ نُ تِشِ عَلَ شَشِلِ سّنِيّنشِ نَن نَ، كْنْ يَكْسِ وٌ لَشِ وٌ يّتّ كَن سّنبّ نَن نَ. مُنقٍ رَ؟
4 وٌ بَرَ تْورْ عَلَ شَشِلِ سْتْقٍ رَ، يَكْسِ مُنقٍ رَ وٌ وَ مَ نَ بّحِنقٍ؟ نَ بَرَ قِندِ قٍ قُقَقُ رَ وٌ بّ؟
5 عَلَ عَ شَشِلِ سّنِيّنشِ قِمَ وٌ مَ، عَ مَن كَابَنَكٌي رَبَمَ وٌ تَفِ. عَ وٌ كِمَ نّ، بَرِ مَ وٌ بَرَ عَ شَ سّرِيّيٍ رَبَتُ، كَ عَ وٌ كِمَ نّ بَرِ مَ وٌ بَرَ دَنشَنِيَ عَلَ شَ مَسٍنيِ مَ وٌ نَشَن مّشِ؟
6 وٌ شَ عِبُرَهِمَ شَ قٍ مَتٌ. عَ تٌ دَنشَنِيَ عَلَ مَ، عَ نَشَ تِنشِنيِ سْتْ عَلَ مَبِرِ.
7 نَ نَن نَ كِ، مِشِ نَشَن دَنشَنِيَ عَلَ مَ، نَ بَرَ قِندِ عِبُرَهِمَ شَ دِ رَ.
8 كِتَابُي نَ نَن يَتِ قَلَ بٍينُن عَ شَ رَبَ، عَ قَلَقٍ رَ عَلَ قَمَ سِ فبّتّيٍ رَتِنشِندٍ عٍ شَ دَنشَنِيَ سَابُي رَ. عَ نَشَ نَ مَسٍنيِ قَنيِ مَسٍن سِنفٍ نُ، عَ تٌ عَ قَلَ عِبُرَهِمَ بّ، «سِ بِرِن قَمَ نّ دُبَ سْتْدٍ عِ تَن سَابُي رَ.»
9 نَ كُي، دَنشَنِيَتْي بِرِن دُبَ سْتْمَ نّ عَلْ عِبُرَهِمَ دَنشَنِيَتْي.
10 مِشِ نَشَن كَتَمَ عَلَ شَ يَامَرِيٍ رَتِنمّدٍ عَلَكٌ عَ شَ كِسِ سْتْ، نَ قِندِشِ مِشِ دَنكَشِ نَن نَ، بَرِ مَ عَ سّبّشِ كِتَابُي كُي، «مِشِ نَشَن مُ يَامَرِ بِرِن نَبَمَ، نَشٍيٍ سّبّشِ عَلَ شَ سّرِيّ كِتَابُي كُي، عَ دَنكَشِ.»
11 مِشِ يٌ مُ نْمَ عَلَ شَ يَامَرِيٍ بِرِن نَبَتُدٍ، نَ شَ عَ قِندِ تِنشِنتْي رَ. عَ سّبّشِ كِتَابُي كُي، «تِنشِنتْي كِسِمَ عَ شَ دَنشَنِيَ نَن سَابُي رَ.»
12 عَ مَن سّبّشِ، «مِشِ نَشَن عَلَ شَ يَامَرِيٍ بِرِن نَبَتُمَ، عَ كِسِمَ نٍيٍ نَن سَابُي رَ.» شَشِلِ قِرِن نَن عَ رَ. نَشَن عَ شَشِلِ تِمَ دَنشَنِيَ رَ، عَ مُ نْمَ عَ شَشِلِ تِدٍ يَامَرِيٍ رَتِنمّقٍ رَ.
13 عَلَ شَ مِشِ سُفَندِشِ بَرَ وٌن شُنسَرَ دَنكّ مَ، وٌن نَشَن سْتْ بَرِ مَ وٌن مُ عَ شَ يَامَرِ بِرِن نَتِنمّشِ. عَ وٌن شُنسَرَ نّ، عَ تٌ وٌن مَ دَنكّ تٌنفٌ عَ شَ كٌتٍ رَ. عَ قِندِ مِشِ دَنكَشِ رَ عَ قَشَ كِ نَن مَ، بَرِ مَ عَ سّبّشِ كِتَابُي كُي، «دَنكّ نَ مِشِ بّ نَشَن فبَكُمَ وُرِ مَ.»
14 عَ بَرَ وٌن شُنسَرَ عَلَكٌ عَلَ هّيرِ نَشَن قِشِ عِبُرَهِمَ مَ، عَ شَ دَنفِ سِ فبّتّيٍ مَ عَلَ شَ مِشِ سُفَندِشِ عِسَ سَابُي رَ. نَ كُي، وٌن مَ دَنشَنِيَ سَابُي رَ، وٌن نْمَ عَلَ شَشِلِ سّنِيّنشِ سْتْدٍ نَشَن لَايِدِشِ وٌن بّ.
عَلَ شَ سَاتّ نُن عِبُنَدَ مَ شَ وَلِ
15 ﭑ نفَشَكٍرٍنيِيٍ، ﭑ شَ مِسَالِ ندٍ مَسٍن وٌ بّ. مِشِ مُ نْمَ سَاتّ مَسَرَدٍ، شَ نَ مُ عَ رَ عَ كَنَدٍ، سَاتّ نَشَن تٌنفٌشِ عِبُنَدَ مَ شَ سّرِيّ كِ مَ. عَننَبِ عِبُرَهِمَ شَ سَاتّ لُمَ نَ كِ نّ.
16 عَلَ نَشَ لَايِدِ ندٍيٍ تٌنفٌ عِبُرَهِمَ نُن عَ شَ دِ بّ. كِتَابُي مُ عَ قَلَمَ «دِيٍ،» وْيّنيِ نَشَن وَ مَ عَ قَلَقٍ «مِشِ وُيَشِ.» كِتَابُي عَ قَلَمَ «عَ نُن عَ شَ دِ.» وْيّنيِ نَ عَ رَ نَشَن وَ مَ عَ قَلَقٍ «مِشِ كٍرٍن.» نَ مِشِ كٍرٍن قِندِشِ عَلَ شَ مِشِ سُفَندِشِ نَن نَ.
17 ﭑ وَ مَ نَشَن قَلَقٍ وٌ بّ، عَ عَلَ شَ سّرِيّ، نَشَن سّبّشِ حّ كّمّ نَانِ حّ تٌنفٌ سَشَن دَنفِ شَنبِ عَلَ شَ سَاتّتٌنفٌي عِبُرَهِمَ بّ، نَ سّرِيّ مُ نْمَ نَ لَايِدِ سِنفٍ كَنَدٍ.
18 شَ وٌن كِسِ سْتْمَ كّ رَ، بَرِ مَ وٌن عَلَ شَ يَامَرِيٍ رَتِنمّمَ، وٌن مُ عَ سْتْمَ سْنْن عَلَ شَ لَايِدِ سَابُي رَ. عَلَ عَ قِ عِبُرَهِمَ مَ لَايِدِ نَن نَ عَ يّتّ شَ هِننّ شَ قٍ رَ.
19 شَ نَ نَن عَ رَ، مُنقٍ رَ عَلَ عَ نِيَ عَ شَ يَامَرِيٍ شَ سّبّ كِتَابُي كُي؟ عَ عَ شَ يَامَرِيٍ سّبّ نّ يُنُبِيٍ شَ قٍ رَ، بٍينُن عَ شَ دِ لَايِدِشِ شَ قَ. مَلٍكّيٍ نَشَ قَ نَ سّرِيّ رَ، عٍ نَ سٌ سَابُي ندٍ يِ رَ.
20 سَابُي تَن لُمَ مِشِ قِرِن نَن تَفِ، كْنْ عَلَ تَن، كٍرٍن نَن عَ رَ.
21 عَلَ شَ سّرِيّ نُن عَلَ شَ لَايِدِيٍ عٍ بٌورٍ مَتَندِ مَ؟ عَدٍ دٍ! شَ وٌن نُ نْمَ كِسِ سْتْدٍ عَلَ شَ يَامَرِيٍ رَبَتُي نَن نَ نُ، نَ نُ نْمَ نّ وٌن قِندِدٍ تِنشِنتْييٍ رَ.
22 كْنْ عَلَ شَ كِتَابُي عَ مَسٍنشِ نّ وٌن بّ عَ دُنِحَ مِشِ بِرِن عَلَ شَ يَامَرِيٍ مَتَندِ مَ، عٍ قِندِ يُنُبِتْييٍ رَ. نَ كُي، عَلَ نَشَن لَايِدِشِ مِشِيٍ بّ، نَشٍيٍ لَمَ عَ رَ، عٍ قَ دَنشَنِيَ عَلَ شَ مِشِ سُفَندِشِ عِسَ مَ، عٍ نْمَ نَ سْتْدٍ.
23 بٍينُن مِشِ شَ نْ كِسِ سْتْدٍ دَنشَنِيَ سَابُي رَ، وٌن نُ نَ كَتَقٍ عَلَ شَ يَامَرِيٍ رَتِنمّدٍ، عَلَكٌ وٌن شَ كِسِ، كْنْ وٌن مُ نْ.
24 نَ كُي، سّرِيّ بَرَ وٌن شُرُ هَن بٍينُن عَلَ شَ مِشِ سُفَندِشِ شَ قَ عَلَكٌ وٌن شَ تِنشِنيِ سْتْ دَنشَنِيَ سَابُي رَ.
25 كْنْ دَنشَنِيَ تٌ بَرَ قَ، وٌن مُ نَ سّرِيّ شَ شُرُي بُن مَ سْنْن،
26 بَرِ مَ وٌ بِرِن بَرَ قِندِ عَلَ شَ دِيٍ رَ، وٌ تٌ دَنشَنِيَشِ عَلَ شَ مِشِ سُفَندِشِ عِسَ مَ.
27 وٌ تَن نَشٍيٍ بَرَ وٌ شُنشَ يٍ شْورَ عَلَ شَ مِشِ سُفَندِشِ شِلِ رَ، وٌ نُن عَلَ شَ مِشِ سُفَندِشِ نَن قَ عَ رَ.
28 يُوِقِ نُن فِرّكِ، كٌنيِ نُن شْرّ، شّمّ نُن فِنّ، وٌ بِرِن كٍرٍن عَلَ شَ مِشِ سُفَندِشِ عِسَ عِ.
29 شَ وٌ بَرَ قِندِ عِسَ عَلَ شَ مِشِ سُفَندِشِ فبٍ رَ، وٌ بَرَ قِندِ عِبُرَهِمَ شَ دِيٍ نُن كّتٌنفٌي رَ عَلْ عَلَ عَ لَايِدِشِ كِ نَشّ.