22
عِبُرَهِمَ شَ سّرّشّ
1 نَ قٍ دَنفِ شَنبِ، عَلَ نَشَ عِبُرَهِمَ مَتٌ. عَ نَشَ عَ شِلِ، «عِبُرَهِمَ.» عِبُرَهِمَ نَشَ عَ رَتِن، «ﭑ تَن نَن يَ.»
2 عَلَ مَن نَشَ عَ مَسٍن عَ بّ، «عِ شَ دِ عِسِيَفَ تٌنفٌ، عِ شَ دِ كٍرٍنيِ، نَشَن نَقَنشِ عِ مَ، عِ شَ عَ شَنِن بْشِ مَ دّننَشّ شِلِ مٌرِيَ، فٍيَ قَرِ ﭑ نَ دّننَشّ مَسٍن عِ بّ. عِ شَ عَ قِ ﭑ مَ سّرّشّ فَن دَاشِ رَ.»
3 سُبَشّ مَ عِبُرَهِمَ نَشَ كٍلِ، عَ نَشَ دْشْسٍ يَءِلَن عَ شَ سٌقَلٍ قَرِ. عَ نَشَ عَ شَ وَلِكّ قِرِن تٌنفٌ عَ نُن عَ شَ دِ عِسِيَفَ. عِبُرَهِمَ نَشَ يٍفٍ عِبْو نَشَن قِندِ مَ تّ شُرُ سٍ رَ سّرّشّ بَدٍ. عَ نَشَ بِيَاسِ قْلْ سِفَقٍ رَ يِرٍ عَلَ دّننَشّ مَسٍنشِ عَ بّ.
4 نَ شِ سَشَن لْشْي، عِبُرَهِمَ يَ نَشَ تِ نَ يِرٍ مَكُيٍ رَ، عَ سِفَقٍ دّننَشّ.
5 عَ نَشَ عَ قَلَ عَ شَ وَلِكّ قِرِنيِيٍ بّ، «وٌ تَن نُن سٌقَلٍ شَ لُ بٍ. ﭑ تَن نُن ﭑ مَ دِ، مُشُ نَ سِفَقٍ فٍيَ قَرِ سَلِدٍ. نَ تّمُي مُشُ مَن فبِلٍنمَ هَن بٍ.»
6 عِبُرَهِمَ نَشَ نَ يٍفٍ دْشْ عَ شَ دِ عِسِيَفَ شُن مَ. عَ مَن نَشَ تّ وٌلٍ نُن قِنّ شَنِن. عٍ حّرّقٍ عٍ قِرِن.
7 عِسِيَفَ نَشَ عَ بَبَ عِبُرَهِمَ شِلِ، «ﭑ بَبَ.» عَ نَشَ عَ رَتِن، «ﭑ تَن نَن يَ، ﭑ مَ دِ.» عِسِيَفَ نَشَ عَ بَبَ مَشْرِن، «ﭑ بَرَ عَ تٌ يٍفٍ نُن تّ شُرُ سٍ نَ وٌن يِ رَ، كْنْ يّشّي نَ مِندٍن وٌن نَشَن بَقٍ سّرّشّ رَ؟»
8 عِبُرَهِمَ نَشَ عَ يَابِ، «ﭑ مَ دِ، عَلَ يَتِ نَن يّشّي سٌمَ وٌن يِ رَ، وٌن نَشَن بَمَ سّرّشّ فَن دَاشِ رَ.» عٍ حّرّقٍ عٍ قِرِن.
9 عٍ تٌ يِرٍ لِ عَلَ دّننَشّ مَسٍنشِ عِبُرَهِمَ بّ، عِبُرَهِمَ نَشَ سّرّشّبَدٍ يَءِلَن، عَ يٍفٍ سَ عَ قَرِ. عَ نَشَ عَ شَ دِ عِسِيَفَ شِرِ، عَ عَ سَ سّرّشّبَدٍ كْن نَ، نَ يٍفٍ قَرِ.
10 نَ شَنبِ، عِبُرَهِمَ نَشَ قِنّ تٌنفٌ، عَ نَشَ عَ بّلّشّ عِتَلَ عَ شَ عَ شَ دِ كْن نَشَبَ،
11 كْنْ عَلَتَلَ شَ مَلٍكّ نَشَ عَ شِلِ كٌورٍ مَ، «عِبُرَهِمَ، عِبُرَهِمَ!» عِبُرَهِمَ نَشَ عَ رَتِن، «ﭑ تَن نَن يَ.»
12 مَلٍكّ نَشَ عَ قَلَ، «يِ سّفّتَلَ لُ نَا. عِ نَشَ قٍقٍ حَاشِ يٌ رَبَ عَ رَ. ﭑ بَرَ عَ كٌلٌن عِ فَاشُمَ عَلَ يَ رَ. ﭑ مَن بَرَ لَ عَ رَ، عِ مُ تٌندِشِ عِ شَ دِ كٍرٍنيِ قِدٍ ﭑ مَ سّرّشّ رَ.»
13 عِبُرَهِمَ نَشَ عَ يَ رَفبِلٍن عَ شَنبِ رَ، عَ نَشَ يّشّي كٌنتٌنيِ تٌ سَنسِ لٌنفٌرِ رَ، عَ قٍرِ قِرِنيِ كَنكَنشِ سَنسِ قِرِ رَ. عَ نَشَ سِفَ، عَ سَ نَ يّشّي كٌنتٌنيِ تٌنفٌ، عَ قَ عَ رَ. عَ نَشَ نَ بَ سّرّشّ رَ عَ شَ دِ حْشْي رَ.
14 عِبُرَهِمَ نَشَ نَ يِرٍ شِلِ سَ «عَلَتَلَ مِشِ كِمَ.» نَ نَن عَ تٌشِ هَن يَكْسِ عَ قَلَمَ «عَلَتَلَ مِشِ كِمَ عَ شَ فٍيَ قَرِ.»
15 عَلَتَلَ شَ مَلٍكّ مَن نَشَ فبِلٍن عِبُرَهِمَ شِلِ رَ كٌورٍ مَ.
16 عَ نَشَ عَ مَسٍن عَ بّ، «ﭑ بَرَ ﭑ كَلِ ﭑ يّتّ رَ، عَلَتَلَ شَ مَسٍنيِ نَن يَ. عِ تٌ بَرَ يِ رَبَ، عِ مُ تٌندِ عِ شَ دِ كٍرٍنيِ مَ ﭑ بّ،
17 ﭑ بَرَكّ سَمَ نّ عِ مَ. عِ بْنسْي وُيَمَ نّ عَلْ تُنبُي نَشٍيٍ نَ كٌورٍ مَ، شَ نَ مُ عَ رَ عٍ فبٌمَ نّ عَلْ مّيّنيِ نَشَن مَلَنشِ بَا دّ رَ. عِ بْنسْي قَمَ نّ نْدٍ عٍ يَشُييٍ رَ.
18 ﭑ قَمَ نّ بَرَكّ سَدٍ دُنِحَ سِ بِرِن مَ عِ بْنسْي سَابُي رَ، بَرِ مَ عِ بَرَ ﭑ شُي رَتِنمّ.»
19 عِبُرَهِمَ نَشَ فبِلٍن عَ شَ كٌنيِيٍ يِرٍ. عٍ بِرِن نَشَ سِفَ بٍرِ سٍيبَ، بَرِ مَ عِبُرَهِمَ نُ سَبَتِشِ مّننِ نّ.
20 نَ قٍ بِرِن تٌ دَنفِ، عِبُرَهِمَ نَشَ عَ مّ مِلِكَ دِيٍ بَرِ نّ عِبُرَهِمَ شُنيَ نَشٌرِ بّ.
21 عٍ شِلِ نَن يَ؛ عَ شَ دِ سِنفٍ عُسِ، نَ شَنبِرَتٌي بُسِ، عَرَ مِ بَبَ كٍمُوٍلِ،
22 كٍسٍدٍ، هَسٌ، ثِلِدَ سِ، يِدِلَقِ نُن بٍتُوٍلِ.
23 بٍتُوٍلِ قِندِ رٍبٍكَ بَبَ نَن نَ. نَ دِ سٌلٌمَسَشَنيِ، مِلِكَ نَن نٍيٍ بَرِ عِبُرَهِمَ شُنيَ نَشٌرِ بّ.
24 نَشٌرِ شَ كٌنيِ فِنّ نُ شِلِ نّ رٍيُمَ. عَ يِ دِيٍ نَن بَرِ؛ تٍبَ، فَشَمِ، تَشَسَ، نُن مَاكَ.