33
يَشُبَ نُن عٍسَيُ شَ لَنيِ
1 يَشُبَ تٌ عٍسَيُ تٌ قَ رَ عٍ نُن شّمّ مِشِ كّمّ نَانِ، عَ نَشَ عَ شَ دِيٍ عِتَشُن لٍيَ نُن رَشٍلٍ مَ، عَ نُن عٍ شَ كٌنيِ فِنّ قِرِنيِيٍ.
2 عَ نَشَ كٌنيِ فِنّ قِرِنيِيٍ تِ يَرٍ، عٍ نُن عٍ شَ دِيٍ. نٍيٍ شَنبِ رَ، لٍيَ قَن نَشَ تِ نُن عَ شَ دِيٍ. رَشٍلٍ نُن يُسُقُ نَشَ لُ دْنشْي رَ.
3 يَشُبَ تَن نَشَ سِفَ يَرٍ. عَ تٌ مَكْرّ عَ تَارَ رَ، عَ نَشَ عَ عِفٌرٌ بْشِ مَ سَنيَ سٌلٌقٍرٍ.
4 نَ نَن لَن عٍسَيُ نَشَ عَ فِ عَ سَ يَشُبَ رَلَن. عَ نَشَ قِندِفِلِن عَ مَ، عَ قَ عَ مَسُنبُ. عٍ بِرِن نُ قَ وَ رَ.
5 عٍسَيُ تٌ بَرَ فِنّيٍ نُن دِ مّيٍ تٌ، عَ نَشَ مَشْرِنيِ تِ، «ندٍ يٍيٍ رَ نَشٍيٍ بِرَشِ عِ قْشْ رَ يِ كِ؟» يَشُبَ نَشَ عَ يَابِ، «عَلَ دِ نَشٍيٍ قِشِ عِ شَ كٌنيِ دِ مَ عَ شَ مَرَقَنيِ سَابُي رَ.»
6 نَ كُي لٍيَ نُن رَشٍلٍ شَ كٌنيِ فِنّيٍ نَشَ عٍ مَسٌ عٍسَيُ رَ، عٍ نُن عٍ شَ دِيٍ، عٍ قَ عٍ عِفٌرٌ بْشِ مَ.
7 لٍيَ نُن عَ شَ دِيٍ قَن نَشَ عٍ مَسٌ، عٍ نَشَ عٍ عِفٌرٌ بْشِ مَ. نَ شَنبِ يُسُقُ نُن رَشٍلٍ نَشَ عٍ مَسٌ عٍسَيُ رَ، عٍ عِفٌرٌ بْشِ مَ.
8 عٍسَيُ نَشَ يَشُبَ مَشْرِن، «عِ مُنسٍ رَبَمَ يِ شُرُ سٍ بِرِن نَ، ﭑ نَرَلَنشِ نَشٍيٍ رَ يِ كِ؟» يَشُبَ نَشَ عَ يَابِ، «ﭑ وَ مَ نّ عِ تَن نَشَن نَ ﭑ مَرِفِ رَ، عِ شَ ﭑ نَقَن.»
9 عٍسَيُ نَشَ عَ قَلَ، «ﭑ شُنيَ، هَرِفٍ فبٍفبٍ نَ ﭑ قَن يِ رَ. عِ فبٍ رَفَتَ.»
10 يَشُبَ نَشَ عَ يَابِ، «عَدٍ، ﭑ بَرَ عِ مَشَندِ. شَ عِ بَرَ ﭑ نَقَن، ﭑ عِ سَنبَشِ سٍ نَشٍيٍ بِرِن نَ، عِ شَ عٍ رَ سُشُ. وٌن تَن قِرِنيِ شَ مَرَلَنيِ لُشِ نّ ﭑ بّ عَلْ مُشُ نُن عَلَ نَن لُشِ يِرٍ كٍرٍن. عِ بَرَ ﭑ نَسّنّ عَ قَنيِ رَ.
11 ﭑ بَرَ عِ مَشَندِ، عِ شَ يِ سَنبَسٍيٍ رَ سُشُ، بَرِ مَ عَلَ بَرَ ﭑ وَشْنقٍ بِرِن نَبَ ﭑ بّ. ﭑ هَيِ مُ نَ سٍسٍ مَ سْنْن.» يَشُبَ نَشَ عَ مَشْرْشْ هَن عٍسَيُ نَشَ تِن نٍيٍ رَ.
12 عٍسَيُ نَشَ عَ قَلَ، «وٌن شّي كِرَ شْن مَ، ﭑ شَ سَ عِ مَتِ.»
13 يَشُبَ نَشَ عَ يَابِ، «ﭑ مَرِفِ، عَ كٌلٌن دِ مّيٍ شَ قٍ شْرْشْ. يّشّي فِنّيٍ نُن نِنفٍ فِنّيٍ نَ شِحّ قِقٍ عٍ شَ دِيٍ مَ. شَ وٌن فبَتَ عٍ رَ لْشْي كٍرٍن، نٍيٍ بِرِن قَمَ نّ قَشَدٍ.
14 ﭑ مَرِفِ، عِ تَن شَ تِ يَرٍ. ﭑ تَن شَ بِرَ ﭑ مَ شُرُ سٍيٍ قْشْ رَ دْيِن. ﭑ شَ سِفَ ﭑ مَ شُرُ سٍيٍ نُن ﭑ مَ دِيٍ يَيَ رَ، هَن مُشُ سٌمَ عِ شْنيِ تّمُي نَشّ سٍيِرِ بْشِ مَ.»
15 عٍسَيُ نَشَ عَ قَلَ، «ﭑ شَ ﭑ مَ مِشِ ندٍيٍ لُ عِ يِ رَ بٍ.» يَشُبَ نَشَ عَ يَابِ، «مُنقٍ رَ؟ ﭑ مَرِفِ، ﭑ تَن وَ مَ نَشَن شْن، ﭑ شَ رَقَن عِ مَ فبَنسَن.»
16 نَ كُي عٍسَيُ نَشَ فبِلٍن نَ لْشْي سٍيِرِ.
17 يَشُبَ تَن نَشَ سِفَ سُكْتِ. مّننِ عَ نَشَ بَنشِ كٍرٍن تِ عَ يّتّ بّ، عَ نُن فْورّ عَ شَ شُرُ سٍيٍ لُمَ دّننَشّ. نَ نَن عَ تٌشِ نَ يِرٍ شِلِ قَلَمَ سُكْتِ، نَ نَن قَلَشِ نَ كِ «بَنشِ شُنشُرِ.»
18 يَشُبَ تٌ سٌ هّيرِ سِكٍمِ تَا كُي كَنَان بْشِ مَ كٍلِقٍ ثَدَن عَرَ مِ، عَ نَشَ عَ شَ كِرِ بَنشِ عِتَلَ تَا قَرِ مَ.
19 عَ شَ كِرِ بَنشِ نُ تِشِ دّننَشّ، عَ نَشَ نَ بْشِ سَرَ هَمٌرِ شَ دِيٍ مَ كْبِرِ كٌلٍ كّمّ رَ. هَمٌرِ نَن قِندِ سِكٍمِ بَبَ رَ، نَشَن سِنفٍ سَبَتِ نَ بْشِ مَ.
20 عَ نَشَ سّرّشّبَدٍ يَءِلَن مّننِ، عَ نَ يِرٍ شِلِ «عِسِرَيِلَ مَرِفِ عَلَ سّنبّ فبٌ.»