5
عِسَ وٌن مَ سّرّشّدُبّ كُنتِفِ
سّرّشّدُبّ كُنتِفِ بِرِن تٌنفٌشِ عَدَ مَدِيٍ نَن يَ مَ، عَ قَ تِ عَلَ شَ وَلِ رَ عَدَ مَدِيٍ بّ، عَلَكٌ عَ شَ هَدِيَ نُن سّرّشّ مْولِ بِرِن بَ يُنُبِيٍ شَ قٍ رَ. عَ مِشِيٍ شَ قٍ كٌلٌن نَشٍيٍ نَ دِ مِ كُي، عٍ لْيشِ، بَرِ مَ عَ قَن نَ عٍ يَ مَ، عَ تَنتَنمَ. عَ شَ سّنبّتَرٍيَ عَ نِيَمَ نّ عَ شَ سّرّشّ بَ عَ يّتّ شَ يُنُبِيٍ بّ، عَ نُن حَمَ شَ يُنُبِيٍ شَ قٍ رَ.
مِشِ مُ نْمَ يِ بِنيّ سْتْدٍ عَ يّتّ رَ، قٌ عَلَ عَ شِلِ عَلْ عَ هَرُنَ شِلِ كِ نَشّ. عَلَ شَ مِشِ سُفَندِشِ قَن مُ سّرّشّدُبّ كُنتِفِ بِنيّ سْتْ عَ يّتّ شَ رَ. عَلَ نَن عَ قِشِ عَ مَ، عَ قَلَقٍ رَ،
«تٌ عِ بَرَ قِندِ ﭑ مَ دِ رَ.
ﭑ تَن قَن بَرَ قِندِ عِ بَبَ رَ.»
عَ مَن سّبّشِ كِتَابُي كُي،
«عِ بَرَ قِندِ سّرّشّدُبّ رَ عَبَدَن،
مٍلٍكِسٍدٍكِ مْولِ.»
عِسَ بَرَ عَ شُي عِتٍ عَلَ مَشَندِ رَ عَ شَ دُنِحّءِفِرِ كُي، عَ بَرَ عَ مَكُلَ، عَ نَ وَقٍ. عَ نَ رَبَ نّ بَرِ مَ عَ عَ كٌلٌن عَ عَلَ نَن نُ نْمَ عَ رَتَنفَدٍ قَشّ مَ. عَلَ بَرَ عَ شَ دُبَ سُشُ، بَرِ مَ عَ نُ بَرَ تِن لُقٍ عَ شَ يَامَرِ بُن مَ. عِسَ قِندِشِ عَلَ شَ دِ نَن نَ، كْنْ نَ كُي عَ نَشَ عَ مَتِنكَن قٌ عَ شَ عَلَ رَبَتُ هَلِ نَ قِندِشِ تْورّ نَن نَ عَ بّ. عِسَ شَ قٍ تٌ كَمَلِ، عَ نَشَ قِندِ سَابُي رَ عَ مَنتٌنيِيٍ بِرِن شَ عَبَدَن كِسِ سْتْ. 10 عَلَ نَشَ عَ تِ سّرّشّدُبّ كُنتِفِ رَ مٍلٍكِسٍدٍكِ دَاشِ.
11 قٍ فبٍفبٍ نَ نَ كُي مُشُ وَ مَ نَشَن مَسٍنقٍ وٌ بّ، كْنْ نَ تَفِ رَبَقٍ شْرْشْ، بَرِ مَ وٌ مُ سٌمَ قٍيٍ كُي مَقُرٍنيِ رَ. 12 عَ نُ لَنمَ وٌ شَ قِندِ كَرَ مْشْ رَ يِ وَشَتِ، كْنْ هَن يَكْسِ وٌ هَيِ نَ كَرَ مْشْ ندٍ مَ نَشَن وٌ شَرَنمَ عَلَ شَ مَسٍنيِ سِنفٍيٍ رَ. وٌ مُ قَتَ قٍ تِلِنشِ قَهَامُدٍ سِندٍن، عَلْ دِيْرّ نَشَن مُ قَتَ سُبٍ دٌندٍ، قٌ عَ شَ شِحّ مِن سِندٍن. 13 مِشِ نَشَن هَيِ نَ عَلَ شَ نَ مَسٍنيِ سِنفٍيٍ مَ، عَ مُ فّشِ تِنشِنيِ كٌلٌندٍ، عَ مُ مْشِ عَ شَ دَنشَنِيَ كُي. عَ لُشِ عَلْ دِيْرّ نَشَن شِحّ فبَنسَن مِنمَ. 14 كْنْ مِشِ نَشَن مْشِ عَ شَ دَنشَنِيَ كُي، نَشَن بَرَ فّ تِنشِنيِ نُن تِنشِنتَرٍيَ تَفِ رَبَ كٌلٌندٍ، عَ نْمَ نّ شَرَنيِ تِلِنشِ قَن كٌلٌندٍ. عَ تَن لُشِ عَلْ شّمْشِ نَشَن بَلٌمَ سُبٍ قَنيِ رَ.