14
عِسِرَيِلَكَيٍ شَ تُوبِ عَلَتَلَ مَ
1 سَمَرِكَيٍ بَرَ يُنُبِ سْتْ عٍ مَرِفِ عَلَتَلَ مَتَندِقٍ رَ.
نَ نَن عَ رَ عٍ قَشَمَ سَنتِدّفّمَ رَ،
عٍ شَ دِيْرّيٍ وٌلِمَ نّ بْشِ مَ،
عٍ شَ فِنّ قُرُشِيٍ قُرِ رَبْو مَ نّ.
2 عِسِرَيِلَ، فبِلٍن عِ مَرِفِ عَلَتَلَ مَ،
بَرِ مَ عِ شَ وَلِ كٌبِ بَرَ عِ رَبِرَ.
3 وٌ تُوبِ عَلَتَلَ مَ، وٌ قَ يِ وْيّن قَنيِ قَلَ عَ بّ،
«عِ شَ دِحّ مُشُ شَ يُنُبِيٍ مَ،
عِ شَ هِننّ مُشُ رَ.
مُشُ شَ تَنتُي بَ سّرّشّ رَ، تُورَيٍ شَ لُ نَ.
4 عَسِرِيَ مُ نْمَ مُشُ رَكِسِدٍ،
مُشُ مُ تٍمَ سٌييٍ قَرِ فٍرٍ شِلِ مَ.
مُشُ مُ كُيٍيٍ شِلِمَ ‹مُشُ مَرِفِ عَلَ›
نَشٍيٍ يَءِلَنشِ مِشِ بّلّشّ رَ.
عِ تَن نَن فبَنسَن كِنِكِنِمَ كِرِدِيٍ مَ.»
5 «ﭑ عٍ شَ يَنقَنتٍيَ يَءِلَنمَ نّ.
ﭑ عٍ شَنُمَ نّ قٌنِسِرٍيَ رَ،
بَرِ مَ ﭑ مَ شْنّ بَرَ فبِلٍن عٍ قْشْ رَ.
6 ﭑ لُمَ نّ عِسِرَيِلَ بّ عَلْ شِنِ،
عٍ تٌقَنمَ نّ عَلْ سَنسِ قُفَشِ.
عٍ سَبَتِمَ نّ عَلْ وُرِ بِلِ قَنيِ نَشَن نَ لِبَن.
7 عَ سَلٌنيِ كُيَمَ نّ.
عَ تٌقَنمَ نّ عَلْ عٌلِوِ وُرِ،
عَ شِرِ قَنيِ رَ مِنِمَ نّ عَلْ وٌندِ نَشَن نَ لِبَن.
8 حَمَ مَن سَبَتِمَ نّ عِسِرَيِلَ بْشِ مَ عَلَ شَ نِينِ بُن مَ.
عٍ شَ مّنفِ قَنمَ نّ.
عٍ شَ قٍ حْشُنمَ نّ عَلْ وّنِ بٌفِ،
عٍ قَ شِلِ قَنيِ سْتْ عَلْ لِبَن شَ وّنِ.
9 عٍقِرَ مِ بْنسْي، مُنسٍ نَ ﭑ نُن كُيٍيٍ تَفِ؟
ﭑ تَن نَن وٌ شَ دُبّ سُشُمَ،
ﭑ نَن ﭑ حّنفِ سَمَ نّ وٌ شْن.
ﭑ لُمَ نّ وٌ بّ عَلْ وُرِ شِندٍ قَنيِ.
وٌ بَلٌي سْتْمَ ﭑ تَن نَن سَابُي رَ.»
10 لْننِلَ يِ وْيّنيِ كٌلٌنمَ نّ.
شَشِلِمَ يِ مَسٍنيِ قَهَامُمَ نّ.
عَلَتَلَ شَ كِرَيٍ تِنشِن،
تِنشِنتْييٍ حّرّ مَ نٍيٍ نَن شْن،
كْنْ مَتَندِلَيٍ دِنكٌنمَ نٍيٍ نَن نَ.