9
عِسِرَيِلَ شَ حَشَنكَتّ
عِسِرَيِلَ، عِ نَشَ حّلّشِن،
عِ نَشَ سّيوَ عَلْ سِ فبّتّيٍ.
عِ تٌ عِ مَرِفِ عَلَ بّحِن، عِ بَرَ قِندِ لَنفٌي رَ.
لَنفٌي مَسُندِ بَرَ رَقَن عِ مَ،
عِ نَشَن سْتْمَ لٌنيِ يِرٍ.
وٌ مُ بَلٌي سْتْمَ لٌنيِ يِرٍ،
وٌ مُ وّنِ سْتْمَ وّنِ بٌفِ بُندُ سٍ كُي.
عٍ مُ لُمَ عَلَتَلَ شَ بْشِ مَ،
عٍقِرَ مِ فبِلٍنمَ نّ مِسِرَ،
عٍ قَمَ دٌنسٍ هَرَ مُشِيٍ دٌندٍ عَسِرِيَ بْشِ مَ.
عٍ مُ سّرّشّ يٍ دَاشِيٍ بَمَ عَلَتَلَ بّ.
عٍ شَ سّرّشّيٍ مُ رَقَنمَ عَ مَ،
عٍ لُمَ عَلْ حْن يِرٍ تَامِ.
نَشٍيٍ نٍيٍ دٌنمَ عٍ قِندِ مَ سّنِيّنتَرٍيٍ نَن نَ.
نَ قِندِ مَ دٌنسٍ نَن نَ عٍ بّ،
كْنْ عَ مُ قِندِ مَ سّرّشّ رَ عَلَتَلَ بّ عَ شَ هْرْ مْبَنشِ كُي.
وٌ مُنسٍ رَبَمَ سَلِ لْشْي عَلَتَلَ يَ عِ؟
 
هَلِ عٍ سَ عٍ رَتَنفَ فبَلٌي مَ،
مِسِرَكَيٍ قَمَ نّ عٍ قَشَدٍ، عٍ عٍ رَفَتَ نٌقِ.
عٍ شَ هَرِفٍ بِرِن لْيمَ نّ، عٍ شْنيِ قِندِ مَ نّ وُلَ رَ.
حَشَنكَتّ لْشْييٍ نَ قَقٍ، يُنُبِ سَرٍ رَفبِلٍنمَ تّمُي نَشّ.
عِسِرَيِلَ شَ نَ كٌلٌن.
عِسِرَيِلَ شَ يُنُبِ فبٌ،
نَ نَ عَ رَ عٍ نَمِحْنمّيٍ شْنمَ،
عٍ دَشُي شِلِ سَ عٍ شُن مَ.
عَلَ نُن نَمِحْنمّيٍ عٍقِرَ مِ كَنتَمَ،
كْنْ مِشِيٍ تَن فَنتَنيِ تٍمَ نَمِحْنمّيٍ بّ.
عٍ مُ رَقَن مِشِيٍ مَ عَلَ شَ هْرْ مْبَنشِ كُي.
 
عٍقِرَ مِكَيٍ بَرَ سٌ يَنقَنتٍيَ كُي،
عَلْ نَشَن نَبَشِ فِبِيَ.
عَلَ مُ نّيمُشِ عٍ شَ يُنُبِ مَ،
عَ قَمَ عٍ حَشَنكَتَدٍ نَ نَن مَ.
10 «ﭑ تٌ عِسِرَيِلَ تٌ،
عَ نُ قَن عَلْ بٌفِ سٍ نَشَن تٌمَ وُلَ عِ.
وٌ بٍنبَيٍ نُ لُشِ نّ عَلْ شْرّ بٌفِ سِنفٍيٍ،
كْنْ عٍ نَشَ بِرَ كُيٍ شْنشِ قْشْ رَ
نَشَن نُ نَ ثٍيٌرِ.
11 عٍقِرَ مِ شَ بِنيّ سِفَمَ نّ عَلْ شْنِ نَشَن تُفَنمَ.
دِ بَرِ مُ نَ، تّيفّ مُ نَ.
12 شَ عَ سَ عَ لِ عٍ نَشَ دِيٍ شُرُ، ﭑ عٍ بِرِن بَمَ نّ عٍ يِ.
عٍ قٍ حَاشِ سْتْمَ نّ ﭑ نَ عٍ رَبٌلٌ تّمُي نَشّ.
13 ﭑ بَرَ عٍقِرَ مِ تٌ عَ سَبَتِشِ يِرٍ قَنيِ، عَلْ تِرٍ نَ كِ نَشّ،
كْنْ عٍقِرَ مِ شَ دِيٍ سٌمَ نّ قَشّتِيٍ يِ رَ.»
 
14 عَلَتَلَ، عَ لَنمَ عِ شَ مُنسٍ رَبَ عٍ بّ؟
عِ شَ فِنّ قُرُشِيٍ قُرِ كَنَ، عِ شَ عٍ شِحّ شَرَ.
15 عٍ حَاشُي بِرِن مَسٍنشِ نّ فِلِفَلِ.
مّننِ ﭑ بَرَ عٍ شْن قْلْ عٍ شَ قٍ حَاشِيٍ شَ قٍ رَ.
عٍ مُ رَقَنمَ ﭑ مَ سْنْن.
عٍ شَ كُنتِفِيٍ قِندِشِ مَتَندِلَيٍ نَن نَ.
 
16 «ﭑ بَرَ عٍقِرَ مِ بْنبْ.
عَ لُشِ نّ عَلْ سَنسِ نَشَن سَنكٍ بَرَ شَرَ،
عَ مُ بٌفِمَ سْنْن.
شَ عٍقِرَ مِكَيٍ قَ دِيٍ بَرِ،
ﭑ عٍ هَلَكِمَ نّ.»
17 ﭑ مَرِفِ عَلَ قَمَ نّ عٍ رَبّحِندٍ،
بَرِ مَ عٍ مُ عٍ تُلِ مَتِشِ عَ رَ.
عٍ قِندِ مَ نّ بِيَاسِلَيٍ رَ سِيٍ تَفِ.