11
عَل مَسِيهُ شَ مَنفّيَ
سَلٌنيِ ندٍ بُلَمَ نّ يِسَيِ بْنسْي مَ،
عَ سَنكٍ عَ نِيَمَ نّ عَ شَ بٌفِ قَنيِ رَ مِنِ.
عَلَتَلَ شَشِلِ فٌرٌ مَ نّ عَ مَ،
عَ قِندِ قَهَامُي، كٌلٌنيِ، مَرَ سِ، سّنبّ، نُن عَلَ يَرَفَاشُي رَ.
عَ سّيوَ مَ نّ عَلَتَلَ شَ يَرَفَاشُي كُي.
عَ مُ كِيتِ سَمَ قٍ تٌشِ شَ نَ مُ عَ رَ قٍ مّشِ تُن شَ مَ.
عَ مِسِكِينّيٍ مَكِيتِمَ نّ تِنشِنيِ رَ،
عَ نَتّ قَنيِ تٌنفٌ سٍتَرٍيٍ بّ.
عَ دُنِحَ مَكِيتِمَ نّ عَ شْرْشْي رَ،
عَ يَامَرِ قِ مِشِ حَاشِيٍ شَ سْنتْ.
عَ قٍ بِرِن نَبَمَ تِنشِنيِ نَن نَ،
عَ شَ لَايِدِ مُ كَنَمَ قٍوٌ.
 
نَ لْشْي، وُلَءِ بَرٍ نُن يّشّي لُمَ نّ يِرٍ كٍرٍن،
شُلُمَسٍ نُن سِ، نِنفٍ يْرّ نُن يّتّ،
عٍ بِرِن لُمَ نّ يِرٍ كٍرٍن،
دِ مّدِ ندٍ قَ عٍ دّ مَدٌن.
نِنفٍ نُن بَرَتّ عٍ دّ مَدٌنمَ نّ يِرٍ كٍرٍن،
عٍ شَ دِيٍ سَ يِرٍ كٍرٍن.
يّتّ نُن نِنفٍ بِرِن قَمَ سّشّ نَن دٌندٍ.
نَ لْشْي دِيْرّ بٍرٍ مَ نّ تَنبَلُنبٍ رَ،
دِ مّدِ عَ بّلّشّ رَ سٌ سَفَلٍ يِلِ كُي.
قٍ شْرْشْي يٌ مُ سْتْمَ ﭑ تَن عَلَتَلَ شَ فٍيَ سّنِيّنشِ قَرِ،
دُنِحَ بِرِن ﭑ كٌلٌنمَ نّ عَلْ يّشّيٍ بَا كٌلٌنمَ كِ نَشّ.
 
10 نَ لْشْي، يِسَيِ بْنسْي قِندِ مَ تْنشُمَ نَن نَ سِ بِرِن بّ،
عٍ قَ عٍ شُن تِ عَ رَ بِنيّ كُي.
 
11 نَ لْشْي، عَلَتَلَ مَن عَ شْنيّ عِتَلَمَ نّ
عَ شَ حَمَ دْنشْي رَكِسِقٍ رَ،
نَشٍيٍ نُ لُمَ عَسِرِيَ، مِسِرَ، ثَتِرٌ سِ، كُسِ، عٍلَمَ، سِنَرَ، شَمَتَ، نُن بَا سُرِيٍ مَ.
12 عَ تْنشُمَ مَسٍنمَ نّ سِ بِرِن بّ.
عَ عِسِرَيِلَ نُن يُدَيَ مِشِيٍ مَلَنمَ نّ،
نَشٍيٍ نُ رَيٍنسٍنشِ دُنِحَ تُنشُن نَانِ مَ.
13 عٍقِرَ مِ بْنسْي شَ تْونّ حْنمَ نّ،
يُدَ بْنسْي شَ فٍرٍ مَسٌقٍ قَن حْنمَ نّ.
عٍقِرَ مِ بْحّ شِنبٍلِمَ نّ يُدَيَ مَبِرِ،
يُدَيَ قَن فٍرٍ لُمَ نّ.
14 عٍ لَنمَ نّ قِلِسِتَكَيٍ فٍرٍقٍ مَ سٌفٍتٍدٍ مَبِرِ،
عٍ عٍ يَشُييٍ قَن فٍرٍ نَشٍيٍ نَ سٌفٍفٌرٌدٍ مَبِرِ.
عٍ نْمَ نّ عٍدٌنكَيٍ نُن مٌوَبَكَيٍ رَ،
عَمٌنِكَيٍ قَن لُ عٍ سَفٌي.
15 عَلَتَلَ بَا عِتَشُن نّ عَ شَ حَمَ بّ عٍ تٌ كٍلِ مِسِرَ بْشِ مَ.
عَ عٍقِرَتِ شُرٍ قَن عِتَشُنمَ نّ عَ شَ قٌيٍ مَفَاشُشِ رَ،
عَ قَ قِندِ كِرَ رَ، حَمَ نَشٍيٍ عِفِرِ مَ عٍ شَرَشِ رَ.
16 عَلَتَلَ كِرَ قِمَ نّ عَ شَ حَمَ دْنشْي مَ،
عَلَكٌ عٍ شَ كٍلِ عَسِرِيَ، عَلْ عٍ بٍنبَيٍ عِسِرَيِلَكَيٍ مِنِ مِسِرَ بْشِ رَ كِ نَشّ.