16
مٌوَبَكَيٍ دّ مّرِ قٍنقٍ دَرِ سَلَمُ
1 وٌ شَ يّشّي كٌنتٌنيِ ندٍ رَ سَنبَ بْشِ مَنفّ شْن مَ،
كٍلِقٍ سٍلَ نَشَن نَ مٌوَبَ وُلَ عِ، هَن سِيٌنِ فٍيَ تٌقَنيِ.
2 مٌوَبَ فِنّيٍ عٍ فِمَ نّ عَرِنٌن شُرٍ عِفِرِدٍيٍ،
كْنْ عٍ لُمَ نّ عَلْ شْنِ نَشٍيٍ كٍرِشِ عٍ تّي كُي.
3 مٌوَبَكَيٍ نَشّ، «دَرِ سَلَمُكَيٍ، وٌ شَ وٌ بٌرٍ تٌ،
وٌ شَ نَتّ ندٍ تٌنفٌ مُشُ شَ قٍ رَ.
وٌ شَ مُشُ نْشُن وٌ شْنيِ،
وٌ نَشَ مُشُ يَنقَ وٌن يَشُييٍ مَ.
4 وٌ شَ مٌوَبَكَيٍ رَتَنفَ كَسَرَتِ مَ،
نَشٍيٍ كَنتَرِ قٍنمَ وٌ شْنيِ، وٌ شَ عٍ مَكَنتَ.»
كَسَرَتِ قَمَ سِفَدٍ،
عَ شَ نَتّ مُ كَمَلِمَ بْشِ كَنَقٍ رَ.
5 مَنفّ كِبَنيِ قَمَ نّ مَبَنبَندٍ دُفُتّفّيَ رَ.
تِنشِنتْي ندٍ نَشَن قَتَنشِ دَوُدَ بْنسْي رَ،
نَشَن كِيتِ سَمَ نْندِ رَ تِنشِنتْييٍ بّ،
عَ قَمَ نّ عَ مَفٌرٌدٍ عَ شَ كِبَنيِ كُي.
6 مُشُ بَرَ مٌوَبَكَيٍ شَ يّتّ عِفبٌحَ كٌلٌن.
عَ حْشْ عَ مَ عَ قِسَ مِشِ بِرِن بّ.
عَ عَ يّتّ مَتْشْمَ تّمُي بِرِن،
كْنْ نْندِ يٌ مُ نَ نَ مَتْشْي كُي.
7 يَكْسِ مٌوَبَكَيٍ نَ وَقٍ عٍ شَ بْشِ شَ قٍ رَ،
عٍ نَ سُننُنيِ كُي كِرٍ شَرٍ سٍتِ شَ دَشَمُي كَنّ شَ قٍ رَ.
8 شّسِبْن نُن سِبِمَ وّنِ بِلِيٍ بَرَ كَنَ.
حَمَنّ مَنفّيٍ بَرَ نٍيٍ بِرِن كَنَ،
نَشٍيٍ نُ سِفَمَ يَاسّرِ تَا مَبِرِ، هَن فبٍنفبٍرٍنيِ مَ، هَن بَا دّ رَ.
9 نَ كُي ﭑ قَن وَ مَ نّ يَاسّرِ سّيتِ مَ سِبِمَ وّنِ شّ شَ قٍ رَ.
ﭑ يَيٍ شّسِبْن نُن عٍلٍيَلٍ لِمَ نّ،
بَرِ مَ وٌ مُ سّيوّ شُي رَ مِنِمَ سْنْن وٌ شَ شّيٍ نُن وٌ شَ وّنِ بٌفِيٍ شَ قٍ رَ.
10 سّيوّ شُي بَرَ حْن وٌ شَ سَنسِ يِرٍيٍ.
حّلّشِن شُي مُ مّمَ وٌ شَ وّنِ شّيٍ يِرٍ سْنْن.
وّنِ يَءِلَنمَيٍ مُ وّنِ بٌفِ بُندُ مَ سْنْن،
عٍ مُ حّلّشِن سِفِ سَمَ نَ وَلِ شَ قٍ رَ.
11 ﭑ بْحّ نَ تْورْقٍ مٌوَبَ شَ قٍ رَ،
ﭑ سٌندٌنيِ نَ وَقٍ كِرِ شَرٍ سٍتِ شَ قٍ رَ.
12 مٌوَبَكَيٍ بَرَ مِنِ سِفَقٍ رَ عٍ شَ كُيٍيٍ يِرٍ،
عٍ شَ سَ عٍ شَ عَلَيٍ مَكُلَ،
كْنْ نَ قَن قِندِ مَ قٍ قُقَقُ نَن نَ.
13 عَلَتَلَ شَ مَسٍنيِ نَن نَ كِ مٌوَبَ شَ قٍ رَ، نَشَن مَسٍنشِ تّمُي دَنفِشِ.
14 كْنْ يَكْسِ عَلَتَلَ نَشّ، «بٍينُن حّ سَشَن شَ كَمَلِ، عَلْ عَ كَمَلِمَ وَلِكّ بّ عَ شَ لَنيِ كُي كِ نَشّ، مٌوَبَكَيٍ شَ شُننَكٍلِ حْنمَ نّ، عَ شَ حَمَ مَبٍرٍ. مِشِ دٌندٌرٌنتِ نَن نَتَنفَمَ فبَلٌي مَ.»