31
مِسِرَ شَ مَلِ
1 حَشَنكَتّ نَ وٌ بّ،
وٌ تَن نَشٍيٍ وٌ يّتّ تَشُمَ مِسِرَ رَ،
وٌ تَن نَشٍيٍ لَمَ عٍ شَ سْورِ رَفِسٍ وُيَشِيٍ رَ،
وٌ تَن نَشٍيٍ عٍ شَ سٌي رَفِمَيٍ مَتٌمَ.
وٌ مُ عِسِرَيِلَ شَ سّنِيّنتْي قٍنمَ،
وٌ مُ وَ مَ عَلَتَلَ شَ مَلِ شْن مَ.
2 كْنْ عَلَ شَشِلِ نَن فبٌ،
عَ قَتَ حَشَنكَتّ رَفٌرٌدٍ مِشِيٍ مَ.
عَ شُي مُ كَنَمَ.
عَ كٍلِمَ حَمَ حَاشِ شِلِ مَ،
نَشٍيٍ مِشِ كٌبِيٍ مَلِمَ.
3 مِسِرَكَيٍ مُ قِندِشِ عَلَ رَ،
عَدَ مَدِيٍ نَن تُن نَ عٍ رَ.
عٍ شَ سٌييٍ مُ قِندِشِ شَشِلِ شَ رَ،
سُبٍ نَن تُن نَ عٍ رَ.
عَلَتَلَ نَ كٍلِ تّمُي نَشّ مِشِيٍ شِلِ مَ،
نَشَن مَلِ تِمَ يٌ، نَشَن مَلِ قٍنمَ يٌ،
عَ عٍ بِرِن هَلَكِمَ نّ.
4 عَلَتَلَ شَ مَسٍنيِ نَن يَ؛
«يّتّ نَ يِرِندِن عَ شَ سُبٍ سُشُشِ شُن مَ،
هَلِ شُرُ سٍ دّ مَدٌنيِ فبٍفبٍيٍ كَتَمَ نّ عَ كٍرِدٍ،
عَ مُ فَاشُمَ عٍ شَ سْنشْي رَتٍ يَ رَ،
عَ مُ كٍلِمَ نَ سُبٍ شُن مَ قٍقٍ مَ.
عَلَتَلَ سّنبّمَ قَن فٌرٌ مَ نّ فٍرٍ سٌدٍ سِيٌنِ فٍيَ قَرِ نَ كِ نّ.
5 عَلَتَلَ سّنبّمَ دَرِ سَلَمُ مَكَنتَمَ نّ،
عَلْ شْنِ عَ فَبُتٍنيِيٍ عِتَلَمَ عَ يْرّيٍ شُن مَ كِ نَشّ،
عَ عٍ كَنتَ، عَ عٍ رَكِسِ، عَ عَ تِ عٍ شُن مَ.»
6 عِسِرَيِلَكَيٍ، وٌ شَ فبِلٍن عَلَ مَ وٌ بَرَ وٌ مَكُيَ نَشَن نَ.
7 نَ لْشْي وٌ قَمَ نّ وٌ شَ كُيٍيٍ رَبّحِندٍ وٌ نَشٍيٍ يَءِلَنشِ فبٍتِ نُن شّيمَ رَ يُنُبِ شَ قٍ رَ.
8 «عَسِرِيَكَيٍ قَمَ نّ سْنتْدٍ سَنتِدّفّمَ رَ،
نَشَن مُ قَتَنشِ حّنفِ كَنيِ رَ.
عٍ عٍ فِمَ نّ نَ يَ رَ، عٍ شَ قٌنِكٍيٍ شَنِنمَ نّ كٌنيِيَ كُي.
9 عٍ شَ يِرٍ مَكَنتَشِ بِرَ مَ نّ فَاشُي كُي،
لِمَنِيَ بَمَ نّ عٍ شَ سْورِ مَنفّيٍ يِ رَ فٍرٍ قَ تّمُي.»
عَلَتَلَ شَ مَسٍنيِ نَن نَ كِ،
نَشَن نَ فٍرٍ تّ رَدّشّمَ سِيٌنِ فٍيَ مَ دَرِ سَلَمُ كُي.