35
عَلَ شَ كِرَ
1 حّلّشِنيِ شَ لُ فبٍنفبٍرٍن يِرٍ،
سّيوّ شَ لُ وُلَءِ عَلْ سَنسِ قُفَشِيٍ يِرٍ.
2 سَنسِ تٌقَنيِيٍ شَ لُ نَا،
سّيوّ شُي شَ عِتٍ.
عَ شَ لُ عَلْ لِبَن قْتْنيِ، عَ شَ تٌقَن عَلْ كَرٍ مٍلٍ فٍيَ نُن سَرْن يِرٍ.
وٌن مَرِفِ عَلَتَلَ شَ نْرّ تٌمَ نّ نَا عَ قَنيِ رَ.
3 وٌ تَن نَشٍيٍ بَرَ فَاشُ هَن وٌ بّلّشّ مُ سٍ سُشُمَ، وٌ شِنبِ قَ سّرّن،
وٌ سّنبّ شَ سٌ.
4 وٌ عَ قَلَ مِشِيٍ بّ نَشٍيٍ بَرَ فَاشُ،
«وٌ شَ لِمَنِيَ، هَلِ وٌ مُ فَاشُ!
وٌ مَرِفِ عَلَ بَرَ قَ وٌ فبٍ حْشْدٍ.
عَ قَمَ وٌ رَكِسِدٍ عَ سّنبّ رَ.»
5 نَ تّمُي، دْنشُييٍ يَ رَبْو مَ نّ، تُلِشْرِيٍ قٍ مّمَ نّ.
6 مَبّنيِيٍ تُفَنمَ نّ عَلْ شٍلِ، بٌبٌي قَن سّيوّ شُي رَ مِنِمَ نّ،
بَرِ مَ شُرٍيٍ مِنِمَ نّ فبٍنفبٍرٍنيِ مَ.
7 بْشِ مَشَرَشِ مَقِندِ مَ نّ بَا رَ،
دُلٌنيِ مِنِمَ نّ فبٍنفبٍرٍن يِرٍ.
وُلَءِ بَرٍيٍ شْنيِ بَرَ قِندِ يٍ يِرٍ رَ.
8 كِرَ مَبَمَ نَا نَشَن شِلِ قَلَمَ، «كِرَ سّنِيّنشِ.»
مِشِ سّنِيّنتَرٍ مُ دَنفِمَ مّننِ، قٌ نَشَن لَنمَ عَ شَ دَنفِ نَ.
شَشِلِتَرٍيٍ مُ تِمَ نَ كِرَ شْن مَ.
9 يّتّيٍ نُن بُرُنيِ سُبٍ مُ تٌمَ نَا، قٌ لَسِرِ مِشِ.
10 عَلَتَلَ نَشٍيٍ شْرّيَشِ، نٍيٍ نَن فبِلٍنمَ عٍ شْنيِ نَ كِرَ شْن مَ.
عٍ سٌمَ نّ سِيٌنِ سّيوّ رَ نَشَن مُ حْنمَ.
عٍ حّلّشِنمَ نّ تُن.
سُننُنيِ نُن تْورّ بَمَ نّ عٍ مَ عَبَدَن.