51
عِسِرَيِلَ قَتَنشِ دّننَشّ رَ
1 «وٌ وٌ تُلِ مَتِ ﭑ نَ، وٌ تَن نَشٍيٍ تِنشِنيِ نُن عَلَتَلَ قٍنقٍ.
وٌ شَ وٌ يَ تِ قَنيٍ رَ عَلَتَلَ وٌ رَ مِنِشِ دّننَشّ.
2 وٌ شَ وٌ يَ تِ وٌ بَبَ عِبُرَهِمَ نُن وٌ نفَ سَرَ رَ نَشٍيٍ وٌ بَرِشِ.
ﭑ تٌ عَ شِلِ عَ كٍرٍن نَن نُ عَ رَ،
كْنْ ﭑ تٌ فّ دُبَدٍ عَ بّ،
عَ قِندِ نّ بْنسْي وُيَشِ بٍنبَ رَ.
3 عَلَتَلَ سِيٌن مَدُندُ مَ نّ،
عَ كِنِكِنِ عَ شَ كَسَرّ بِرِن مَ.
عَلَتَلَ عَ شَ فبٍنفبٍرٍنيِ قِندِ مَ نّ يِرٍ قَنيِ رَ عَلْ عٍدٍن بْشِ،
عَ عَ شَ بْشِ رَتٌقَنمَ نّ عَلْ عَ دَرِشِ عَ رَ كِ نَشّ.
سّيوّ نُن حّلّشِنيِ لُ نَا،
سُوكِ نُن بّيتِ بَ تّمُي بِرِن.»
4 «ﭑ مَ حَمَ، وٌ وٌ تُلِ مَتِ ﭑ نَ.
ﭑ مَ سِ، وٌ شَ ﭑ شُي رَ مّ.
سّرِيّ قَتَنشِ ﭑ تَن نَن نَ،
ﭑ مَ كِيتِ تِنشِنشِ قِندِ مَ نّ نَءِيَلَنيِ رَ سِيٍ بّ.
5 ﭑ مَ كِيتِ تِنشِنشِ بَرَ مَكْرّ،
ﭑ مَ كِسِ نَ قَقٍ،
سِيٍ قَمَ نّ عٍ شَشِلِ تِدٍ ﭑ سّنبّ رَ.
6 وٌ وٌ يَ رَتٍ كٌورٍ مَ.
مّننِ لْيمَ نّ عَلْ قٌيٍ تُورِ رَلْيمَ كِ نَشّ.
وٌ وٌ يَ تِ بْشِ رَ.
مّننِ حْنمَ نّ عَلْ دُفِ قٌرِ.
مّننِكَيٍ قَشَمَ نّ عَلْ تُفِتُفِ.
كْنْ ﭑ مَ كِسِ تَن عَبَدَن نَن عَ رَ،
ﭑ مَ تِنشِنيِ مُ كَنَمَ.»
7 «وٌ شَ وٌ تُلِ مَتِ ﭑ شُي رَ، وٌ نَشَن كٌلٌن تِنشِنيِ رَ.
ﭑ مَ سّرِيّ سَبَتِشِ وٌ بْحّ كُي.
وٌ نَشَ فَاشُ مِشِيٍ شَ مَبٍرٍ يَ رَ،
وٌ نَشَ وٌ فِ عٍ شَ سْنشْي يَ رَ.
8 نِمَسٍ شُنشُرِيٍ عٍ دٌنمَ نّ عَلْ دُفِ،
تٍيسٍ عٍ رَحْن عَلْ فّسّ قُتٍ.
كْنْ ﭑ مَ تِنشِنيِ بُمَ نّ عَبَدَن،
ﭑ مَ كِسِ لُمَ نّ بْنسْي يَ مَ تّمُي بِرِن.»
9 عَلَتَلَ، عِ شَ كٍلِ سّنبّ رَ.
عِ شَ كٍلِ عَلْ سِنفٍ رَ.
عِ تَن شَ مُ مِسِرَكَيٍ بْنبْ عَلْ وُلَءِ سُبٍ مَفَاشُشِ؟
10 عِ تَن شَ مُ بَا شُنفبٍ رَشْرِ،
عِ قَ كِرَ عِبْو بَا تَفِ عِ شَ مِشِ رَكِسِشِيٍ دَنفِمَ دّننَشّ؟
11 عَلَتَلَ شَ مِشِ شْرّيَشِيٍ فبِلٍنمَ نّ،
عٍ قَ سٌ سِيٌن كُي بّيتِ رَ،
سّيوّ نَن لُمَ عٍ بّ عَبَدَن.
عٍ بْحّ رَقَنشِ عٍ مَ، حّلّشِنيِ لُمَ نّ عٍ سٌندٌنيِ كُي.
نِمِسّ نُن يَيٍ مَكُيَمَ نّ عٍ رَ.
12 «ﭑ تَن نَن وٌ بْحّ مَدُندُ مَ.
ندٍ نْمَ فَاشُدٍ عَدَ مَدِ يَ رَ،
نَشَن قَشَمَ، نَشَن حْنمَ عَلْ سّشّ؟
13 مُنقٍ رَ وٌ قَ نّيمُشِ وٌ دَالِمَ عَلَتَلَ مَ،
نَشَن كٌورٍ عِتَلَشِ، عَ بْشِ بُنيِ سَ؟
مُنقٍ رَ وٌ لُمَ فَاشُي كُي تّمُي بِرِن وٌ يَشُييٍ يَ رَ نَشٍيٍ وَ مَ وٌ تْورْقٍ؟
وٌ فَاشُمَ عٍ يَ رَ مُنقٍ رَ؟
14 عَ فبٍ مُ لُشِ، وٌ شَ فٍيلِمَنِيٍ قَمَ نّ شْرّيَ سْتْدٍ،
عٍ مُ قَشَمَ فٍيلِ كُي، عٍ مُ قَشَمَ كَامّ رَ.
15 ﭑ تَن نَن نَ وٌ مَرِفِ عَلَتَلَ رَ،
نَشَن بَا عِمَشَمَ، عَ مْرْنيِيٍ رَ مِنِ.
ﭑ شِلِ نّ عَلَتَلَ سّنبّمَ.
16 ﭑ نَن ﭑ مَ مَسٍنيِ سَشِ نّ عِ دّ عِ،
ﭑ نَ ﭑ بّلّشّ تِ عِ شُن مَ،
ﭑ تَن نَشَن كٌورٍ عِتَلَ، ﭑ بْشِ بُنيِ سَ،
نَشَن سِيٌنكَيٍ شِلِمَ، ‹ﭑ مَ حَمَ.›»
17 «دَرِ سَلَمُكَيٍ، وٌ كٍلِ كٍرٍن نَ،
وٌ تَن نَشٍيٍ عَلَتَلَ شَ مِنسٍ شْرْشْي مِنشِ،
وٌ تَن نَشٍيٍ عَ شَ شْنّ كٌلٌنشِ،
عَ تٌ دِن وٌ رَ، عَ قَ عَ لُ وٌ شَ بِرَ عَلْ سِيسِلَيٍ.
18 عَ شَ دِ يٌ مُ نُ نَ نَشَن عَ مَلِمَ عَ شَ حّرّ كُي،
نَشَن لُ عَ سّيتِ مَ عَ سُشُقٍ رَ.
19 نَ فبَلٌي شْرْشْي بَرَ وٌ سْتْ،
كَسَرّ نُن سْنتْي، كَامّ نُن فٍرٍ،
ندٍ نْمَ وٌ مَدُندُدٍ؟
20 وٌ شَ دِيٍ بَرَ بِرَ، عٍ سَشِ كِرَ شُنيِ رَ،
عَلْ شٍلِ نَشَن سُشُشِ يّلّ رَ.
عَلَتَلَ شَ شْنّ بَرَ دِن عٍ رَ، عَ بَرَ عٍ حَشَنكَتَ عَ حَاشِ رَ.»
21 نَ كُي وٌ تَن تْورْ مِشِيٍ، وٌ شَ وٌ تُلِ مَتِ يِ مَسٍنيِ رَ
وٌ تَن نَشٍيٍ لُشِ عَلْ سِيسِلَيٍ بٍيرٍ شَنبِ.
22 وٌ مَرِفِ عَلَتَلَ نَشَن عَ شَ حَمَ مَكَنتَمَ،
عَ شَ مَسٍنيِ نَن يَ،
«عَوَ، ﭑ مُ شْنْشِ وٌ مَ سْنْن،
نَ شْنّ مُ وٌ لِمَ سْنْن.
23 ﭑ مَ شْنّ سِفَمَ وٌ يَشُييٍ نَن مَ نَشٍيٍ بَرَ وٌ تْورْ،
عٍ قَ عَ قَلَ ‹وٌ وٌ قٍلٍن بْشِ مَ، مُشُ شَ تِ وٌ قَرِ.›
عٍ بَرَ وٌ تْورْ نَ كِ، عٍ قَ حّرّ وٌ قَرِ عَلْ بْشِ.»