5
دَنشَنِيَقٍ عَلَ شَ دِ مَ
1 مِشِ نَشَن لَمَ عَ رَ عَ عِسَ نَن قِندِشِ عَلَ شَ مِشِ سُفَندِشِ رَ، نَ كَنيِ بَرَ قِندِ عَلَ شَ دِ رَ. نَشَن بَبّ ندٍ شَنُمَ، عَ نَ بَبّ شَ دِ قَن شَنُمَ نّ.
2 وٌن نَ عَلَ شَنُ، وٌن قَ عَ شَ يَامَرِ بِرِن نَبَتُ، نَ نَن عَ مَسٍنمَ عَ وٌن عَلَ شَ دِيٍ قَن شَنُمَ.
3 عَلَ شَنُقٍ عَ نِيَمَ وٌن شَ عَ شَ يَامَرِيٍ قَن نَبَتُ. نَ مُ قِندِ مَ كٌتٍ شْرْشْي رَ،
4 بَرِ مَ عَلَ شَ دِيٍ نْمَ دُنِحَ بِرِن نَ عٍ شَ دَنشَنِيَ سَابُي رَ.
5 ندٍ شُننَكٍلِ سْتْمَ دُنِحَ شُن نَ، شَ دَنشَنِيَتْي مُ عَ رَ، نَشَن لَمَ عَ رَ عَ عَلَ شَ دِ نَن عِسَ رَ؟
6 عَلَ شَ مِشِ سُفَندِشِ عِسَ نَن قَ يٍ نُن وُلِ رَ. عَ مُ قَشِ يٍ فبَنسَن شَ رَ، عَ قَشِ يٍ نُن وُلِ نَن نَ. عَلَ شَشِلِ نَن نَ سٍيدٍ بَشِ، بَرِ مَ عَلَ شَشِلِ نْندِ نَن عَ رَ.
7 سٍيدٍ سَشَن نَن نَ؛
8 عَلَ شَشِلِ سّنِيّنشِ، يٍ، نُن وُلِ. نَ سَشَنيِ بِرِن سٍيدٍحْشْيَ كٍرٍن نَن بَمَ.
9 وٌن تِنمَ مِشِيٍ شَ سٍيدٍحْشْيَ رَ، كْنْ عَلَ شَ سٍيدٍحْشْيَ دَنفِ نَ بِرِن نَ. عَلَ نَن سٍيدٍ بَمَ عَ شَ دِ شَ قٍ رَ.
10 مِشِ نَشَن لَمَ عَلَ شَ سٍيدٍحْشْيَ رَ، نَ كَنيِ دَنشَنِيَمَ عَلَ شَ دِ مَ، كْنْ مِشِ نَشَن مُ لَمَ عَلَ رَ، نَ كَنيِ بَرَ عَلَ قِندِ وُلٍ قَلّ رَ، بَرِ مَ عَ مُ لَشِ عَلَ شَ سٍيدٍحْشْيَ رَ، عَ نَشَن بَشِ عَ شَ دِ شَ قٍ رَ.
11 نَ سٍيدٍحْشْيَ عَ مَسٍنمَ عَ عَلَ كِسِ قِشِ وٌن مَ عَ شَ دِ نَن سَابُي رَ. نَ كِسِ مُ حْنمَ عَبَدَن.
12 مِشِ نَشَن بِرَ مَ عَلَ شَ دِ قْشْ رَ، نَ كَنيِ بَرَ كِسِ، كْنْ مِشِ نَشَن مُ بِرَ مَ عَلَ شَ دِ قْشْ رَ، نَ كَنيِ مُ كِسِمَ.
13 ﭑ بَرَ يِ قٍ بِرِن سّبّ وٌ مَ، وٌ تَن نَشٍيٍ دَنشَنِيَشِ عَلَ شَ دِ مَ، عَلَكٌ وٌ شَ عَ كٌلٌن عَ وٌ بَرَ كِسِ سْتْ، نَشَن مُ حْنمَ عَبَدَن.
14 وٌن مَ لَنلَنتٍيَ نَ عَ مَ كِ نَشّ، وٌن بَرَ عَ كٌلٌن عَ وٌن مَ دُبَ بِرِن سُشُمَ نّ نَشَن قِندِشِ عَ وَشْنقٍ رَ.
15 وٌن تٌ عَ كٌلٌن عَ وٌن مَ مَشَندِ بِرِن مّمَ، وٌن مَن عَ كٌلٌن عَ عَلَ وٌن مَ دُبَ بِرِن سُشُمَ نّ.
16 مِشِ نَشَن عَ بٌورٍ ندٍ تٌمَ يُنُبِ رَبَ رَ، يُنُبِ نَشَن مُ مِشِ بْنْمَ عَبَدَن، عَ شَ عَلَ مَشَندِ عَ بّ. عَلَ عَ رَكِسِمَ نّ شَ يُنُبِ نَ عَ رَ نَشَن مُ مِشِ بْنْمَ عَبَدَن. يُنُبِ ندٍ نَ نَشَن مِشِ بْنْمَ عَبَدَن. ﭑ مُ عَ قَلَ وٌ شَ عَلَ مَشَندِ نَ مْولِ شَ قٍ رَ.
17 سّرِيّ مَتَندِقٍ بِرِن قِندِشِ يُنُبِ نَن نَ، كْنْ يُنُبِ بِرِن شَ مُ مِشِ بْنْمَ.
18 وٌن عَ كٌلٌن مِشِ نَشَن قِندِشِ عَلَ شَ دِ رَ، عَ مُ لُمَ يُنُبِ رَبَ رَ، بَرِ مَ عَلَ شَ دِ، عَ عَ كَنتَمَ. سٍنتَنّ مُ نْمَ عَ رَ.
19 وٌن عَ كٌلٌن عَ عَلَ شَ دِيٍ نَن وٌن نَ، كْنْ دُنِحَ مِشِ دْنشْي بِرِن نَ سٍنتَنّ سَفٌ نَن بُن مَ.
20 وٌن مَن عَ كٌلٌن عَ عَلَ شَ دِ بَرَ قَ. عَ شَشِلِ قَنيِ نَن قِشِ وٌن مَ، عَلَكٌ وٌن شَ عَلَ نْندِ كَنيِ كٌلٌن. وٌن نُن عَلَ نْندِ كَنيِ نَن عَ رَ عَ شَ دِ عِسَ سَابُي رَ، عَ شَ مِشِ سُفَندِشِ. عَ تَن نَن نَ عَلَ نْندِ كَنيِ رَ، نَشَن كِسِ قِشِ وٌن مَ عَبَدَن.
21 ﭑ مَ دِيٍ، وٌ وٌ يّتّ رَتَنفَ كُيٍيٍ مَ.