17
سٌندٌنيِ سّنِيّنتَرٍ
عَلَتَلَ شَ مَسٍنيِ
1 «يُدَيَ شَ يُنُبِ سّبّشِ وُرٍ سّبّلِ تِ سٍ شْرْشْي نَن نَ.
عَ سّبّشِ عٍ سٌندٌنيِ مَ،
عَ سّبّشِ عٍ شَ سّرّشّبَدٍ قٍرِيٍ مَ،
عَلْ سّبّلِ تِمَ وَلَشّ مَ كِ نَشّ.
2 عٍ شَ دِيٍ قَن نَتُمَ عٍ شَ سّرّشّبَدٍيٍ مَ نَ كِ نّ،
عَ نُن عٍ شَ عَسٍرِ وُرِ مَسٌلِشِيٍ مَ
نَشٍيٍ لُشِ سَنسِ بُن مَ فٍيَيٍ قَرِ.
3 ﭑ مَ فٍيَ نَشَن نَ وٌ شَ بْشِ مَ،
عَ نُن وٌ هَرِفٍ، نُن وٌ شَ نَاقُلِ بِرِن،
نُن وٌ شَ كُيٍ بَتُدٍ نَشٍيٍ نَ فٍيَيٍ قَرِ،
ﭑ نَ بِرِن سٌمَ نّ وٌ يَشُييٍ يِ رَ وٌ شَ يُنُبِ شَ قٍ رَ،
وٌ نَشَن نَبَشِ وٌ شَ بْشِ بِرِن مَ.
4 وٌ يّتّ يَتِ قَمَ نّ وٌ كّ بّحِندٍ، ﭑ نَشَن قِشِ وٌ مَ.
ﭑ وٌ قِندِ مَ نّ وٌ يَشُي شَ كٌنيِيٍ رَ بْشِ ندٍ مَ،
وٌ مُ نَشَن كٌلٌن،
بَرِ مَ وٌ بَرَ ﭑ نَشْنْ عَ حَاشِ رَ،
ﭑ مَ شْنّ لُشِ نّ عَلْ تّ شُبٍنتَرٍ.»
5 عَلَتَلَ بَرَ عَ مَسٍن،
«دَنكّ نَ مِشِ بّ نَشَن شَشِلِ تِشِ عَدَ مَدِ رَ،
نَشَن عَ يّتّ تَشُمَ مِشِ ندٍ رَ،
نَشَن بْحّ بَرَ عَلَتَلَ بّحِن.
6 عَ لُمَ نّ عَلْ كُنسِ نَشَن تِشِ فبٍنفبٍرٍنيِ مَ.
عَ شَ قٍ مُ سْونّيَمَ نَ بْشِ شَرٍ مَ،
مِشِ مُ سَبَتِشِ دّننَشّ.
7 حّلّشِنيِ نَ مِشِ بّ نَشَن شَشِلِ تِشِ عَلَتَلَ رَ،
نَشَن عَ يّتّ تَشُمَ عَلَ رَ.
8 عَ تَن لُشِ نّ عَلْ سَنسِ نَشَن سِشِ شُرٍ قّ مَ،
نَشَن سَنكٍ يٍ سْتْمَ عَ قَنيِ رَ.
وُيٍنيِ مُ عَ لِمَ مّننِ، عَ بُرّشّ قَنمَ نّ تُن.
هَلِ سٌفٌقُرٍ تّمُي، عَ بُرّشّ مُ لِسِمَ،
عَ بٌفِمَ نّ تّمُي بِرِن.»
9 «عَدَ مَ شَ تِنشِنتَرٍيَ كٌبِ قٍ بِرِن بّ.
عَ مُ نْمَ مَتِنشِندٍ.
ندٍ نَ قَهَامُمَ؟
10 ﭑ تَن عَلَتَلَ، ﭑ مِشِ بْحّ نَن مَتٌمَ،
ﭑ عَدَ مَ سٌندٌنيِ كُي نَن قٍنمَ،
عَلَكٌ ﭑ شَ كَنكَن شَ قٍ رَبَشِ سَرٍ رَفبِلٍن عَ مَ.
11 نَاقُلِ تِنشِنتَرٍ كَنيِ لُشِ نّ
عَلْ دْنمّ نَشَن شّلّيٍ رَ سّفّمَ عَ فبٍ مُ نَ نَشٍيٍ رَ.
عَ شَ نَاقُلِ لْيمَ عَ شَ دُنِحّءِفِرِ نَن كُي،
عَ قَشَ تّمُي عَ قَ كٌلٌندٍ عَ لْننِتَرٍ نَن عَ رَ.»
عَننَبِ يٍرٍ مِ شَ مَسٍنيِ
12 «وٌن مَرِفِ عَلَتَلَ شَ كِبَنيِ نَ نْرّ كُي،
عَ شَ هْرْ مْلِنفِرَ عِتٍشِ نَ نَ كَبِ قْلّ.
13 عَلَتَلَ، عِسِرَيِلَ شَشِلِ تِشِ عِ تَن نَن نَ.
مِشِ نَشَن عِ بّحِنمَ، عٍ لُمَ يَافِ نَن كُي.»
عَلَتَلَ شَ مَسٍنيِ
«مِشِ نَشَن ﭑ بّحِنمَ، عٍ لْيمَ نّ بّندّ قُحِ قَرِ،
بَرِ مَ عٍ بَرَ تٌندِ عَلَتَلَ رَ،
نَشَن مَنِيَشِ يٍ رَ مِشِ بَلٌمَ نَشَن نَ.»
عَننَبِ يٍرٍ مِ شَ مَسٍنيِ عَلَتَلَ بّ
14 «عَلَتَلَ، ﭑ نَيَلَن، ﭑ نَكِسِ.
ﭑ لَمَ نّ عِ رَ، تَنتُي نَ عِ بّ.
15 عَلَتَلَ عَ قَلَمَ ﭑ بّ،
‹عَلَتَلَ شَ مَسٍنيِ مُ كَمَلِمَ شّ؟
عَ شَ كَمَلِ.›
16 ﭑ مُ تٌندِ مَ قِندِدٍ حَمَ يَرٍرَتِ رَ.
عِ عَ كٌلٌن ﭑ مُ وَ مَ فبَلٌي شَ مُشُ لِ.
عِ ﭑ مَ مَسٍنيِ بِرِن كٌلٌن.
17 عِ نَشَ ﭑ مَفَاشُ،
بَرِ مَ ﭑ مَ كَنتَرِ نَن عِ رَ فبَلٌي كُي.
18 عِ شَ ﭑ يَشُييٍ رَيَافِ،
كْنْ عِ نَشَ ﭑ تَن لُ يَافِ كُي.
عِ شَ ﭑ يَشُييٍ رَ سّرّن،
كْنْ عِ نَشَ ﭑ لُ فَاشُي كُي.
عِ شَ فبَلٌي رَ سَنبَ عٍ مَ،
عِ شَ عٍ هَلَكِ عَ حَاشِ رَ.»
19 عَلَتَلَ بَرَ عَ مَسٍن ﭑ بّ، «سِفَ، عِ سَ تِ نَادّ سّيتِ مَ نَشَن شِلِ قَلَمَ، ‹حَمَ شَ نَادّ،› يُدَيَ مَنفّيٍ سٌمَ دّننَشّ، عٍ مِنِمَ دّننَشّ رَ. عِ مَن شَ سِفَ دَرِ سَلَمُ سٌدٍ دّ بِرِن نَ،
20 عَ قَلَ حَمَ بّ، ‹يُدَيَ مَنفّ، يُدَيَكَيٍ، نُن دَرِ سَلَمُكَيٍ، وٌ تَن نَشٍيٍ بِرِن سٌمَ يِ نَادّيٍ رَ، وٌ وٌ تُلِ مَتِ عَلَتَلَ شَ مَسٍنيِ رَ.›»
21 عَلَتَلَ بَرَ عَ مَسٍن،
«وٌ شَ عَ مَتٌ عَ قَنيِ رَ،
وٌ نَشَ كٌتٍ شَنِن مَلَبُي لْشْي،
وٌ نَشَ كٌتٍ رَ سٌ دَرِ سَلَمُ تَا كُي.
22 وٌ نَشَ كٌتٍ رَ مِنِ وٌ شَ بَنشِ كُي مَلَبُي لْشْي،
وٌ نَشَ وَلِ يٌ رَبَ نَ لْشْي.
وٌ شَ مَلَبُي لْشْي بِنيَ
عَلْ ﭑ وٌ بَبَيٍ يَمَرِشِ كِ نَشّ.
23 عٍ مُ ﭑ شُي رَ مّشِ، عٍ مُ عٍ تُلِ مَتِشِ ﭑ نَ.
عٍ عٍ كٌبٍ رَ سٌشِ ﭑ نَ، عٍ تٌندِ ﭑ مَ سّرِيّ رَ.»
24 عَلَتَلَ شَ مَسٍنيِ نَن يَ،
«شَ وٌ وٌ تُلِ مَتِ ﭑ نَ،
شَ وٌ مُ كٌتٍ يٌ رَ سٌ تَا كُي مَلَبُي لْشْي،
شَ وٌ مَلَبُي لْشْي بِنيَ،
شَ وٌ مُ وَلِ يٌ رَبَ نَ لْشْي،
25 مَنفّيٍ نُن مَنفّدِيٍ سٌمَ نّ تَا سٌدٍ دّيٍ كُي سٌي نُن سْورِ رَفِسٍيٍ قَرِ،
عٍ قَ دْشْ دَوُدَ شَ كِبَنيِ كُي.
يُدَيَكَيٍ نُن دَرِ سَلَمُكَيٍ قَن سٌمَ نّ تَا كُي،
دَرِ سَلَمُ قَ سَبَتِ عَبَدَن.
26 مِشِ قَمَ نّ كٍلِقٍ يُدَيَ تَايٍ كُي،
كٍلِقٍ دَرِ سَلَمُ رَبِلِنيِ،
كٍلِقٍ بُنيَمِن بْشِ مَ،
كٍلِقٍ سٍقٍلَ بْشِ مَ،
كٍلِقٍ فٍيَيٍ نُن نٍفٍوِ فبٍنفبٍرٍنيِ مَ.
عٍ قَمَ نّ عَلَكٌ عٍ شَ سّرّشّ مْولِ بِرِن بَ عَلَتَلَ شَ هْرْ مْبَنشِ كُي،
عَلْ سّرّشّ فَن دَاشِ، شَنُنتٍيَ سّرّشّ،
سُرَيِ سّرّشّ، نُن تَنتُي سّرّشّ.
27 كْنْ شَ وٌ مُ وٌ تُلِ مَتِ ﭑ نَ،
شَ وٌ تٌندِ مَلَبُي لْشْي بِنيَدٍ،
شَ وٌ كٌتٍ شَنِن نَ لْشْي،
وٌ عٍ رَ سٌ دَرِ سَلَمُ تَا كُي مَلَبُي لْشْي،
ﭑ وٌ شَ تَا سٌدٍ دّيٍ فَنمَ نّ تّ رَ نَشَن مُ شُبٍنمَ،
عَ قَ دَرِ سَلَمُ يِرٍ مَكَنتَشِ بِرِن كَنَ.»