19
تٌقٍتِ شَ فبَلٌي
عَلَتَلَ شَ مَسٍنيِ
1 عَلَتَلَ نَشَ عَ مَسٍن، «سِفَ، عِ سَ قّحّ سَرَ قّحّ يَءِلَنيِ شْنيِ. حَمَ قٌرِيٍ نُن سّرّشّدُبّ قٌرِيٍ شَ عِ مَتِ.
2 عِ نَ فّ نَ سَرَدٍ، وٌ شَ مِنِ بٍتِ هِنٌمَ بِرِ رَ، ‹قّحّ نَادّ› نَ دّننَشّ بِرِ. مّننِ عِ شَ يِ مَسٍنيِ تِ،
3 ‹يُدَيَ مَنفّ نُن دَرِ سَلَمُكَيٍ، وٌ وٌ تُلِ مَتِ عَلَتَلَ شَ مَسٍنيِ رَ.›»
«عِسِرَيِلَ مَنفّ عَلَتَلَ بَرَ عَ مَسٍن،
‹ﭑ قَمَ نّ بٍكَيٍ حَشَنكَتَدٍ عَ حَاشِ رَ.
ﭑ نَشَن نَبَمَ عٍ رَ، مِشِ يٌ مُ نَ قٍ مْولِ مّشِ سِندٍن.
4 ﭑ نَ رَبَمَ نّ بَرِ مَ عٍ بَرَ ﭑ نَبّحِن،
عٍ بَرَ يِ بْشِ قِندِ يِرٍ سّنِيّنتَرٍ رَ،
سُرَيِ فَنمَ سّرّشّ رَ كُيٍيٍ بّ دّننَشّ.
عَ سِنفٍ عٍ مُ نُ دَرِشِ نَ مْولِ رَ.
عٍ بَبَيٍ نُن يُدَيَ مَنفّيٍ مُ نُ نَ مْولِ رَبَمَ،
كْنْ يَكْسِ عٍ بَرَ مِشِيٍ نِي بَ،
نَشٍيٍ مُ قٍ حَاشِ يٌ رَبَشِ.
5 عٍ بَرَ بَتُدٍيٍ تِ بَلِ كُيٍ بّ فٍيَيٍ قَرِ،
عٍ عٍ شَ دِيٍ بَمَ سّرّشّ فَن دَاشِ رَ دّننَشّ.
ﭑ تَن مُ عٍ يَمَرِشِ نَ مْولِ رَ،
ﭑ مُ نَ مْولِ قَلَشِ،
نَ مْولِ مُ لُشِ ﭑ مَ مَحْشُنيِ يَ مَ.›»
6 «عَلَتَلَ شَ مَسٍنيِ نَن يَ؛
نَ نَن عَ رَ لْشْي قَمَ عَ لِدٍ
يِ بْشِ شِلِ مُ قَلَمَ تٌقٍتِ نُن بٍن هِنٌمَ سْنْن،
عَ قَمَ قَلَدٍ نّ ‹فبَلٌي فُلُنبَ.›
7 بٍ ﭑ يُدَيَ نُن دَرِ سَلَمُ وَشْنقٍ كَنَمَ نّ،
ﭑ عٍ رَبِرَ عٍ يَشُييٍ شَ سَنتِدّفّمَ رَ،
نَشٍيٍ وَ مَ عٍ سْنتْقٍ.
ﭑ عٍ بِنبِيٍ لُمَ شْنِيٍ نُن وُلَءِ سُبٍيٍ نَن بّ.
8 ﭑ يِ تَا كَنَمَ نّ،
عَ قَ قِندِ يَافِ رَ بٍكَيٍ بّ.
دَنفِ مِشِيٍ نَ يِ تَا كَنَشِ تٌ،
عٍ دّ عِشَرَ مَ نّ، عٍ قَ يٌ وٌ مَ.
9 عٍ يَشُي نَشٍيٍ وَ مَ عٍ سْنتْقٍ،
عٍ قَمَ نّ عٍ تْورْدٍ تَا كُي
هَن بٍكَيٍ عٍ يّتّ شَ دِيٍ نُن عٍ دْشْبٌورٍيٍ دٌن.»
10 «عِ نَ فّ نَ مَسٍنيِ تِدٍ، عِ شَ قّحّ عِبْو قٌرِيٍ يَ شْرِ نَشٍيٍ عِ مَتِشِ. عِ شَ عَ قَلَ عٍ بّ،
11 ‹مَنفّ عَلَتَلَ شَ مَسٍنيِ نَن يَ؛
ﭑ يِ حَمَ نُن عٍ شَ تَا شُن نَكَنَمَ نَ كِ نّ،
عَلْ قّحّ عِبْوشِ كِ نَشّ.
نَ قّحّ مُ يَءِلَنمَ سْنْن.
تٌقٍتِ قِندِ مَ مِشِ قَشَشِيٍ رَفَتَدٍ نَن نَ.›»
12 عَلَتَلَ شَ مَسٍنيِ نَن يَ؛
«ﭑ يِ يِرٍ نُن عَ شَ مِشِيٍ لُمَ نّ عَلْ تٌقٍتِ.
13 دَرِ سَلَمُ بَنشِيٍ نُن يُدَيَ مَنفّ شَ بَنشِيٍ،
عٍ بِرِن قِندِ مَ يِرٍ سّنِيّنتَرٍ نَن نَ عَلْ تٌقٍتِ.
سِنفٍ رَ، مِشِيٍ بَرَ سُرَيِ فَن سّرّشّ رَ بَنشِيٍ قَرِ،
عٍ بَرَ تُنبُييٍ بَتُ،
عٍ بَرَ مِنسٍ بَ سّرّشّ رَ عَلَ فبّتّيٍ بّ.»
14 عَننَبِ يٍرٍ مِ نَشَ قَ كٍلِقٍ تٌقٍتِ، عَلَتَلَ مَسٍنيِ سٌشِ عَ يِ رَ دّننَشّ. عَ نَشَ تِ عَلَتَلَ شَ بَنشِ نَادّ رَ، عَ عَ قَلَ حَمَ بّ،
15 «عِسِرَيِلَ مَنفّ عَلَتَلَ بَرَ عَ مَسٍن، ‹ﭑ يِ تَا نُن عَ رَبِلِنيِ حَشَنكَتَمَ نّ. ﭑ قَمَ نّ فبَلٌي رَ عٍ بّ بَرِ مَ عٍ بَرَ عٍ كٌبٍ رَ سٌ ﭑ نَ، عٍ تٌندِ ﭑ مَ سّرِيّ رَ.›»