5
عَلَ شَ فبٍحْشْي
عَننَبِ يٍرٍ مِ شَ مَسٍنيِ دَرِ سَلَمُكَيٍ بّ
1 «وٌ شَ يِرٍ بِرِن مَتٌ دَرِ سَلَمُ،
وٌ شَ مَشْرِنيِ تِ تَا كُي،
عَلَكٌ وٌ شَ تِنشِنتْي ندٍ تٌ،
نَشَن حّرّ مَ كِرَ قَنيِ شْن مَ،
نَشَن بِرَ مَ نْندِ قْشْ رَ.
شَ وٌ سَ نَ مِشِ مْولِ تٌ،
ﭑ دِحّمَ نّ دَرِ سَلَمُ مَ.
2 عٍ عٍ كَلِمَ نّ عَلَتَلَ شِلِ رَ،
كْنْ نَ بِرِن قِندِشِ وُلٍ نَن نَ.
3 عَلَتَلَ، ﭑ عَ كٌلٌن عِ وَ مَ تِنشِنيِ نَن شْن مَ.
عِ بَرَ عِسِرَيِلَكَيٍ حَشَنكَتَ،
كْنْ عٍ مُ قَهَامُي يٌ سْتْشِ نَ كُي.
عِ بَرَ عٍ تْورْ، كْنْ عٍ مُ لْننِ سْتْشِ نَ كُي.
عٍ بْحّ بَرَ شْرْشْ عَلْ فّمّ،
عٍ تٌندِ دَنشَنِيَدٍ.
4 ﭑ بَرَ عَ قَلَ، سٍتَرٍيٍ فبَنسَن نَن يِ حَمَ رَ.
نَ نَن عَ رَ عٍ مُ عَلَتَلَ شَ كِرَ كٌلٌن،
عٍ مُ عٍ مَرِفِ عَلَ شَ سّرِيّ قَهَامُمَ.
5 عَ لَنمَ ﭑ شَ يِ مَسٍنيِ تِ كُنتِفِيٍ نَن بّ،
بَرِ مَ عٍ تَن عَلَتَلَ شَ كِرَ كٌلٌن،
عٍ عٍ مَرِفِ عَلَ شَ سّرِيّ قَهَامُمَ.
كْنْ عٍ بِرِن لَن، عٍ سٍسٍ مُ تِن بِرَدٍ عَلَ قْشْ رَ.
عٍ بِرِن بَرَ عَ مَتَندِ.
6 نَ نَن عَ رَ بُرُنيِ يّتّ عٍ قَشَمَ،
وُلَءِ بَرٍ عٍ عِبْو.
بَرَتّ عٍ مّلّنمَ عٍ شَ تَا سٌدٍ دّيٍ رَ، عَ شَ عٍ قَشَ،
بَرِ مَ عٍ شَ كّوَلِ كٌبِ بَرَ فبٌ، هَن عَ بَرَ دَنفِ عَ عِ.»
عَلَتَلَ شَ مَسٍنيِ دَرِ سَلَمُكَيٍ بّ
7 «دَرِ سَلَمُ، عَ لَنمَ ﭑ شَ دِحّ عِ مَ؟
عِ شَ دِيٍ بَرَ ﭑ نَبٌلٌ،
عٍ عٍ كَلِمَ كُيٍ نَن شِلِ رَ.
ﭑ نُ بَرَ عٍ بَلٌ،
كْنْ عٍ بَرَ ﭑ يَنقَ، عٍ بِرَ لَنفٌييٍ قْشْ رَ.
8 عٍ مَنِيَشِ سٌي شّمّمَيٍ نَن نَ،
كَنكَن قَ بِرَ عَ دْشْبٌورٍ شَ فِنّ قْشْ رَ.
9 عَلَتَلَ شَ مَسٍنيِ نَن يَ؛
عَ مُ لَنمَ ﭑ شَ يِ مِشِ مْولِ حَشَنكَتَ؟
عَ مُ لَنمَ ﭑ شَ ﭑ فبٍحْشْ يِ سِ مْولِ مَ؟
10 وٌ تٍ عٍ شَ تّتّيٍ قَرِ، وٌ شَ عٍ رَبِرَ،
كْنْ وٌ نَشَ حَمَ بِرِن شُن نَكَنَ.
وٌ شَ عٍ تْورْ،
بَرِ مَ عٍ مُ تِنشِ بِرَدٍ عَلَتَلَ قْشْ رَ.
11 عَلَتَلَ شَ مَسٍنيِ نَن يَ؛
عِسِرَيِلَ نُن يُدَيَ بِرِن بَرَ ﭑ يَنقَ.
12 عٍ بَرَ عَلَتَلَ رَبٌلٌ،
عٍ قَ عَ قَلَ، ‹عَلَ مُ نَ.
وٌن مُ قَمَ فبَلٌي سْتْدٍ سَنتِدّفّمَ نُن كَامّ رَ.›
13 عٍ شَ نَمِحْنمّ مُ ﭑ شُي شَ مَسٍنمَ.
عٍ قٍ حَاشِ نَشَن مَسٍنمَ،
نَ شَ فبِلٍن عٍ مَ.»
14 نَ نَن عَ رَ مَنفّ عَلَتَلَ بَرَ عَ مَسٍن،
«وٌ تٌ نَ مْولِ قَلَ،
ﭑ بَرَ ﭑ مَ مَسٍنيِ لُ عِ دّ كُي.
ﭑ مَ مَسٍنيِ لُشِ نّ عَلْ تّ
نَشَن قَمَ يِ حَمَ فَندٍ عَلْ تّ يٍفٍ فَنمَ كِ نَشّ.»
15 عَلَتَلَ شَ مَسٍنيِ نَن يَ؛
«ﭑ شَ عَ قَلَ وٌ بّ عِسِرَيِلَ،
ﭑ قَمَ نّ حَمَ ندٍ رَ وٌ شِلِ مَ.
حَمَ سّنبّمَ نَن عَ رَ نَشَن كٍلِمَ يِرٍ مَكُيٍ،
نَشَن بَرَ بُ دُنِحَ،
عِ مُ نَشَن شُي كٌلٌن،
عِ مُ نْمَ نَشَن قَهَامُدٍ.
16 عٍ شَ تَنبّ حَاشُ، عٍ مِشِ قَشَمَ نّ.
فٍرٍ سٌي فبَنفبَلَنشِ نَن عٍ رَ.
17 عٍ وٌ شَ بَلٌي دٌنمَ نّ،
عٍ وٌ شَ دِ بِرِن تٌنفٌمَ نّ،
عٍ وٌ شَ شُرُ سٍ بِرِن مُحَمَ نّ،
عٍ وٌ شَ سَنسِ سِشِ بِرِن كَنَمَ نّ،
عٍ وٌ شَ تَا مَكَنتَشِيٍ رَبِرَ مَ نّ عٍ شَ سَنتِدّفّمَ رَ،
وٌ نُ لَشِ تَا نَشٍيٍ رَ.»
18 عَلَتَلَ شَ مَسٍنيِ نَن يَ؛
«كْنْ ﭑ مُ وٌ بِرِن سْنتْمَ.
19 شَ عَ سَ لِ وٌ عَ قَلَ،
‹مُنقٍ رَ مُشُ مَرِفِ عَلَ بَرَ يِ قٍ مْولِ رَبَ مُشُ رَ؟›
عَلَ وٌ يَابِمَ نّ،
‹وٌ تٌ ﭑ نَبٌلٌ عَلَكٌ وٌ شَ كُيٍيٍ بَتُ وٌ شْنيِ،
نَشٍيٍ كٍلِشِ حَمَنّ فبّتّ مَ،
وٌ تَن قِندِ مَ نَ حَمَنّ شَ كٌنيِيٍ نَن نَ عٍ تَن شْنيِ.›
20 وٌ شَ يِ مَسٍن يَشُبَ شَ دِيٍ بّ،
وٌ شَ عَ قَلَ يُدَيَكَيٍ بّ،
21 ‹وٌ وٌ تُلِ مَتِ،
وٌ تَن حَمَ شَشِلِتَرٍ، حَمَ كِنِكِنِتَرٍ،
نَشَن يَ مُ سٍ تٌمَ،
نَشَن تُلِ مُ قٍ مّمَ.
22 عَلَتَلَ شَ مَسٍنيِ نَن يَ؛
وٌ مُ فَاشُمَ ﭑ يَ رَ؟
وٌ مُ سّرّنمَ ﭑ تٌقٍ رَ،
ﭑ تَن نَشَن بَا نَانِنيِ سَشِ مّيّنيِ رَ،
عَلَكٌ بَا نَشَ دَنفِ يِرٍ ندٍ؟
بَا مْرْنيِ كٍلِمَ نّ،
كْنْ عٍ مُ نْمَ دَنفِدٍ نَانِنيِ رَ نَشَن سَشِ.›
23 يِ حَمَ سٌندٌنيِ شْرْشْ.
عٍ بَرَ عَلَ مَتَندِ، عٍ بَرَ فبِلٍن عَ قْشْ رَ.
24 عٍ مُ عَ قَلَمَ عٍ بْحّ كُي،
‹وٌن شَ فَاشُ وٌن مَرِفِ عَلَتَلَ يَ رَ،
نَشَن تُنّ يٍ رَفٌرٌ مَ حّمّ تّمُي،
عَ قْلّ نُن عَ رَحْنيِ،
عَلَكٌ شّ شَ شَبَ عَ وَشَتِ.›
25 وٌ شَ كّوَلِ كٌبِ بَرَ نَ بِرِن كَنَ،
وٌ شَ يُنُبِيٍ بَرَ عَ نِيَ بَلٌي شَ بَ وٌ يِ رَ.
26 مِشِ حَاشِ ندٍيٍ مَسُنبُشِ ﭑ مَ حَمَ رَ،
نَشٍيٍ فَنتَنيِ عِتَلَمَ مِشِ بّ عَلْ شْنِ سُشُييٍ.
27 عٍ عٍ شَ بَنشِ رَقٍمَ سٍ مُحَشِيٍ رَ،
عَلْ تْشْي كُلّ نَشَن نَقٍشِ تْشْييٍ رَ.
عٍ بَننَشِ نَ نَاقُلِ مْولِ نَن نَ.
28 قٍ حَاشِيٍ بَرَ عٍ شُنفبٌ هَن عَ بَرَ دَنفِ عَ عِ.
عٍ مُ قٍ قَنيِ رَبَمَ كِرِدِيٍ بّ،
عٍ مُ تِنشِن سٍتَرٍيٍ مَبِرِ.
عٍ نَاقُلِ نَن تُن قٍنمَ.
29 عَلَتَلَ شَ مَسٍنيِ نَن يَ؛
عَ مُ لَنمَ ﭑ شَ يِ مِشِ مْولِ حَشَنكَتَ؟
عَ مُ لَنمَ ﭑ شَ ﭑ فبٍحْشْ يِ سِ مْولِ مَ؟
30 قٍ رَتْنشِ نَشٍيٍ مُ دَشَ،
نٍيٍ بَرَ سٌ يِ بْشِ كُي.
31 نَمِحْنمّيٍ نَ وُلٍ قَلَقٍ،
سّرّشّدُبّيٍ نَ مُحّ تِقٍ،
نَ بِرِن بَرَ رَقَن ﭑ مَ حَمَ مَ.
وٌ مُنسٍ رَبَمَ وٌ شَ بْشِ مُنَقَنيِ شَ قٍ رَ؟»