10
عِسَ عَ قْشِرَبِرّيٍ تٌنفٌ سٌلٌقٍرٍ عَ نُن قِرِن شّيقٍ
1 يِ قٍيٍ دَنفِ شَنبِ، مَرِفِ نَشَ مِشِ فبّتّيٍ سُفَندِ، مِشِ تٌنفٌ سٌلٌقٍرٍ عَ نُن قِرِن. عَ نَشَ عٍ شّي قِرِن قِرِن نَ، عٍ شَ سِفَ عَ يَ رَ تَا بِرِن كُي عَ نُن يِرٍ بِرِن عَ تَن يّتّ نُ قَقٍ سِفَدٍ دّننَشّ.
2 عَ نَشَ عَ مَسٍن عٍ بّ، «شّ شَبَ وَلِ بٍلٍبٍلٍ نَن نَ، كْنْ وَلِكّيٍ تَن شُرُن. وٌ شّ كَنيِ مَشَندِ عَلَكٌ عَ شَ وَلِكّيٍ رَ سَنبَ عَ شَ شّ شَبَدٍ.
3 وٌ سِفَ. ﭑ نَ وٌ شّيقٍ نّ عَلْ يّشّييْرّ نَشٍيٍ سٌمَ وُلَ بَرٍيٍ تَفِ.
4 وٌ نَشَ كْبِرِ، فبْنقْي، شَ نَ مُ عَ رَ سَنكِرِ شَنِن وٌ شُن مَ. وٌ نَشَ بُ مِشِيٍ شّيبُ رَ كِرَ شْن مَ.»
5 «وٌ نُ سٌ بَنشِ نَشَن كُي، بٍينُن وٌ شَ سٍ فبّتّ قَلَ وٌ شَ عَ مَسٍن سِندٍن، ‹عَلَ شَ بْحّسَ قِ يِ قْشْي مَ.›
6 شَ بْحّسَ مِشِ ندٍ سَبَتِشِ نَا، عَلَ وٌ شَ دُبَ سُشُمَ نّ عَ بّ، كْنْ شَ نَ مِشِ مْولِ مُ نَ، عَلَ وٌ شَ دُبَ رَفبِلٍنمَ وٌ تَن نَن مَ.
7 وٌ شَ لُ نَ بَنشِ كٍرٍنيِ نَن كُي. عٍ سٍ نَشَن سٌمَ وٌ يِ رَ، وٌ شَ عَ دٌن، وٌ شَ عَ مِن، بَرِ مَ عَ لَنمَ وَلِكّ شَ عَ سَرٍ سْتْ. وٌ نَشَ كٍلِ نَ بَنشِ كُي وٌ شَ سَ يِفِيَ بَنشِ فبّتّ.»
8 «وٌ نُ سٌ تَا نَشَن يٌ كُي عٍ نَشَ وٌ رَ سّنّ، عٍ نَ نَشَن سٌ وٌ يِ رَ، وٌ شَ نَ دٌن.
9 وٌ شَ نَ قُرٍ مَيٍ رَيَلَن، وٌ عَ مَسٍن نَاكَيٍ بّ، ‹عَلَ شَ مَنفّيَ نِينِ بَرَ مَكْرّ وٌ رَ.›
10 كْنْ وٌ نُ سٌ تَا نَشَن يٌ كُي عٍ مُ وٌ رَ سّنّ، وٌ شَ سِفَ تَا تَفِ نّ، وٌ عَ مَسٍن مِشِيٍ بّ،
11 ‹هَلِ وٌ شَ تَا شُبٍ نَشَن كَنكَنشِ مُشُ سَنيِيٍ رَ، مُشُ بَرَ عَ رَكْنكْن عَ شَ قِندِ سٍيدٍحْشْيَ رَ نَشَن بَشِ وٌ شِلِ مَ. كْنْ وٌ شَ عَ كٌلٌن نّ، عَ عَلَ شَ مَنفّيَ نِينِ بَرَ مَكْرّ.›
12 ﭑ شَ عَ قَلَ وٌ بّ، كِيتِ سَ لْشْي، كِيتِ قَنمَ سٌدٌ مَ بّ دَنفِقٍ نَ تَا رَ.»
تَا دَنشَنِيَتَرٍيٍ شَ فبَلٌي
مَتِيُ ١١؛٢١ ٬ ٢٤
13 «فبَلٌي نَ وٌ بّ، كٌرَ سِنكَيٍ! فبَلٌي نَ وٌ قَن بّ، بٍتٍسَيِدَكَيٍ! كَابَنَكٌ نَشٍيٍ رَبَ وٌ تَفِ، شَ نٍيٍ سَ رَبَ تِرٍ نُن سِدْن نّ نُ، عَ عَ لِمَ عٍ تَن بَرَ تُوبِ نُ عَ رَكُيَ، عٍ دْشْ سُننُن دٌنمَ رَفٌرٌشِ عٍ مَ، عٍ تّ شُبٍ مَسٌ عٍ مَ عٍ شَ تُوبِ تْنشُمَ رَ.
14 كِيتِ سَ لْشْي شْرْشْمَ وٌ تَن مَ دَنفِ تِرٍكَيٍ نُن سِدْنكَيٍ رَ.
15 عِ تَن كَثّرّنَمُ فٌ، عِ حْشْ عَ مَ عَ عِ تٍمَ هَن عَرِيَننَ كُي؟ عَدٍ، عِ رَفٌرٌ مَ نّ هَن يَهَننَمَ.»
16 عِسَ مَن نَشَ عَ قَلَ عَ قْشِرَبِرّيٍ بّ، «نَشَن نَ عَ تُلِ مَتِ وٌ رَ، عَ كَنيِ عَ تُلِ مَتِشِ ﭑ تَن نَن نَ. نَشَن نَ تٌندِ لَدٍ وٌ رَ، نَ كَنيِ تٌندِشِ لَدٍ ﭑ تَن نَن نَ. نَشَن نَ تٌندِ لَدٍ ﭑ تَن نَ، نَ كَنيِ تٌندِشِ لَدٍ ﭑ شّيمَ نَن نَ.»
عِسَ قْشِرَبِرّ تٌنفٌ سٌلٌقٍرٍ عَ نُن قِرِنيِيٍ فبِلٍنقٍ
17 عِسَ قْشِرَبِرّ تٌنفٌ سٌلٌقٍرٍ عَ نُن قِرِن نَشَ فبِلٍن سّيوّ كُي، عٍ عَ قَلَ عَ بّ، «مَرِفِ، مُشُ نَ يَامَرِ قِ عِ شِلِ رَ، هَلِ حِننّيٍ، عٍ مُشُ شُي رَبَتُمَ.»
18 عِسَ نَشَ عَ مَسٍن عٍ بّ، «ﭑ بَرَ سٍنتَنّ تٌ بِرَ رَ كٍلِ كٌورٍ مَ عَلْ سٍيَمَكْنيِ.
19 عَ مَتٌ، ﭑ بَرَ نْي قِ وٌ مَ وٌ شَ حّرّ بْشِمَسٍ نُن تَلِ مَ، ﭑ نْي قِ وٌ مَ يَشُي سٍنتَنّ شَ سّنبّ بِرِن شُن. نَ بِرِن كُي، سٍسٍ مُ وٌ تٌمَ.
20 كْنْ وٌ نَشَ سّيوَ شّ حِننّيٍ تٌ وٌ شُي رَبَتُمَ. وٌ شَ سّيوَ نّ بَرِ مَ وٌ شِلِ سّبّشِ عَرِيَننَ.»
عِسَ سّيوَقٍ عَلَ سَفٌي رَ
مَتِيُ ١١؛٢٥ ٬ ٢٧، ١٣؛١٦ ٬ ١٧
21 نَ وَشَتِ، عِسَ نَشَ سّيوَ عَلَ شَشِلِ سّنِيّنشِ سَابُي رَ، عَ عَ قَلَ، «بَبَ عَلَ، كٌورٍ نُن بْشِ مَرِفِ، ﭑ بَرَ عِ تَنتُ عِ تٌ يِ قٍيٍ نْشُنشِ لْننِلَيٍ نُن شَشِلِمَيٍ مَ، عِ عٍ مَسٍن دِ مّدِيٍ بّ. عِيٌ، ﭑ بَبَ، ﭑ بَرَ عِ تَنتُ بَرِ مَ عِ كّنّن قٍ نَن يَ.»
22 «ﭑ بَبَ بَرَ قٍ بِرِن تَشُ ﭑ نَ. مِشِ يٌ مُ عَلَ شَ دِ كٌلٌن، قٌ بَبَ عَلَ. مِشِ يٌ مُ بَبَ عَلَ كٌلٌن، قٌ عَلَ شَ دِ، عَ نُن عَلَ شَ دِ نُ تِن عَ مَسٍندٍ نَشَن بّ.»
23 عَ نَشَ عَ يَ رَقِندِ قْشِرَبِرّيٍ مَ، عَ عَ قَلَ عٍ بّ عٍ شَتِ مَ، «سّيوّ نَ مِشِ بّ، نَشَن قٍيٍ تٌمَ وٌ يَ نَشَن تٌشِ!
24 ﭑ شَ عَ قَلَ وٌ بّ، نَمِحْنمّ نُن مَنفّ وُيَشِ بَرَ وَ عٍ شَ قٍيٍ تٌ وٌ نَ نَشٍيٍ تٌقٍ، كْنْ عٍ مُ عَ تٌ. عٍ بَرَ وَ عٍ شَ قٍيٍ مّ وٌ نَ نَشٍيٍ مّقٍ، كْنْ عٍ مُ عَ مّ.»
يَامَرِ نَشَن تِدٍ فبٌ عَ بِرِن بّ،
نُن سَمَرِكَ مِشِ قَنيِ ندٍ شَ تَالِ
مَتِيُ ٢٢؛٣٤ ٬ ٤٠، مَرَكِ ١٢؛٢٨ ٬ ٣٤
25 لْشْ ندٍ، سّرِيّ لْننِلَ ندٍ تٌ نُ وَ مَ عِسَ مَتٌقٍ، عَ نَشَ تِ، عَ عَ قَلَ عَ بّ، «كَرَ مْشْ، عَ لَنمَ ﭑ شَ مُنسٍ رَبَ عَلَكٌ ﭑ شَ عَبَدَن كِسِ سْتْ؟»
26 عِسَ قَن نَشَ عَ مَشْرِن، «مُنسٍ سّبّشِ مُنسَ شَ سّرِيّ كُي؟ عِ عَ قَهَامُشِ دِ؟»
27 سّرِيّ لْننِلَ نَشَ عَ يَابِ، «عِ شَ عَلَ شَنُ عِ بْحّ بِرِن نَ، عِ نِي بِرِن نَ، عِ سّنبّ بِرِن نَ، عَ نُن عِ شَشِلِ بِرِن نَ. عِ مَن شَ عِ نفَشَكٍرٍنيِ شَنُ عَلْ عِ عِ يّتّ شَنُشِ كِ نَشّ.»
28 عِسَ نَشَ عَ قَلَ عَ بّ، «عِ شَ يَابِ قَن. شَ عِ نَ رَبَ، عِ كِسِمَ نّ.»
29 كْنْ سّرِيّ لْننِلَ تٌ نُ وَ مَ عَ تَن شَ كٌلٌن تِنشِنتْي رَ، عَ مَن نَشَ عِسَ مَشْرِن، «كْنْ ندٍ قِندِشِ ﭑ نفَشَكٍرٍنيِ رَ؟»
30 عِسَ نَشَ وْيّنيِ تٌنفٌ، عَ عَ يَابِ، «شّمّ ندٍ نُ نَ كِرَ شْن كٍلِقٍ دَرِ سَلَمُ فٌرٌقٍ رَ يٍرِكٌ. مُحّتِيٍ نَشَ دُتُن عَ مَ، عٍ عَ شَ دُفِيٍ بِرِن بَ عَ مَ، عٍ عَ بْنبْ، عٍ عَ لُ عَلْ قَشَمِشِ.
31 عَ نَشَ عَ لِ، سّرّشّدُبّ ندٍ نَن نُ قَقٍ نَ كِرَ شْن مَ. عَ تٌ نَ شّمّ تٌ سَشِ كِرَ رَ، عَ نَشَ دَنفِ كِرَ سّيتِ بٌورٍ رَ.
32 نَ مْولِ مَن نَ، لٍوِ دِ ندٍ قَن نَشَ قَ كِرَ شْن مَ. عَ تٌ نَ لِ، عَ شّمّ تٌ سَشِ كِرَ رَ، عَ قَن نَشَ دَنفِ كِرَ سّيتِ بٌورٍ رَ.»
33 «كْنْ سَمَرِكَ ندٍ قَن نَشَ قَ عَ شَ بِيَاسِ كُي، عَ نَ شّمّ لِ كِرَ رَ. عَ تٌ عَ تٌ، عَ نَشَ كِنِكِنِ كِ قَنيِ.
34 عَ تٌ عَ مَسٌ عَ رَ، عَ نَشَ تُرٍ نُن وّنِ سَ عَ شَ قِيٍ مَ، عَ عٍ مَشِرِ. عَ نَشَ عَ تٌنفٌ، عَ عَ سَ عَ شَ سٌقَلٍ قَرِ. عَ نَشَ عَ شَنِن يِفِيَ بَنشِ ندٍ كُي، عَ مّينِ عَ مَ.
35 نَ كُيٍ عِبَ، عَ نَشَ فبٍتِ كْبِرِ كٌلٍ قِرِن سٌ نَ يِفِيَ بَنشِ كَنيِ يِ رَ، عَ عَ قَلَ عَ بّ، ‹مّينِ يِ شّمّ مَ. شَ عِ كْبِرِ بَ عَ شَ قٍ رَ دَنفِ يِ رَ، ﭑ مَن نّ دَنفِمَ بٍ ﭑ نَ كْبِرِ رَفبِلٍنمَ عِ مَ.›»
36 عِسَ نَشَ قَ سّرِيّ لْننِلَ مَشْرِن، «يِ مِشِ سَشَنيِ يَ مَ، ندٍ قِندِشِ نفَشَكٍرٍنيِ رَ نَ شّمّ بّ مُحّتِيٍ دُتُن نَشَن مَ؟»
37 سّرِيّ لْننِلَ نَشَ عَ يَابِ، «نَشَن كِنِكِنِ عَ مَ.» عِسَ نَشَ عَ مَسٍن عَ بّ، «عِ قَن شَ نَ مْولِ نَن نَبَ.»
مَرَتَ نُن مَرِيَمَ شْنيِ
38 عِسَ نُن عَ قْشِرَبِرّيٍ تٌ سٌ تَا ندٍ كُي، فِنّ ندٍ نَشَ عٍ يِفِيَ نَشَن شِلِ مَرَتَ.
39 عَ شُنيَ فِنّمَ قَن نُ نَ نَشَن نُ شِلِ مَرِيَمَ. نَ نَشَ سَ دْشْ مَرِفِ سّيتِ مَ، عَ عَ تُلِ مَتِ عَ شَ مَسٍنيِ رَ،
40 كْنْ مَرَتَ تَن يَ كٌتٌ نُ مْشِ عَ شَ شْحّيٍ بُن تِقٍ رَ. نَ كُي، مَرَتَ نَشَ سَ عَ قَلَ عِسَ بّ، «مَرِفِ، عِ مُ ﭑ شُنيَ تٌشِ؟ عَ بَرَ وَلِ بِرِن لُ ﭑ تَن كٍرٍن مَ. وْيّن عَ بّ، عَ شَ قَ ﭑ مَلِ.»
41 مَرِفِ نَشَ عَ يَابِ، «مَرَتَ، مَرَتَ، عِ كْنتْقِلِشِ، عِ مَن يَ كٌتٌ مْشِ قٍ فبٍفبٍ مَ،
42 كْنْ عِ هَيِ نَ قٍ كٍرٍن ثٍتِ نَن مَ. مَرِيَمَ تَن، عَ تَن نَن قٍ قَنيِ سُفَندِشِ. نَ مَن مُ بَمَ عَ يِ قٍوٌ!»