15
يّشّي لْيشِ شَ تَالِ
مَتِيُ ١٨؛١٢ ٬ ١٤
1 لْشْ ندٍ، دُوتِ مَشِلِيٍ نُن يُنُبِتْييٍ بِرِن نُ عٍ مَكْرّقٍ عِسَ رَ عٍ شَ عٍ تُلِ مَتِ عَ رَ.
2 قَرِ سّنِيٍ نُن سّرِيّ كَرَ مْشْيٍ نَشَ سٌ عَ مَقَلَقٍ، عٍ نُ عَ قَلَ، «يِ شّمّ يُنُبِتْييٍ رَ سّنّمَ، عَ مَن عَ دّفٍمَ عٍ شْنيِ.»
3 نَ كُي، عِسَ نَشَ يِ تَالِ وْيّنيِ مَسٍن عٍ بّ،
4 «شَ مِشِ ندٍ نَ وٌ يَ مَ، يّشّي كّمّ نَ نَشَن يِ رَ، كٍرٍن قَ لْي عٍ تَفِ، عَ مُ يّشّي تٌنفٌ سٌلٌمَنَانِ نُن سٌلٌمَنَانِ لُمَ عٍ دّ مَدٌندٍ، عَ سِفَ نَ كٍرٍنيِ قٍندٍ هَن عَ سَ عَ تٌ؟
5 عَ نَ عَ تٌ، عَ حّلّشِنمَ نّ كِ قَنيِ، عَ عَ سَ عَ تُنكِيٍ مَ.
6 عَ نَ سٌ عَ شْنيِ، عَ عَ شَنُنتٍنيِيٍ نُن عَ دْشْبٌورٍيٍ شِلِمَ نّ، عَ عَ قَلَ عٍ بّ، ‹وٌ قَ، وٌن بِرِن شَ سّيوَ، بَرِ مَ ﭑ بَرَ ﭑ مَ يّشّي تٌ، نَشَن نُ بَرَ لْي!›
7 نَ كُي، ﭑ شَ عَ قَلَ وٌ بّ، سّيوّ فبٌمَ نّ عَرِيَننَ يُنُبِتْي تُوبِشِ كٍرٍن شَ قٍ رَ، دَنفِقٍ تِنشِنتْي تٌنفٌ سٌلٌمَنَانِ نُن سٌلٌمَنَانِ رَ نَشٍيٍ هَيِ مُ تُوبِ مَ.»
فبٍتِ كْبِرِ كٌلٍ لْيشِ شَ تَالِ
8 «شَ عَ سَ لِ فبٍتِ كْبِرِ كٌلٍ قُ نَ فِنّ ندٍ يِ رَ، كٍرٍن قَ لْي عَ يِ، عَ مُ لَنثُي رَدّشّمَ شّ، عَ بَنشِ مَكْ، عَ نَ كْبِرِ كٌلٍ قٍن هَن عَ عَ تٌ؟
9 عَ نَ عَ تٌ، عَ عَ شَنُنتٍنيِيٍ نُن عَ دْشْبٌورٍيٍ شِلِمَ نّ، عَ عَ قَلَ عٍ بّ، ‹وٌ قَ، وٌن بِرِن شَ سّيوَ، بَرِ مَ ﭑ بَرَ ﭑ مَ فبٍتِ كْبِرِ كٌلٍ تٌ نَشَن نُ بَرَ لْي ﭑ مَ!›
10 نَ كُي، ﭑ شَ عَ قَلَ وٌ بّ، سّيوّ نَ عَلَ شَ مَلٍكّيٍ شْنيِ يُنُبِتْي كٍرٍن فبَنسَن تُوبِقٍ مَ.»
دِ لْيشِ شَ تَالِ
11 عِسَ مَن نَشَ عَ مَسٍن، «شّمّ ندٍ نُ نَ، دِ شّمّ قِرِن نُ نَشَن يِ رَ.
12 عَ شَ دِ قِرِن ندٍ نَشَ عَ قَلَ عَ بَبَ بّ، ‹وٌن مَ دٍنبَيَ هَرِفٍ سّيتِ سٌ ﭑ يِ رَ، نَشَن لَنمَ عَ شَ قِندِ ﭑ فبٍ رَ.› نَ كُي، بَبّ نَشَ عَ هَرِفٍ عِتَشُن عَ شَ دِ شّمّ قِرِنيِيٍ مَ.»
13 «عَ مُ بُ دِ قِرِن ندٍ نَشَ عَ شَ سٍ بِرِن مَلَن، عَ قَ بِيَاسِ حَمَنّ مَكُيٍ. عَ نَشَ عَ هَرِفٍ مَكَنَ مّننِ، قُيَنتٍيَ كُي.
14 عَ بِرِن تٌ حْن، كَامّ قَن نَشَ سِن نَ حَمَنّ مَ عَ شْرْشْي رَ، سٍسٍ مُ لُ نَ دِ يِ رَ.
15 عَ تٌ سِفَ وَلِ قٍندٍ نَاكَ ندٍ شْن، نَ نَشَ عَ شّي شْسّيٍ دّ مَدٌندٍ.
16 وُرِ بٌفِ نَشَن نُ سٌمَ شْسّيٍ يِ، عَ تَن نُ وَ مَ نَ نَن دٌنقٍ، كْنْ مِشِ يٌ مُ تِن عَ كِدٍ ندٍ رَ.»
17 «نَ كُي، عَ نَشَ شَشِلِ سْتْ قَ، عَ عَ قَلَ عَ يّتّ بّ، ‹ﭑ بَبَ شَ وَلِكّ بِرِن لُفَمَ عَ قَنيِ رَ، عٍ دٌنسٍ دْنشْي لُ، عَ قَ لِ ﭑ تَن نَ قَشَقٍ كَامّ نَن نَ بٍ!
18 قٌ ﭑ شَ فبِلٍن ﭑ بَبَ شْنيِ، ﭑ شَ عَ قَلَ عَ بّ، ﭑ بَبَ، ﭑ بَرَ يُنُبِ سْتْ عَلَ رَ، ﭑ بَرَ هَاكّ سْتْ عِ قَن نَ.
19 عَ مُ دَشَ سْنْن ﭑ شَ قِندِ عِ شَ دِ رَ. عِ شَ ﭑ قِندِ عِ شَ وَلِكّ نَن نَ.›
20 عَ نَشَ كٍلِ، عَ سِفَ عَ بَبَ شْن.»
«بٍينُن عَ شَ نَا لِ، عَ بَبَ نَشَ سَ عَ تٌ قَ رَ، عَ مَكُيَشِ عَ رَ سِندٍن. عَ بَبَ نَشَ كِنِكِنِ كِ قَنيِ. عَ نَشَ عَ فِ، عَ سَ عَ شَ دِ رَلَن، عَ عَ مَسُنبُ.
21 دِ نَشَ عَ قَلَ عَ بّ، ‹ﭑ بَبَ، ﭑ بَرَ يُنُبِ سْتْ عَلَ رَ، ﭑ بَرَ هَاكّ سْتْ عِ قَن نَ. عَ مُ دَشَ سْنْن ﭑ شَ قِندِ عِ شَ دِ رَ.›»
22 «كْنْ عَ بَبَ نَشَ عَ قَلَ عَ شَ كٌنيِيٍ بّ، ‹وٌ وٌ شُلُن، وٌ قَ فُبَ قَنيِ رَ، وٌ عَ رَفٌرٌ عَ مَ. وٌ بّلّشّرَ سٌي سٌ عَ بّلّشّ رَ، وٌ سَنكِرِ سٌ عَ سَنيِ.
23 وٌ قَ نِنفٍ تُرَشِ رَ، وٌ عَ قَشَ. وٌن شَ وٌن دّفٍ، وٌن شَ شُلُنيِ تِ،
24 بَرِ مَ ﭑ مَ يِ دِ نُ بَرَ لُ عَلْ عَ نُ قَشَشِ نّ، كْنْ عَ نِي مَن بَرَ فبِلٍن عَ عِ. عَ نُ بَرَ لْي، كْنْ عَ مَن بَرَ تٌ.› نَ كُي، عٍ نَشَ شُلُنيِ تِ قْلْ.»
25 «نَ وَشَتِ، دِ سِنفٍ نُ نَ شّ مَ. عَ تٌ نُ سٌقٍ، عَ عَ مَكْرّ بَنشِ رَ، عَ نَشَ شُلُنيِ شُي مّ.
26 عَ نَشَ كٌنيِ ندٍ شِلِ، عَ عَ مَشْرِن، ‹مُنسٍ رَبَشِ يِ كِ؟›
27 نَ نَشَ عَ يَابِ، ‹عِ شُنيَ نَن قَشِ. عِ بَبَ بَرَ نِنفٍ تُرَشِ قَشَ، بَرِ مَ عَ مَن بَرَ عَ شَ دِ مَسْتْ عَ يَلَنشِ.›
28 دِ سِنفٍ نَشَ شْنْ، عَ تٌندِ سٌدٍ بَنشِ. عَ بَبَ نَشَ مِنِ، عَ سٌ عَ مَيَندِقٍ،
29 كْنْ عَ شَ دِ نَشَ عَ قَلَ عَ بّ، ‹عَ مَتٌ، كَبِ حّ وُيَشِ ﭑ تَن وَلِمَ عِ بّ عَلْ عِ شَ كٌنيِ، ﭑ مُ عِ شَ يَامَرِ مَتَندِ هَلِ كٍرٍن. كْنْ نَ بِرِن كُي، هَلِ سِ لَنمَ، عِ مُ نُ عَ قِ ﭑ مَ، مُشُ نُن ﭑ بٌورٍيٍ شَ شُلُن دِ تِ.
30 كْنْ عِ شَ دِ تَن تٌ قَشِ، نَشَن عِ هَرِفٍ بِرِن مَكَنَشِ عٍ نُن لَنفٌي فِنّيٍ رَ، عِ نِنفٍ تُرَشِ نَن قَشَشِ عَ تَن بّ!›»
31 «عَ بَبَ نَشَ عَ قَلَ عَ بّ، ‹ﭑ مَ دِ، عِ تَن نَ ﭑ قّ مَ تّمُي بِرِن. سٍ نَشَن بِرِن نَ ﭑ يِ، عِ تَن نَن فبٍ عَ رَ.
32 كْنْ عَ لَن نّ وٌن شَ سّيوَ، وٌن شُلُنيِ تِ، بَرِ مَ عِ شُنيَ نُ بَرَ لُ عَلْ عَ نُ قَشَشِ نّ، كْنْ عَ نِي مَن بَرَ فبِلٍن عَ عِ. عَ نُ لْيشِ نّ، كْنْ عَ مَن بَرَ تٌ.›»