3
تْورّ نُن عَلَ شَ مَرَقَنيِ
عَننَبِ يٍرٍ مِ شَ مَسٍنيِ
1 مِشِ نَن ﭑ نَ، نَشَن بَرَ تْورّ كٌلٌن عَلَ شَ شْنّ سَابُي رَ.
2 عَ بَرَ ﭑ تٌنفٌ كُيٍ عِيَلَنشِ،
عَ ﭑ نَحّرّ دِ مِ كُي.
3 عَ ﭑ تْورْ مَ لْشْي بِرِن.
دَنيِ يٌ مُ نَ ﭑ مَ تْورّ مَ
4 عَ بَرَ ﭑ نَشْسِ كٍلِقٍ ﭑ شُنيِ مَ سَ دْشْقٍ ﭑ سَنيِيٍ رَ.
عَ بَرَ ﭑ شْرِيٍ بِرِن مَفِرَ.
5 عَ بَرَ ﭑ تْورْ، عَ ﭑ نَبِلِن حَشَنكَتّ رَ.
6 عَ بَرَ ﭑ لُ دِ مِ كُي عَلْ سِنفٍ رَ مِشِ قَشَشِيٍ.
7 عَ بَرَ ﭑ نَبِلِن سَنسَنيِ رَ،
عَ يْلْنشْنيِ سَ ﭑ مَ، عَلَكٌ ﭑ نَشَ قَ مِنِ.
8 ﭑ بَرَ فبٍلٍفبٍلٍ، ﭑ بَرَ شِلِ تِ دّ مّرِ رَ،
كْنْ عَ بَرَ نَادّ بَلَن ﭑ مَ مَشَندِ مَ.
9 عَ بَرَ كِرَ بَلَن ﭑ يَ رَ فّمّ بٍلٍبٍلٍيٍ رَ،
عَ ﭑ تِ تْورّ كِرَ شْن مَ.
10 عَ بَرَ لُ عَلْ سُبٍ شَاحّ نَشَن ﭑ مَمّقٍ بُرُنيِ،
عَلْ يّتّ نَشَن عَ نْشُنشِ ﭑ يَ رَ.
11 عَ بَرَ دُنِحَ عِشُتُ ﭑ مَ، عَ بَرَ ﭑ كَنَ.
12 عَ بَرَ عَ شَ شَلِ عِتَلَ عَ عَ شَ تَنبّيٍ تِ ﭑ نَ.
13 عَ تٌ عَ شَ تَنبّيٍ بّحِن، عٍ نَشَ ﭑ بْحّ سْشْ.
14 ﭑ بَرَ قِندِ ﭑ مَ مِشِ بِرِن مَ مَيٍلٍ سٍ رَ،
لْشْي بِرِن، عٍ ﭑ قِندِ مَ عٍ شَ سِفِيٍ رَ.
15 عَ بَرَ ﭑ نَلُفَ حٌوفٍ شْنّ رَ،
عَ بَرَ شْنّ قِندِ ﭑ مَ دٌنسٍ رَ.
16 عَ بَرَ عَ نِيَ ﭑ شَ فّمّ شْرِيٍ مَشِن،
هَن ﭑ حِنيِيٍ بِرِن بَرَ مَفِرَ.
عَ بَرَ ﭑ مَبٌرٌن شُبٍ شْورَ.
17 عَ بَرَ بْحّسَ مَكُيَ ﭑ نَ
هَن قٍ قَنيِ مْولِ بِرِن بَرَ نّيمُ ﭑ نَ.
18 نَ نَن عَ تٌشِ ﭑ بَرَ عَ قَلَ،
«ﭑ مَ قٍ بَرَ كَنَ.
عَلَتَلَ بَرَ ﭑ كُمَ سٍ بِرِن نَ ﭑ شَشِلِ نُ تِشِ نَشٍيٍ رَ.»
19 ﭑ بَرَ ﭑ مَحْشُن ﭑ مَ مَرَيَافِ مَ،
ﭑ بَرَ ﭑ مَحْشُن ﭑ مَ سِمَيَ نَشَسِشِ مَ.
20 ﭑ مُ نْمَ نّيمُدٍ ﭑ مَ تْورّ مَ.
عَ شُن بَرَ مَسَ هَن عَ بَرَ فّ ﭑ كُنتِندٍ.
21 كْنْ نَ بِرِن كُي، ﭑ نَن ﭑ شَشِلِ تِمَ قٍ نَشَن نَ، عَ تَن نَن يَ؛
22 عَلَتَلَ شَ هِننّ مُ حْنمَ،
دَنيِ يٌ مُ نَ عَ شَ شَنُنتٍيَ مَ.
23 عَ فبِلٍنمَ عَ رَ فّيسّفّ يٌ فّيسّفّ.
«عَلَتَلَ، عِ مُ مّيمَ عِ شَ مِشِيٍ رَ عَبَدَن!»
24 ﭑ عَ كٌلٌن ﭑ بْحّ كُي،
عَلَتَلَ نَن نَ ﭑ هَرِفٍ رَ.
ﭑ شَشِلِ تِشِ عَ تَن نَن نَ.
25 عَلَتَلَ قٍ قَنيِ رَبَمَ عَ قٍنمَ بّ،
نَشَن شَشِلِ تِشِ عَ رَ.
26 مِشِ لَن عَ شَ سَبَرِ عَلَتَلَ يَ عِ نَشَن قَمَ عَ رَكِسِدٍ.
27 عَ لَنمَ عَدَ مَ شَ تْورّ كٌلٌن عَ قٌنِكٍ تّمُي.
28 عَ شَ دُندُ، عَ شَ دْشْ عَ شَتِ مَ،
بَرِ مَ عَلَتَلَ نَن عَ رَفِرِشِ عَ مَ.
29 عَ شَ عَ شُن سِن بْشِ، تّمُندٍ عَلَ قَمَ نّ عَ شَ دُبّ سُشُدٍ.
30 عَ شَ عَ شّرّ تِ مِشِ بّ، نَشَن عَ رَفَرِنمَ،
عَ شَ تِن نَ يَافِ رَ.
31 مَرِفِ مُ مِشِ رَتُتُنمَ عَبَدَن.
32 عَ نَ مِشِ ندٍ تْورْ، عَ مَن قَمَ نّ هِننّدٍ عَ رَ عَ شَ قٌنِسِرٍيَ كُي.
33 عَ وَشْنقٍ شَ مُ عَ رَ،
عَ شَ مِشِ رَيَافِ، عَ شَ عِبُنَدَ مَ تْورْ.
34 مِشِ نَ فٍيلِمَنِيٍ تْورْ عَ حَاشِ رَ بْشِ كُي،
35 عٍ نَ تِنشِنتَرٍيَ رَبَ مِشِ رَ عَلَ شُنفبٍ يَ عِ،
36 عٍ نَ مِشِ تْوحّفّ عَ مَكِيتِ تّمُي،
عَلَتَلَ مُ عَ بِرِن تٌمَ شّ؟
37 ندٍ نْمَ قٍ رَ، شَ عَلَ شَ مُ عَ رَفِرِشِ؟
38 قٍ قَنيِ نُن قٍ حَاشِ، عَ بِرِن مُ كٍلِمَ عَلَ شُنفبٍ شُي شَ مَ؟
39 مُنقٍ رَ عِبُنَدَ مَ عَ مَوَ مَ،
شَ عَ تْورّ سْتْ عَ يّتّ شَ يُنُبِ سَابُي رَ؟
40 وٌن شَ وٌن حّرّ كِ مَتٌ، وٌن شَ عَ عِفبّ،
وٌن شَ فبِلٍن عَلَتَلَ مَ.
41 وٌن شَ عَلَ مَشَندِ وٌن بْحّ بِرِن نَ،
وٌن شَ وٌن بّلّشّ عِتٍ عَلَ بّ نَشَن نَ كٌورٍ مَ.
حَمَ شَ عَلَ مَشَندِ
42 «مُشُ شَ يُنُبِ نُن مَتَندِ بَرَ فبٌ،
عِ قَن مُ دِحّشِ مُشُ مَ.
43 عِ شَ بْحّ شْنّ بَرَ لُ مُشُ قْشْ رَ،
عِ بَرَ قَشّ تِ، عِ مُ كِنِكِنِ.
44 عِ بَرَ نُشُي تِ وٌن تَفِ،
عَلَكٌ مُشُ شَ مَشَندِ نَشَ عِ لِ.
45 عِ بَرَ مُشُ قِندِ سُوتِ رَ حَمَنّيٍ تَفِ.
46 مُشُ يَشُييٍ بِرِن بَرَ عٍ دّ عِبِ مُشُ شِلِ مَ.
47 فَاشُي نُن بْحّ مِنِ بَرَ نْ مُشُ رَ،
مُشُ شَ قٍ قِندِشِ كَنَرِ نُن فبَلٌي نَن تُن نَ.
48 ﭑ يَ سُو سَمَ يَيٍ رَ، ﭑ مَ مِشِيٍ شَ فبَلٌي شَ قٍ رَ.
49 دَنيِ يٌ مُ نَ ﭑ وَقٍ مَ، مَلَبُي يٌ مُ نَ ﭑ بّ،
50 هَن بٍينُن عَلَتَلَ شَ عَ يَ رَفٌرٌ وٌن مَ.
51 ﭑ بَرَ كِنِكِنِ فِنّدِ مّدِيٍ شَ تْورّ مَ.»
عَننَبِ يٍرٍ مِ شَ عَلَ مَشَندِ
52 مِشِيٍ بَرَ ﭑ كٍرِ عَلْ شْنِ،
هَلِ ﭑ مُ قٍ حَاشِ يٌ رَبَشِ عٍ رَ.
53 عٍ بَرَ ﭑ نَفٌرٌ كْلْنيِ كُي،
عٍ نُ قَ فّمّيٍ رَفٌرٌ ﭑ مَ.
54 يٍ تٌ دِن ﭑ شُن نَ،
ﭑ نَشَ عَ قَلَ، «ﭑ بَرَ لْي!»
55 ﭑ نَشَ عِ تَن عَلَتَلَ شِلِ كْلْنيِ فبَاتَ مَ.
56 عِ قَن نَشَ ﭑ شُي مّ ﭑ تٌ عَ قَلَ،
«عِ نَشَ تٌندِ ﭑ شُي رَ مّدٍ. يَندِ، ﭑ مَلِ.»
57 ﭑ تٌ عِ مَشَندِ، عِ نَشَ عِ مَسٌ ﭑ نَ، عِ عَ قَلَ ﭑ بّ،
«عِ نَشَ فَاشُ.»
58 عَلَتَلَ، عِ بَرَ ﭑ مَ قٍ سُشُ، عِ بَرَ ﭑ نِي رَكِسِ.
59 عَلَتَلَ، عِ عَ تٌشِ عٍ قٍ نَشٍيٍ نِيَشِ ﭑ نَ.
عِ شَ ﭑ مَ نْندِ مَكّنّن.
60 عِ بَرَ عَ تٌ عٍ كْنكْشِ ﭑ مَ كِ نَشّ،
عٍ يَنقَنتٍيَ نَشَن بِرِن شِرِ مَ ﭑ شُن مَ.
61 عَلَتَلَ، عِ بَرَ عٍ شُي مّ كٌنبِ تِ رَ،
عٍ يَنقَنتٍيَ نَشَن بِرِن شِرِ مَ ﭑ شُن مَ.
62 ﭑ فٍرٍقَيٍ شَ وْيّنيِ نُن عٍ شَ مَحْشُنيِ نَ ﭑ تَن نَن قْشْ رَ لْشْي بِرِن.
63 عَ مَتٌ، شَ عٍ دْشْشِ، شَ عٍ تِشِ،
عٍ ﭑ تَن نَن قِندِشِ عٍ شَ سِفِيٍ رَ.
64 عَلَتَلَ، عِ شَ ﭑ فبٍحْشْ عٍ مَ.
عٍ نَشَن نِيَشِ ﭑ نَ، عِ شَ نَ رَفبِلٍن عٍ مَ.
65 عِ شَ عٍ شَشِلِ دْنشُ، عِ عٍ دَنكَ، بَرَكَتَرٍحَ شَ بِرَ عٍ قْشْ رَ.
66 عَلَتَلَ، عِ شَ بْحّ شْنّ شَ لُ عٍ قْشْ رَ،
عِ شَ عٍ بَ دُنِحَ بّندّ قُحِ قَرِ.