5
عِسِرَيِلَ نَكِسِمَ
1 «عِ تَن، بّتّلّيمُ عٍقَرَتَ، نَشَن شُرُن يُدَ شَبِلّيٍ يَ مَ،
مِشِ ندٍ مِنِمَ نّ عِ يَ مَ نَشَن عِسِرَيِلَ يَمَرِ مَ ﭑ بّ.
عَ شَ قٍ قْلْشِ تّمُي دَنفِشِ نّ نَشَن مَكُيَ ثٌن.»
2 نَ نَ عَ تٌمَ، عَلَتَلَ عِسِرَيِلَ رَبٌلٌمَ،
هَن قُرِ فِنّ قَ عَ شَ دِ بَرِدٍ.
نَ تّمُي، نَ دِ نفَشَكٍرٍنيِيٍ دْنشْييٍ قَمَ نّ فبِلٍندٍ عِسِرَيِلَ.
3 عَ كٍلِمَ نّ، عَ تِ عَ شَ شُرُ سٍيٍ يَ رَ،
عَ عٍ دّ مَدٌن عَ مَرِفِ عَلَتَلَ شِلِ شُنفبٍ كَنيِ سّنبّ رَ.
عٍ سَبَتِمَ نّ عَ قَنيِ رَ،
بَرِ مَ عَ شَ شُننَكٍلِ دُنِحَ بِرِن لِمَ نّ.
4 عَ تَن نَن قِندِ مَ وٌن مَ بْحّسَ رَ.
عَسِرِيَكَيٍ نَ قَ وٌن مَ بْشِ مَ،
عٍ سٌ وٌن مَ يِرٍ مَكَنتَشِيٍ كُي،
وٌن كَنتَمَ سٌلٌقٍرٍ نُن مَنفّ سٌلٌمَسَشَن نَن كٍلِمَ عٍ شِلِ مَ.
5 عٍ عَسِرِيَ بْشِ يَمَرِ مَ نّ سَنتِدّفّمَ رَ،
عٍ دْشْ نِمِرٌدِ شَ بْشِ شُن مَ تَنبّ رَ.
وٌن مَ مَنفّ وٌن بَمَ نّ عَسِرِيَكَيٍ يِ رَ،
عٍ نَ تُفَن وٌن مَ نَانِنيِ شُن مَ، عٍ سٌ وٌن مَ بْشِ كُي.
6 يَشُبَ بْنسْي دْنشْييٍ لُمَ نّ دُنِحَ سِيٍ يَ مَ،
عَلْ شِنِ نَشَن كٍلِمَ عَلَتَلَ مَ،
عَلْ تُنّ يٍ نَشَن دْشْمَ بُرّشّ رَ.
عٍ مُ عٍ شَشِلِ تِمَ عِبُنَدَ مَ رَ،
عٍ مُ عٍ يّتّ تَشُمَ مِشِ يٌ رَ.
7 يَشُبَ بْنسْي دْنشْييٍ لُمَ نّ دُنِحَ سِ فبٍفبٍ يَ مَ،
عَلْ يّتّ نَشَن تِمَ وُلَءِ سُبٍيٍ تَفِ،
عَلْ يّتّ يْرّ نَشَن حّرّ مَ شُرُ سٍيٍ يَ مَ،
عَ قَ دُتُن ندٍيٍ مَ، عَ عٍ عِبْو، مِشِ يٌ مُ نْمَ عٍ بَدٍ عَ يِ رَ.
8 عِ شُن نَكٍلِمَ نّ عِ يَشُييٍ يَ عِ، عٍ بِرِن سْنتْ.
9 عَلَتَلَ نَشَ عَ مَسٍن،
«لْشْ ندٍ قَمَ عَ لِدٍ،
ﭑ وٌ شَ سٌييٍ نُن وٌ شَ سْورِ رَفِسٍيٍ شَ قٍ كَنَمَ نّ.
10 ﭑ وٌ شَ بْشِ شَ تَايٍ كَنَمَ نّ،
ﭑ وٌ شَ يِرٍ مَكَنتَشِيٍ رَبِرَ.
11 ﭑ وٌ شَ دُورٍيَ كَنَمَ نّ،
ﭑ وٌ شَ سٍ مَتٌي رَيٍنسٍن يّ.
12 ﭑ وٌ شَ كُيٍيٍ نُن وٌ شَ فّمّ مَسٌلِشِ بِرِن كَنَمَ نّ.
نَ تّمُي، وٌ مُ سُيِدِ مَ سٍ يَءِلَنشِيٍ بّ سْنْن.
13 ﭑ وٌ شَ عَسٍرِ وُرِ مَسٌلِشِيٍ تَلَمَ نّ وٌ تَفِ،
ﭑ وٌ شَ تَايٍ كَنَمَ نّ،
14 ﭑ ﭑ فبٍحْشْمَ شْنّ نَن كُي، سِيٍ مَ
نَشٍيٍ مُ تِن ﭑ شُي سُشُدٍ.»