10
قُتِ نُن قَتَنيِ
مَتِيُ ١٩؛١ ٬ ٩، لُكِ ١٦؛١٨
1 عِسَ نَشَ كٍلِ مّننِ، عَ سِفَ يُدَيَ بْشِ عَ نُن يُرُدّن نَاكِرِ مَ. حَمَ فبٍفبٍ مَن نَشَ عٍ مَلَن عَ يِرٍ، عَ قَن نَشَ عٍ كَوَندِ قْلْ، عَلْ عَ نُ دَرِشِ عَ رَ كِ نَشّ.
2 قَرِ سّنِيٍ نَشَ قَ عِسَ يِرٍ عَلَكٌ عٍ شَ فَنتَنيِ تٍ عَ بّ. عٍ نَشَ عَ مَشْرِن، «عَ دَشَ شّمّ شَ مّي عَ شَ فِنّ رَ؟»
3 عِسَ نَشَ عٍ يَابِ، «عَننَبِ مُنسَ وٌ يَمَرِ مُنسٍ رَ؟»
4 عٍ قَن نَشَ عَ يَابِ، «عَننَبِ مُنسَ عَ قَلَ نّ، عَ شَ شّمّ وَ مّيقٍ عَ شَ فِنّ رَ، عَ شَ قَتَن كّيدِ نَن نَقَلَ، عَ قَ مّي فِنّ رَ.»
5 عِسَ نَشَ عَ مَسٍن عٍ بّ، «عَننَبِ مُنسَ يِ يَامَرِ سّبّشِ نّ وٌ بّ وٌ شَشِلِ تٌ شْرْشْ.
6 كْنْ دُنِحَ قْلْ قْلّ رَ، عَلَ نَشَ شّمّ نُن فِنّ دَا.
7 ‹نَ كُي، شّمّ كٍلِمَ عَ بَبَ نُن عَ نفَ شُن مَ، عَ عَ شَ فِنّ شَ قُتِ شِرِ،
8 عٍ قِرِن قِندِ كٍرٍن نَ.› نَ نَن عَ تٌشِ، مِشِ قِرِن شَ مُ عٍ رَ سْنْن، عٍ قِرِن بَرَ قِندِ كٍرٍن نَ.
9 عَلَ بَرَ نَشٍيٍ شِرِ عٍ بٌورٍ رَ، عَدَ مَ نَشَ عٍ رَقَتَن.»
10 عٍ تٌ سٌ بَنشِ، عِسَ قْشِرَبِرّيٍ مَن نَشَ عَ مَشْرِن نَ مَسٍنيِ مَ.
11 عِسَ نَشَ عَ مَسٍن عٍ بّ، «مِشِ يٌ مّي عَ شَ فِنّ رَ، عَ سَ فبّتّ دْشْ، عَ كَنيِ بَرَ يّنّ رَبَ.
12 شَ فِنّ قَن مّي عَ شَ شّمّ رَ، عَ سَ دْشْ شّمّ فبّتّ شْن، عَ قَن بَرَ يّنّ رَبَ.»
عِسَ نُن دِ مّدِيٍ
مَتِيُ ١٩؛١٣ ٬ ١٥، لُكِ ١٨؛١٥ ٬ ١٧
13 مِشِيٍ نُ قَقٍ دِ مّدِيٍ رَ عِسَ شْن، عَلَكٌ عَ شَ عَ بّلّشّ سَ عٍ مَ، كْنْ عَ قْشِرَبِرّيٍ نَشَ وْيّن نَ مِشِيٍ مَ.
14 عِسَ تٌ نَ قٍ تٌ، عَ نَشَ شْنْ، عَ قَ عَ مَسٍن عَ قْشِرَبِرّيٍ بّ، «وٌ عَ لُ دِ مّدِيٍ شَ قَ ﭑ يِرٍ. وٌ نَشَ تْنيِ دْشْ عٍ مَ، بَرِ مَ نَشٍيٍ مَنِيَشِ عٍ رَ، نٍيٍ نَن سٌمَ عَلَ شَ مَنفّيَ نِينِ بُن مَ.
15 ﭑ شَ نْندِ قَلَ وٌ بّ، مِشِ نَشَن مُ تِنمَ عَلَ شَ مَنفّيَ نِينِ رَ عَلْ دِ مّدِ، نَ كَنيِ مُ سٌمَ عَلَ شَ مَنفّيَ نِينِ بُن مَ قٍوٌ!»
16 عَ نَشَ دِ مّدِيٍ دْشْ عَ سَن مَ، عَ عَ بّلّشّ سَ عٍ مَ، عَ دُبَ عٍ بّ.
سّفّتَلَ بَننَشِ
مَتِيُ ١٩؛١٦ ٬ ٣٠، لُكِ ١٨؛١٨ ٬ ٣٠
17 عِسَ تٌ نُ بَرَ كِرَ سُشُ، شّمّ ندٍ نَشَ قَ عَ فِ رَ عَ قْشْ رَ، عَ عَ شِنبِ سِن عَ بُن مَ. عَ نَشَ عِسَ مَشْرِن، «كَرَ مْشْ قَنيِ، عَ لَن ﭑ شَ مُنسٍ رَبَ عَلَكٌ ﭑ شَ عَبَدَن كِسِ سْتْ كّ رَ؟»
18 عِسَ نَشَ عَ مَسٍن عَ بّ، «مُنقٍ رَ عِ ﭑ شِلِمَ كَرَ مْشْ قَنيِ؟ مِشِ يٌ مُ قَن. عَلَ كٍرٍن ثٍتِ نَن قَن.
19 عِ سّرِيّ كٌلٌن؛ ‹عِ نَشَ قَشّ تِ. عِ نَشَ يّنّ رَبَ. عِ نَشَ مُحّ تِ. عِ نَشَ مِشِ تْوحّفّ. عِ نَشَ قُ مِشِ مَ. عِ بَبَ نُن عِ نفَ بِنيَ.›»
20 شّمّ نَشَ عِسَ يَابِ، «كَرَ مْشْ، ﭑ بَرَ نَ بِرِن نَبَتُ كَقِ ﭑ دِ مّدِ تّمُي.»
21 عِسَ نَشَ شّمّ مَتٌ، عَ نَشَ عَ شَنُ. عَ نَشَ عَ مَسٍن عَ بّ، «قٍ كٍرٍن نَن قَ لُشِ عِ بّ. سِفَ، سٍ نَشَن بِرِن نَ عِ يِ رَ، عِ سَ عَ مَتِ، عِ عَ كْبِرِ قِ سٍتَرٍيٍ مَ. نَ كُي، عِ قَمَ بَننَيَ سْتْدٍ عَرِيَننَ. عِ نَ نَ رَبَ، قَ، عِ بِرَ ﭑ قْشْ رَ.»
22 شّمّ تٌ نَ وْيّنيِ مّ، عَ نَشَ سِفَ سُننُنيِ كُي، بَرِ مَ هَرِفٍ فبٍفبٍ نُ نَ عَ يِ رَ.
23 عِسَ نَشَ عَ يَ رَفٍ عَ رَبِلِنيِ، عَ قَ عَ مَسٍن عَ قْشِرَبِرّيٍ بّ، «سٌقٍ عَلَ شَ مَنفّيَ نِينِ بُن مَ، عَ شْرْشْ نَاقُلِ كَنيِيٍ بّ كِ قَنيِ!»
24 عَ قْشِرَبِرّيٍ نَشَ كَابَ عَ شَ وْيّنيِ مَ، كْنْ عِسَ مَن نَشَ عَ مَسٍن عٍ بّ، «ﭑ مَ دِيٍ، سٌقٍ عَلَ شَ مَنفّيَ نِينِ بُن مَ، عَ شْرْشْ كِ قَنيِ!
25 حْشْمّ سٌ حْشُن سّنبّ يَلٍ رَ، دِنّ بَننَمِشِ سٌقٍ رَ عَلَ شَ مَنفّيَ نِينِ بُن مَ.»
26 عِسَ قْشِرَبِرّيٍ دّ نَشَ عِشَرَ كِ قَنيِ رَ، عٍ نُ عٍ بٌرٍ مَشْرِن، «ندٍ قَ نْمَ كِسِدٍ قَ؟»
27 عِسَ نَشَ عٍ مَتٌ، عَ قَ عَ مَسٍن عٍ بّ، «عَدَ مَ مُ نْمَ عَ يّتّ رَكِسِدٍ، كْنْ عَلَ تَن نْمَ قٍ بِرِن نَ.»
28 ثِيّرِ نَشَ وْيّن قْلْ عِسَ بّ، «عَ مَتٌ، مُشُ بَرَ كٍلِ سٍ بِرِن شُن مَ، مُشُ بِرَ عِ قْشْ رَ.»
29 عِسَ نَشَ عَ مَسٍن، «ﭑ شَ نْندِ قَلَ وٌ بّ، مِشِ يٌ نَشَن نَ كٍلِ عَ شَ سٍ ندٍ شُن مَ ﭑ تَن نُن ﭑ مَ شِبَارُ قَنيِ شَ قٍ رَ، عَ قِندِ بَنشِ رَ بَ، شُنيَيٍ بَ، تَارَيٍ بَ، بَبَ بَ، نفَ بَ، دِيٍ بَ، بْشِيٍ بَ،
30 نَ كَنيِ قَمَ نَ بِرِن حْشْي كّمّ كّمّ نَن سْتْدٍ. قْشْييٍ يٌ، شُنيَيٍ يٌ، تَارَيٍ يٌ، بَبَيٍ يٌ، نفَيٍ يٌ، بْشِيٍ يٌ، عَ عٍ سْتْمَ يِ دُنِحَ مَ عَ نُن حَشَنكَتّ رَ، عَ مَن قَ عَبَدَن كِسِ سْتْ عَلِفِيَمَ.
31 يَرٍرَتِ وُيَشِ قَمَ قِندِدٍ شَنبِرَتِيٍ رَ، شَنبِرَتِيٍ قَن قِندِ يَرٍرَتِيٍ رَ.»
عِسَ عَ شَ قَشّ نُن مَرَكٍلِ شَ قٍ مَسٍنقٍ سَنمَيَ سَشَن ندٍ
مَتِيُ ٢٠؛١٧ ٬ ١٩، لُكِ ١٨؛٣١ ٬ ٣٤
32 عِسَ نُن عَ قْشِرَبِرّيٍ نَشَ كِرَ سُشُ تٍقٍ دَرِ سَلَمُ، عِسَ تِشِ عٍ يَ رَ. عَ قْشِرَبِرّيٍ نُ كْنتْقِلِشِ، نَشٍيٍ قَن نُ بِرَشِ عٍ قْشْ رَ، نٍيٍ قَن نُ فَاشُشِ. عِسَ مَن نَشَ عَ قْشِرَبِرّ قُ نُن قِرِن شُن لَن، عَ سٌ قٍ تَفِ رَبَقٍ عٍ بّ نَشَن قَمَ عَ تَن لِدٍ.
33 عَ نَشَ عَ مَسٍن، «وٌ عَ مَتٌ، وٌن نَ تٍقٍ دَرِ سَلَمُ نّ يِ كِ. عَدَ مَ شَ دِ سَمَ نّ سّرّشّدُبّ كُنتِفِيٍ، نُن سّرِيّ كَرَ مْشْيٍ بّلّشّ، عٍ عَ مَكِيتِ قَشّ كِيتِ رَ، عٍ عَ سٌ كَاقِرِيٍ يِ رَ.
34 عٍ عَ مَيٍلٍمَ نّ، عٍ دّيٍ بْشُن عَ مَ، عٍ عَ بْنبْ سّبّرّ رَ، عٍ مَن قَ عَ قَشَ. كْنْ عَ شَ قَشّ شِ سَشَن دَنفِ شَنبِ، عَ مَن كٍلِمَ نّ قَشّ مَ.»
سٍبٍدٍ شَ دِيٍ شَ مَشْرِنيِ
مَتِيُ ٢٠؛٢٠ ٬ ٢٨، لُكِ ٢٢؛٢٤ ٬ ٤٧
35 نَ شَنبِ، سٍبٍدٍ شَ دِيٍ، يَكِ نُن يَيَ، عٍ نَشَ عٍ مَسٌ عِسَ رَ، عٍ عَ قَلَ عَ بّ، «كَرَ مْشْ، مُشُ وَ مَ عَ شْن مَ نّ، مُشُ نَ قٍ نَشَن يٌ مَشْرِن عِ مَ، عِ شَ نَ رَبَ مُشُ بّ.»
36 عِسَ نَشَ عٍ مَشْرِن، «وٌ وَ مَ ﭑ شَ مُنسٍ رَبَ وٌ بّ؟»
37 عٍ نَشَ عَ يَابِ، «تِن مُشُ بّ، كٍرٍن شَ دْشْ عِ يِرٍقَنيِ مَ، بٌورٍ قَن شَ دْشْ عِ كْولَ مَ عِ شَ نْرّ كُي.»
38 عِسَ نَشَ عَ مَسٍن عٍ بّ، «وٌ مُ عَ كٌلٌن وٌ قٍ نَشَن مَشْرِنقٍ. وٌ نْمَ تِندٍ تْورّ رَ، عَلْ ﭑ تَن تِنمَ عَ رَ كِ نَشّ؟ وٌ نْمَ تِدٍ تْورّ يَ عِ نَشَن قَقٍ ﭑ لِدٍ؟»
39 عٍ نَشَ عَ يَابِ، «مُشُ نْمَ.» عِسَ قَن نَشَ عَ قَلَ عٍ بّ، «وٌ قَن يَتِ قَمَ حَشَنكَتّ سْتْدٍ عَلْ ﭑ تَن. وٌ قَن قَمَ تِدٍ ﭑ مَ تْورّ بُن مَ نَشَن قَقٍ ﭑ لِدٍ.
40 كْنْ دْشْقٍ ﭑ يِرٍقَنيِ نُن ﭑ كْولَ مَ، نَ مُ قَتَنمَ ﭑ تَن شَ رَ. نَ نَ مِشِيٍ نَن بّ، عَ رَفَتَشِ نَشٍيٍ بّ.»
41 قْشِرَبِرّ قُ دْنشْي تٌ نَ قٍ مّ، عٍ بْحّ نَشَ تٍ قْلْ يَكِ نُن يَيَ مَ.
42 عِسَ نَشَ عٍ شِلِ عَ يِرٍ، عَ عَ مَسٍن عٍ بّ، «وٌ عَ كٌلٌن، نَشٍيٍ كٌلٌنشِ حَمَنّ مَنفّيٍ رَ، عٍ مِشِيٍ يَمَرِ مَ عَ شْرْشْي رَ، عٍ عٍ سّنبّ رَ مِنِمَ عٍ مَ عَلَكٌ عٍ شَ مَنفّيَ شَ كٌلٌن.
43 كْنْ عَ نَشَ لُ نَ كِ وٌ تَن تَفِ. مِشِ نَشَن وَ مَ عَ تِدٍ شَ فبٌ وٌ يَ مَ، عَ شَ قِندِ وٌ مَلِمَ نَن نَ.
44 مِشِ نَشَن وَ مَ قِندِقٍ وٌ شَ يَرٍرَتِ رَ، عَ كَنيِ شَ قِندِ بِرِن شَ كٌنيِ نَن نَ.
45 هَلِ عَدَ مَ شَ دِ عَ قَشِ نَ نَن مَ. عَ مُ قَشِ شّ مِشِيٍ شَ وَلِ عَ تَن بّ. عَ قَشِ نّ عَلَكٌ عَ تَن نَن شَ وَلِ مِشِيٍ بّ، عَ شَ مِشِ فبٍفبٍ شُنسَرَ عَ شَ قَشّ سَابُي رَ.»
عِسَ يٍرِكٌ دْنشُي رَيَلَنقٍ
مَتِيُ ٢٠؛٢٩ ٬ ٣٤، لُكِ ١٨؛٣٥ ٬ ٤٣
46 عٍ نَشَ سٌ يٍرِكٌ. عِسَ نُن عَ قْشِرَبِرّيٍ مَن تٌ نُ كٍلِقٍ نَا، عٍ نُن حَمَ فبٍفبٍ، تِمٍيٌ شَ دِ شّمّ بَرِتِمٍيٌ نُ دْشْشِ كِرَ دّ رَ كُلّ مَتِدٍ. دْنشُي نَن نُ عَ رَ.
47 عَ تٌ عَ مّ عَ عِسَ نَسَرّتِكَ نَن نُ دَنفِقٍ نَا، عَ نَشَ سٌ عَ شِلِقٍ عَ شُي عِتٍشِ رَ، «عِسَ، دَوُدَ شَ دِ، كِنِكِنِ ﭑ مَ.»
48 حَمَ نَشَ وْيّن دْنشُي مَ عَ عَ شَ عَ سَبَرِ، كْنْ عَ حَن نَشَ عَ شُي عِتٍ دَنفِ عَ سِنفٍ رَ، عَ نُ شِلِ تِ، «دَوُدَ شَ دِ، كِنِكِنِ ﭑ مَ.»
49 عِسَ نَشَ تِ، عَ عَ قَلَ، «وٌ عَ شِلِ.» عٍ نَشَ دْنشُي شِلِ، عٍ عَ قَلَ عَ بّ، «لِمَنِيَ! كٍلِ، عِسَ نَ عِ شِلِقٍ!»
50 دْنشُي نَشَ عَ شَ دٌنمَ بِنيٍ وْلّ كٍرٍن نَ، عَ كٍلِ، عَ تُفَن، عَ سِفَ عِسَ يِرٍ.
51 عِسَ نَشَ عَ مَشْرِن، «عِ وَ مَ ﭑ شَ مُنسٍ رَبَ عِ بّ؟» دْنشُي نَشَ عَ يَابِ، «كَرَ مْشْ، ﭑ وَ مَ نّ ﭑ يَ شَ سٍ تٌ.»
52 عِسَ نَشَ عَ مَسٍن عَ بّ، «سِفَ، عِ شَ دَنشَنِيَ بَرَ عِ رَكِسِ.» عَ يَ نَشَ سٍ تٌ كٍرٍن نَ، عَ قَ بِرَ عِسَ قْشْ رَ كِرَ شْن.