21
عِسَ سٌقٍ دَرِ سَلَمُ
مَرَكِ ١١؛١ ٬ ١١، لُكِ ١٩؛٢٨ ٬ ٤٠، يَيَ ١٢؛١٢ ٬ ١٦
1 عِسَ نُن عَ قْشِرَبِرّيٍ تٌ مَكْرّ دَرِ سَلَمُ رَ، عٍ نَشَ بٍتِقَفٍ لِ، عٌلِوِ فٍيَ مَبِرِ. عِسَ نَشَ عَ قْشِرَبِرّ قِرِن شّي،
2 عَ عَ قَلَ عٍ بّ، «وٌ شَ سٌ تَا كُي نَشَن نَ يَرٍ. وٌ نّقّ سٌ نَا، وٌ سٌقَلٍ فِنّ ندٍ لِمَ عَ شِرِشِ نَا، عَ شَ دِ نَ عَ قّ مَ. وٌ شَ عٍ قُلُن، وٌ قَ عٍ رَ ﭑ شْن مَ.
3 شَ مِشِ ندٍ قَ وٌ مَشْرِن، وٌ شَ عَ قَلَ عَ بّ، ‹مَرِفِ نَن هَيِ نَ عٍ مَ. عَ عٍ رَفبِلٍنمَ يَ.›»
4 نَ رَبَشِ نّ، عَلَكٌ نَمِحْنمّ شَ مَسٍنيِ شَ كَمَلِ، نَشَن عَ قَلَمَ،
5 «وٌ عَ قَلَ سِيٌنِ دِ فِنّ بّ،
‹عَ مَتٌ، عِ شَ مَنفّ نَ قَقٍ عِ مَ.
عَ قَمَ يّتّ مَفٌرٍ كُي،
عَ دْشْشِ سٌقَلٍ نُن عَ يْرّ قَرِ.›»
6 عِسَ قْشِرَبِرّيٍ نَشَ سِفَ، عٍ سَ عِسَ شَ شّيرَيَ رَبَ.
7 عٍ تٌ قَ سٌقَلٍ نُن سٌقَلٍ شَ دِ رَ، عٍ نَشَ عٍ شَ دٌنمَيٍ سَ عٍ قَرِ، عِسَ قَ عَ مَفٌرٌ سٌقَلٍ قَرِ.
8 حَمَ فبٍفبٍ نَشَن نُ نَ، عٍ قَن نَشَ عٍ شَ دٌنمَيٍ عِتَلَ كِرَ شْن مَ، ندٍيٍ قَن نَشَ قّنسّ سّفّ، عٍ نٍيٍ قَن سَ كِرَ شْن مَ عِسَ بِنيَقٍ رَ.
9 حَمَ نَشٍيٍ نُ حّرّقٍ عِسَ يَ رَ، عَ نُن نَشٍيٍ نُ حّرّقٍ عَ شَنبِ رَ، عٍ بِرِن نُ عٍ شُي عِتٍقٍ، عٍ عَ قَلَ،
«تَنتُي نَ وٌن نَكِسِمَ بّ، دَوُدَ شَ دِ!
بَرَكَ نَ عَ بّ نَشَن قَقٍ مَرِفِ شِلِ رَ!
تَنتُي نَ وٌن نَكِسِمَ بّ نَشَن نَ كٌورٍ مَ!»
10 عِسَ تٌ سٌ دَرِ سَلَمُ، تَاكَيٍ بِرِن نَشَ كَابَ، عٍ نُ مَشْرِنيِ تِ، «ندٍ يِ كِ؟»
11 حَمَ نَشَ عٍ يَابِ، «عَننَبِ عِسَ نَن يِ كِ، نَشَن كٍلِشِ نَسَرّتِ، فَلِلٍ بْشِ مَ.»
عِسَ سِفَقٍ هْرْ مْبَنشِ كُي
مَرَكِ ١١؛١٥ ٬ ١٩، لُكِ ١٩؛٤٥ ٬ ٤٨، يَيَ ٢؛١٣ ٬ ٢٢
12 عِسَ نَشَ سٌ هْرْ مْبَنشِ كُي، عَ سَرٍ مَتِيٍ نُن سَرٍ سٌي بِرِن كٍرِ نَشٍيٍ نُ نَ نَ. عَ نَشَ كْبِرِ مَسَرّيٍ شَ تٍيبِلِيٍ عَ نُن فَنبّ مَتِيٍ شَ دْشْسٍيٍ رَبِرَ،
13 عَ عَ مَسٍن عٍ بّ، «عَ سّبّشِ، ‹ﭑ مَ بَنشِ شِلِ قَلَمَ نّ، سَلِدٍ بَنشِ،› كْنْ وٌ تَن بَرَ عَ قِندِ مُحّتِيٍ دْشْدٍ رَ.»
14 دْنشُييٍ نُن نَمَتّيٍ نَشَ قَ عِسَ شْن هْرْ مْبَنشِ كُي، عَ نَشَ نٍيٍ رَيَلَن.
15 كْنْ سّرّشّدُبّ كُنتِفِيٍ نُن سّرِيّ كَرَ مْشْيٍ تَن نَشَ شْنْ كِ قَنيِ عٍ تٌ عِسَ شَ كَابَنَكٌي تٌ، عٍ مَن تٌ دِ مّيٍ تٌ عٍ شُي عِتٍمَ هْرْ مْبَنشِ كُي، «تَنتُي نَ وٌن نَكِسِمَ بّ، دَوُدَ شَ دِ!»
16 عٍ نَشَ عَ قَلَ عِسَ بّ، «عِ مُ عٍ شُي مّشِ؟» عِسَ نَشَ عٍ يَابِ، «عِيٌ. وٌ قَن مُ نُ عَ شَرَن كِتَابُي كُي عَ تٌ سّبّشِ، ‹عِ بَرَ عَ نِيَ دِ مّدِيٍ نُن دِيْرّيٍ شَ عِ مَتْشْ؟›»
17 نَ تّمُي، عِسَ نَشَ كٍلِ عٍ شُن تَا كُي، عَ سِفَ بٍتَنِ، عَ كْي رَدَنفِ نَا.
عِسَ شْرّ بِلِ دَنكَقٍ
مَرَكِ ١١؛١٢ ٬ ١٤،٢٠ ٬ ٢٥
18 نَ كُيٍ عِبَ، عِسَ تٌ نُ فبِلٍنقٍ تَا كُي، كَامّ نَشَ عَ سُشُ.
19 عَ تٌ شْرّ بِلِ ندٍ تٌ كِرَ رَ، عَ نَشَ عَ مَسٌ عَ رَ كْنْ عَ مُ بٌفِ يٌ تٌ عَ كْن نَ، قٌ عَ بُرّشّيٍ. عِسَ نَشَ عَ قَلَ شْرّ بِلِ بّ، «عِ تَن مُ بٌفِمَ سْنْن!» شْرّ بِلِ نَشَ شَرَ كٍرٍن نَ.
20 عِسَ قْشِرَبِرّيٍ تٌ نَ تٌ، عٍ نَشَ كَابَ، عٍ عَ مَشْرِن، «يِ شْرّ بِلِ شَرَشِ عَ عِكْرّشِ رَ دِ؟»
21 عِسَ نَشَ عٍ يَابِ، «ﭑ شَ نْندِ قَلَ وٌ بّ، شَ دَنشَنِيَ نَ وٌ بّ، وٌ مُ سِيكّ، وٌ نْمَ نّ يِ قٍ مْولِ نَبَدٍ ﭑ نَشَن نَبَشِ شْرّ بِلِ رَ. كْنْ دَنفِ نَ رَ، شَ وٌ عَ قَلَ يِ فٍيَ بّ، ‹كٍلِ بٍ، عِ سَ سِن بَا مَ،› عَ رَبَمَ نّ.
22 نَ نَن عَ رَ، شَ دَنشَنِيَ نَ وٌ بّ، وٌ قٍقٍ مَشَندِ عَلَ مَ، وٌ عَ سْتْمَ نّ.»
عِسَ وَلِمَ ندٍ شَ يَامَرِ مَ؟
مَرَكِ ١١؛٢٧ ٬ ٣٣، لُكِ ٢٠؛١ ٬ ٨
23 عِسَ مَن نَشَ سٌ هْرْ مْبَنشِ كُي. عَ تٌ نُ نَ مِشِيٍ شَرَنقٍ، سّرّشّدُبّ كُنتِفِيٍ، نُن يُوِقِيٍ شَ قٌرِيٍ نَشَ قَ عَ يِرٍ، عٍ عَ مَشْرِن، «عِ يِ قٍيٍ رَبَمَ ندٍ شَ يَامَرِ مَ؟ ندٍ يِ سّنبّ قِشِ عِ مَ؟»
24 عِسَ نَشَ عٍ يَابِ، «ﭑ قَن شَ وٌ مَشْرِن قٍ كٍرٍن مَ. شَ وٌ ﭑ يَابِ، ﭑ عَ قَلَمَ نّ وٌ بّ ﭑ يِ قٍيٍ رَبَمَ نَشَن مَ يَامَرِ مَ.
25 يَيَ نُ مِشِيٍ شُنشَمَ يٍ شْورَ ندٍ شَ يَامَرِ مَ؟ عَلَ نَن عَ شّيشِ بَ، كَ عَدَ مَ؟» نَ كُي، عٍ نَشَ سٌ وْيّنقٍ عٍ بٌرٍ تَفِ، «شَ وٌن نَ عَ يَابِ، وٌن نَشّ، ‹عَلَ،› عَ عَ قَلَمَ نّ وٌن بّ، ‹مُنقٍ رَ وٌ مُ قَ لَ عَ رَ؟›
26 كْنْ شَ وٌن نَ عَ يَابِ، وٌن نَشّ، ‹عَدَ مَ،› وٌن فَاشُمَ نّ حَمَ يَ رَ، بَرِ مَ بِرِن يَيَ مَحْشُنشِ نَمِحْنمّ نَن نَ.»
27 نَ كُي، عٍ نَشَ عِسَ يَابِ، «مُشُ مُ عَ كٌلٌن.» عَ قَن نَشَ عَ مَسٍن عٍ بّ، «ﭑ قَن مُ عَ قَلَمَ وٌ بّ ﭑ يِ قٍيٍ رَبَمَ نَشَن مَ يَامَرِ مَ.»
دِ شّمّ قِرِنيِيٍ شَ تَالِ
28 «وٌ يِ تَالِ تٌشِ دِ؟ دِ شّمّ قِرِن نُ نَ شّمّ ندٍ يِ. عَ نَشَ عَ قَلَ دِ سِنفٍ بّ، ‹ﭑ مَ دِ، سِفَ عِ سَ وَلِ شّ مَ تٌ.›
29 دِ نَشَ عَ يَابِ، ‹ﭑ تٌندِ.› كْنْ نَ دَنفِ شَنبِ، عَ شَشِلِ نَشَ مَسَرَ، عَ سِفَ وَلِدٍ.
30 بَبّ تٌ نَ يَامَرِ قِ عَ شَ دِ قِرِن ندٍ قَن مَ، عَ نَشَ عَ يَابِ، ‹ﭑ بَبَ، عَوَ، ﭑ سِفَقٍ.› كْنْ عَ مُ سِفَ.
31 يِ مِشِ قِرِنيِيٍ يَ مَ، ندٍ عَ بَبَ سَفٌ رَبَشِ؟» عٍ نَشَ عَ يَابِ، «نَ دِ سِنفٍ.» عِسَ مَن نَشَ عَ مَسٍن عٍ بّ، «ﭑ شَ نْندِ قَلَ وٌ بّ، دُوتِ مَشِلِيٍ نُن لَنفٌييٍ سِنفٍ سٌمَ وٌ بّ عَلَ شَ مَنفّيَ نِينِ بُن مَ.
32 عَننَبِ يَيَ قَ نّ كِرَ تِنشِنشِ مَسٍندٍ وٌ بّ، وٌ مُ قَ لَ عَ رَ. كْنْ دُوتِ مَشِلِيٍ نُن لَنفٌييٍ تَن لَ نّ عَ رَ. هَلِ وٌ تٌ نَ تٌ، وٌ مُ تِن نَتّ مَسَرَدٍ، وٌ شَ لَ عَ رَ.»
بْشِ رَوَلِ كٌبِيٍ شَ تَالِ
مَرَكِ ١٢؛١ ٬ ١٢، لُكِ ٢٠؛٩ ٬ ١٩
33 «وٌ وٌ تُلِ مَتِ تَالِ فبّتّ قَن نَ. شّ كَنيِ ندٍ نَشَ وّنِ بِلِيٍ سِ. عَ نَشَ تّتّ رَبِلِن بْشِ رَ، عَ بَيٍ تِ، عَ يِلِ فٍ وّنِ بٌفِ بُندُ مَ دّننَشّ. نَ شَنبِ، عَ نَشَ نَ هّرِ بْشِ رَوَلِيٍ مَ، عَ قَ بِيَاسِ.
34 وّنِ بٌفِ بَ تّمُي تٌ عَ لِ، بْشِ كَنيِ نَشَ كٌنيِ ندٍيٍ شّي بْشِ رَوَلِيٍ شْن مَ، عٍ شَ عَ فبٍ وّنِ بٌفِ سٌ عَ يِ رَ.
35 كْنْ بْشِ رَوَلِيٍ نَشَ نَ كٌنيِيٍ سُشُ. عٍ نَشَ كٍرٍن بْنبْ، عٍ بٌورٍ قَشَ، عٍ بٌورٍ مَفْنْ فّمّيٍ رَ.
36 بْشِ كَنيِ مَن نَشَ كٌنيِ فبّتّيٍ شّي دَنفِ عَ سِنفٍ رَ. بْشِ رَوَلِيٍ نَشَن نَبَ بٌورٍيٍ رَ، عٍ نَشَ نَ رَبَ نٍيٍ قَن نَ.
37 عَ دْنشْي رَ، بْشِ كَنيِ نَشَ عَ مَحْشُن، عَ عَ قَلَ، ‹عٍ ﭑ مَ دِ تَن بِنيَمَ نّ.› نَ كُي، عَ نَشَ عَ شَ دِ شّي بْشِ رَوَلِيٍ شْن مَ.
38 كْنْ عٍ تٌ بْشِ كَنيِ شَ دِ تٌ، عٍ نَشَ عَ قَلَ عٍ بٌرٍ بّ، ‹يِ نَن نَ كّ تٌنفٌمَ رَ. وٌ قَ، وٌن شَ عَ قَشَ عَلَكٌ عَ كّ شَ قِندِ وٌن فبٍ رَ.›
39 عٍ تٌ عَ سُشُ، عٍ نَشَ سَ عَ شَنِن تّتّ شَنبِ رَ، عٍ عَ قَشَ.»
40 «نَ كُي، بْشِ كَنيِ نَ سِفَ عٍ يِرٍ، عَ مُنسٍ رَبَمَ نَ بْشِ رَوَلِيٍ رَ؟»
41 عٍ نَشَ عِسَ يَابِ، «عَ نَ بْشِ هّرِيٍ سْنتْمَ نّ عَ حَاشِ رَ، عَ عَ شَ بْشِ سٌ بْشِ هّرِ فبّتّيٍ يِ، نَشٍيٍ عَ مَبِرِ سٌمَ عَ يِ رَ عَ وَشَتِ مَ.»
42 عِسَ نَشَ عٍ يَابِ، «وٌ مُ نُ يِ مَسٍنيِ شَرَن كِتَابُي كُي؟
‹بَنشِتِيٍ مّي فّمّ نَشَن نَ،
عَ بَرَ قِندِ تُشُي فّمّ هَفِفّ رَ.
مَرِفِ قْشِ نَن عَ رَ.
قٍ مَكَابَشِ نَن يَ وٌن بّ.›»
43 «نَ نَن عَ تٌشِ، ﭑ شَ عَ قَلَ وٌ بّ، وٌ بَمَ نّ عَلَ شَ مَنفّيَ نِينِ بُن مَ، سِ فبّتّ قَ رَ سٌ نَا نَشَن بِرَ مَ عَلَ شَ يَامَرِيٍ قْشْ رَ.
44 نَشَن نَ بِرَ يِ فّمّ مَ، عَ كَنيِ مَفِرَ مَ نّ فبّسّشُ. يِ فّمّ نَ بِرَ نَشَن قَن مَ، عَ كَنيِ بُتُشُنمَ نّ.»
45 سّرّشّدُبّ كُنتِفِيٍ نُن قَرِ سّنِيٍ تٌ عَ شَ تَالِيٍ مّ، عٍ نَشَ عَ كٌلٌن عَ عِسَ نُ نَ وْيّنقٍ عٍ تَن نَن مَ قٍ رَ.
46 عٍ نُ كَتَقٍ عٍ شَ عَ سُشُ، كْنْ عٍ نُ فَاشُشِ حَمَ يَ رَ، بَرِ مَ حَمَ نُ لَشِ عَ رَ، عَ نَمِحْنمّ نَن نَ عِسَ رَ.