10
سَرَ قِرِن فبٍتِ دَاشِ
1 عَلَتَلَ نَشَ عَ مَسٍن مُنسَ بّ،
2 «عِ شَ سَرَ قِرِن يَءِلَن فبٍتِ بْنبْشِ رَ. عٍ رَوَلِمَ حَمَ شِلِقٍ نَن نَ مَلَنيِ. عٍ مَن نَوَلِمَ حَمَ كٍلِقٍ نَن نَ بِيَاسِ تّمُي.
3 عٍ قِرِن نَ قٍ تّمُي كٍرٍن، حَمَ بِرِن شَ مَلَن عِ يِرٍ هْرْ مْلِنفِرَ دّ رَ.
4 شَ سَرَ كٍرٍن نَن قٍ، عِسِرَيِلَ يَرٍرَتِيٍ نُن كُنتِفِيٍ فبَنسَن شَ مَلَن عِ يِرٍ.»
5 «وٌ كٍلِمَ بِيَاسِدٍ تّمُي نَشّ، سَرَيٍ شَ قٍ كٍرٍن. نَ كُي نَشٍيٍ دْشْشِ سٌفٍتٍدٍ، عٍ شَ سِفَ.
6 سَرَيٍ نَ قٍ قِرِن، نَشٍيٍ دْشْشِ يِرٍقَنيِ مَ، نٍيٍ قَن شَ سِفَ. سَرَ شُي نَن عَ مَسٍنمَ حَمَ سِفَ تّمُي بَرَ عَ لِ.
7 سَرَ شُي كّحَ فبّتّ نَن عَ مَسٍنمَ حَمَ مَلَن تّمُي بَرَ عَ لِ.»
8 «هَرُنَ بْنسْي سّرّشّدُبّيٍ نَن نَ سَرَيٍ قٍمَ. سّرِيّ نَن نَ رَ وٌ تَن نُن وٌ بْنسْييٍ بّ عَبَدَن.
9 وٌ نَ وٌ يَشُييٍ فٍرٍ وٌ شَ بْشِ مَ تّمُي نَشّ، وٌ شَ نَ سَرَيٍ قٍ. عَلَتَلَ حْشْ سَمَ نّ وٌ شْن، عَ وٌ رَتَنفَ وٌ يَشُييٍ مَ.
10 وٌ شَ سَلِ لْشْي شُنفبٍيٍ نُن وٌ شَ كِكٍ نّينّ سَلِ لْشْييٍ، وٌ مَن شَ نَ سَرَيٍ قٍ وٌ سّرّشّ فَن دَاشِيٍ نُن شَنُنتٍيَ سّرّشّيٍ بَمَ تّمُي نَشّ. نَ نَن عَ نِيَمَ، ﭑ نَن ﭑ حْشْ سَمَ وٌ شْن مَ. ﭑ تَن نَن نَ وٌ مَرِفِ عَلَتَلَ رَ.»
عِسِرَيِلَكَيٍ تِقٍ كِرَ شْن مَ
11 حّ قِرِن ندٍ كِكٍ قِرِن ندٍ شِ مْشْحّن لْشْي، نُشُي نَشَن نُ دْشْشِ هْرْ مْلِنفِرَ شُن مَ، عَلَ شَ سٍيدٍ نُ نَ دّننَشّ، عَ نَشَ حّرّ قْلْ.
12 نَ كُي عِسِرَيِلَكَيٍ نَشَ كٍلِ تُرُ سِنِنَ فبٍنفبٍرٍنيِ مَ، عٍ بِرَ نَ نُشُي قْشْ رَ هَن عَ سَ تِ ثَرَن فبٍنفبٍرٍنيِ شُن مَ.
13 عَلَتَلَ نَشَ عٍ يَمَرِ عَننَبِ مُنسَ سَابُي رَ، عٍ شَ نَ بِيَاسِ سِنفٍ قْلْ.
14 يُدَ بْنسْي نَشَ تِ يَرٍ، عٍ شَ تْنشُمَ تِشِ عٍ يَ رَ. عٍ شُنيِ نُ نَ عَمِنَدَبٌ شَ دِ شّمّ نَشَسٌن نَن نَ.
15 سُوَرَ شَ دِ شّمّ نٍتَنٍيلِ نَن نُ نَ عِسَكَرِ بْنسْي شُنيِ رَ.
16 شٍلٌن شَ دِ شّمّ عٍلِيَبِ نَن نُ نَ سَبُلٌن بْنسْي شُنيِ رَ.
17 هْرْ مْلِنفِرَ تٌ مَقَفَتِ، فٍرِ سٌن شَ دِ شّمّيٍ نُن مٍرَرِ شَ دِ شّمّيٍ نَشَ عَ شَنِن.
18 رُبٍن بْنسْي نَشَ بِرَ عٍ قْشْ رَ، عٍ شَ تْنشُمَ تِشِ عٍ يَ رَ. سٍدٍيُرِ شَ دِ شّمّ عٍلِسُرُ نَن نُ نَ عٍ شُنيِ رَ.
19 سِمٍيْن بْنسْي نَشَ بِرَ عٍ قْشْ رَ. سُرِ سَدَيِ شَ دِ شّمّ نَن نُ نَ عٍ شُنيِ رَ.
20 فَدِ بْنسْي نَشَ بِرَ عٍ قْشْ رَ. دُوٍلِ شَ دِ شّمّ عٍلِيَسَقَ نَن نُ نَ عٍ شُنيِ رَ.
21 كٍهَتِ شَبِلّ نَشَ بِرَ عٍ قْشْ رَ هْرْ مْلِنفِرَ سٍ سّنِيّنشِيٍ رَ. بٌورٍيٍ تَن لَن نّ عٍ شَ هْرْ مْلِنفِرَ تِ بٍينُ كٍهَتِ شَبِلّ شَ سٌ.
22 عٍقِرَ مِ بْنسْي نَشَ بِرَ عٍ قْشْ رَ، عٍ شَ تْنشُمَ تِشِ عٍ يَ رَ. عَمِشُدِ شَ دِ شّمّ عٍلِسَمَ نَن نُ نَ عٍ شُنيِ رَ.
23 مَنَسِ بْنسْي نَشَ بِرَ عٍ قْشْ رَ. ثٍدَ سُرُ شَ دِ شّمّ فَمَلِيّلِ نَن نُ نَ عٍ شُنيِ رَ.
24 فِدٍيٌنِ شَ دِ شّمّ عَبِدَن نَن نُ نَ بُنيَمِن بْنسْي شُنيِ رَ.
25 دَنَ بْنسْييٍ نَشَ حّرّ عٍ بِرِن شَنبِ رَ، عٍ شَ تْنشُمَ تِشِ عٍ يَ رَ. عَمِسَدَيِ شَ دِ شّمّ عَشِيٍسٍرِ نَن نُ نَ عٍ شُنيِ رَ.
26 عٌكِرَن شَ دِ شّمّ ثَفِيّلِ نَن نُ نَ عَسٍرِ بْنسْي شُنيِ رَ.
27 عٍنَن شَ دِ شّمّ عَشِرَ نَن نُ نَ نَقَتَلِ بْنسْي شُنيِ رَ.
28 عِسِرَيِلَكَيٍ نُ حّرّ مَ نَ كِ نّ عٍ فَلِ كِ مَ.
كٍلِقٍ تُرُ سِنِنَ فٍيَ
29 مُنسَ نَشَ عَ قَلَ عَ بِتَنيِ رٍيُوٍلِ مَدِيَنكَ شَ دِ شّمّ شٌبَبٌ بّ، «مُشُ نَ سِفَقٍ عَلَتَلَ دّننَشَن لَايِدِشِ مُشُ بّ. عِ قَن شَ قَ. نَ قِندِ مَ سْونّيَ نَن نَ عِ بّ، بَرِ مَ عَلَتَلَ بَرَ لَايِدِ تٌنفٌ عَ قٍ قَنيِيٍ رَبَمَ نّ عِسِرَيِلَ بّ.»
30 شٌبَبٌ نَشَ عَ يَابِ، «عَدٍ، ﭑ شَ فبِلٍن ﭑ شْنيِ ﭑ مَ مِشِيٍ تَفِ.»
31 مُنسَ نَشَ عَ مَشَندِ، «يَندِ، عِ نَشَ كٍلِ مُشُ شُن مَ. عِ تَن نَن يِ فبٍنفبٍرٍنيِ بِرِن كٌلٌن مُشُ نْمَ يٌنكِندٍ دّننَشّ. عِ قِندِ مَ مُشُ رَحّرّ مَ نَن نَ.
32 شَ عِ مُشُ مَتِمَ، مُشُ عِ كِمَ نّ هّيرِ رَ عَلَتَلَ قَمَ نَشَن قِدٍ مُشُ مَ.»
33 عٍ نَشَ كٍلِ عَلَتَلَ شَ فٍيَ بُن مَ، عٍ شِ سَشَن حّرّ رَبَ. عَلَتَلَ شَ سَاتّ كَنكِرَ نُ تِشِ عٍ يَ رَ نَ شِ سَشَن بُن مَ يٌنكِندٍ قٍنقٍ رَ.
34 عٍ تٌ نُ كٍلِمَ عٍ يٌنكِندٍ، عَلَتَلَ شَ نُشُي نُ تِشِ عٍ شُن مَ قّيحّنيِ كُي.
35 عٍ تٌ نُ سَاتّ كَنكِرَ رَكٍلِمَ تّمُي نَشّ، مُنسَ نُ عَ قَلَمَ، «عَلَتَلَ، عِ شَ كٍلِ، عِ شَ عِ يَشُييٍ رَيٍنسٍن. نَشٍيٍ عِ شْنشِ، نٍيٍ قَن شَ عٍ فِ عِ يَ رَ.»
36 عٍ تٌ نُ سَاتّ كَنكِرَ رَفٌرٌ مَ تّمُي نَشّ، مُنسَ نُ عَ قَلَمَ، «عَلَتَلَ، عِ شَ عِ مَفٌرٌ عِسِرَيِلَ حَمَ وُيَشِ تَفِ.»