23
نَاقُلِ شَ فَنتَنيِ
1 وٌ نُن كُنتِفِ نَ دْشْ وٌ دّفٍدٍ،
عِ شَ عِ حّنفِ سَ عِ رَبَ كِ شْن مَ دٍ.
2 شَ كَامّ نَ عِ مَ، عِ نَشَ عَ فبٍفبٍ دٌن.
3 عِ نَشَ مِلّ نَ دٌنسٍ قَنيِ مَ،
بَرِ مَ عَ نْمَ عِ مَدَشُدٍ.
4 عِ نَشَ عِ يّتّ رَتَفَن نَاقُلِ قٍنقٍ مَ.
كْبِرِ شْلِ نَشَ قِندِ عِ شَشِلِ وَشْنقٍ بِرِن نَ.
5 شَ عِ عِ يَ تِ بَننَيَ رَ،
عَ لْيمَ عِ مَ عَلْ سّفّ
نَشَن تٍمَ كُيٍ مَ كِ نَشّ، عَ سِفَ.
6 عِ نَشَ مِشِ حَاشِ شَ تَامِ دٌن،
عِ نَشَ مِلَ عَ شَ دٌنسٍ قَنيِ مَ.
7 نَ مِشِ مْولِ وَ مَ عِ مَدَشُقٍ نّ.
عَ عَ قَلَمَ عِ بّ، «عِ دّفٍ، عِ مِن،»
كْنْ مَرَقَنيِ يٌ مُ نَ عَ بْحّ كُي عِ بّ.
8 عِ قَمَ نّ نَ دٌنسٍ بْشُندٍ،
عِ شَ وْيّن قَنيِ قِندِ وْيّن قُقَقُ رَ.
9 عِ نَشَ مَسٍنيِ تِ شَشِلِتَرٍ بّ،
بَرِ مَ عَ يٌمَ نّ عِ شَ وْيّن قَنيِ بِرِن مَ.
10 عِ نَشَ نَانِنيِ تْنشُمَ قٌرِ تَلَ.
عِ نَشَ سٌ كِرِدِيٍ شَ شّ رَ،
11 بَرِ مَ عٍ شُنمَقَلَمَ سّنبّ فبٌ،
عَ عٍ فبٍحْشْمَ نّ.
12 عِ بْحّ رَبِ شَرَنيِ بّ،
عِ عِ تُلِ مَتِ مَرَ سِ قَنيِ رَ.
13 عِ نَشَ تَفَن قٌنِكٍ مَتِنشِندٍ،
شُرُ لُشُسِنيِ مُ عَ قَشَمَ.
14 شَ عِ عَ شُرُ لُشُسِنيِ رَ،
عِ بَرَ عَ نِي مَكَنتَ.
15 ﭑ مَ دِ، شَ لْننِ قَنيِ لُ عِ بْحّ كُي،
سّيوّ بَرَ لُ ﭑ تَن قَن بْحّ كُي.
16 ﭑ بْحّ حّلّشِنمَ نّ عِ شَ وْيّن تِنشِنشِيٍ رَ.
17 عِ نَشَ يُنُبِتْييٍ تْونّ،
عِ شَ فَاشُ عَلَتَلَ نَن يَ رَ،
18 عَلَكٌ عِ شَ شُننَكٍلِ سْتْ يَرٍ.
19 ﭑ مَ دِ، عِ تُلِ مَتِ عَ قَنيِ رَ،
عِ شَ شَشِلِ سْتْ،
عِ بْحّ شَ لُ كِرَ تِنشِنشِ قَرِ.
20 عِ نَشَ لُ سِيسِلَيٍ يَ مَ،
شَ نَ مُ عَ رَ نَشٍيٍ شَ دٌنسٍ شْلِ دَنفِ عَ عِ.
21 نَ مِشِ مْولِيٍ قِندِ مَ نّ سٍتَرٍيٍ رَ،
عٍ شَ تُننَشْنّيَ عَ نِيَمَ نّ دُنكٌبِ فبَنسَن نَفٌرٌ عٍ مَ.
22 عِ عِ تُلِ مَتِ عِ بَبَ رَ نَشَن عِ بَرِشِ،
عِ نَشَ يٌ عِ نفَ مَ عَ نَ قٌرِ.
23 نْندِ، لْننِ، شَرَنيِ، نُن شَشِلِ قَنيِ قٍن،
عِ نَشَ مّي عٍ رَ.
24 تِنشِنتْي بَبَ سّيوَ مَ نّ،
شَشِلِمَ بَبَ حّلّشِنمَ نّ.
25 عِ شَ قٍ بِرِن نَبَ عَلَكٌ عِ بَبَ نُن عِ نفَ شَ سّيوَ،
عِ بَرِ مِشِيٍ شَ لُ حّلّشِنيِ كُي.
26 ﭑ مَ دِ، عِ عِ بْحّ رَبِ ﭑ بّ،
عِ شَ عِ يَ تِ ﭑ حّرّ كِ مِسَالِ رَ.
27 لَنفٌي فِنّ قِندِشِ فَنتَنيِ نَن نَ،
فِنّ يّنّشِ عِ رَبِرَ مَ نّ.
28 نَ فِنّ مْولِ عِ يَنقَمَ نّ عَلْ مُحّتِ،
عَ عَ نِيَمَ نّ شّمّ فبٍفبٍ شَ قِندِ يَنقَنتٍيٍ رَ.
29 ندٍ تْورّ نُن نِمِسّ سْتْمَ؟
ندٍ لُمَ فٍرٍ نُن كَلَمُي يَ مَ؟
ندٍ بْنبْي قُقَقُ سْتْمَ؟
ندٍ يَ فبٍيلِمَ نّ سٌي؟
30 سِيسِلَيٍ نَن لُمَ نَ مْولِ سْتْقٍ رَ،
بٍيرٍ مْولِ بِرِن حْشُنشِ نَشٍيٍ بّ.
31 عِ نَشَ عِ يَ تِ وّنِ فبٍيلِ رَ،
نَشَن مِن مُ شْنْ.
32 عَ مِشِ شِنمَ نّ عَلْ بْشِمَسٍ،
عَ عِ بُن عَلْ تَلِ.
33 عِ يَيٍ سٍيٍ تٌمَ نَشٍيٍ مُ نَ دُنِحَ،
عِ شَشِلِ عِقُمَ نّ.
34 عِ لُمَ نّ قَ عَلْ شّمّ نَشَن سَشِ كُنكُي كُي بَا مْرْنيِيٍ قَرِ.
35 سِيسِلَ نَن عَ قَلَمَ، «عٍ بَرَ ﭑ بْنبْ،
كْنْ سٍسٍ مُ ﭑ تٌشِ.
ﭑ شُنُمَ مُن تّمُي؟
ﭑ مَن وَ مَ بٍيرٍ ندٍ شْن.»