4
عَ بَبَ شَ مَسٍنيِ
1 ﭑ مَ دِيٍ، وٌ وٌ تُلِ مَتِ وٌ بَبَ شَ مَرَ سِ رَ،
وٌ وٌ حّنفِ سَ نَ شْن مَ عَلَكٌ وٌ شَ شَشِلِ سْتْ،
2 بَرِ مَ ﭑ نَ لْننِ قَنيِ نَن قِقٍ وٌ مَ يِ كِ.
وٌ نَشَ تٌندِ ﭑ مَ مَسٍنيِ رَ.
3 دِ قَنيِ نَن نُ ﭑ نَ ﭑ بَبَ بّ.
دِ كٍرٍنيِ نَن نُ ﭑ نَ ﭑ نفَ بّ.
4 ﭑ بَبَ نُ ﭑ نَسِمَ يِ وْيّنيِ نَن نَ، عَ نَشّ،
«عِ شَ ﭑ مَ مَسٍنيِ رَفَتَ عِ بْحّ كُي،
عِ شَ ﭑ مَ سّرِيّ سُشُ عَلَكٌ عِ شَ سِمَيَ سْتْ.
5 عِ شَ لْننِ قٍن، شَشِلِ قَنيِ شَ لُ عِ بّ.
عِ نَشَ نّيمُ ﭑ مَ مَسٍنيِ مَ،
عِ نَشَ نّيمُ ﭑ مَ سّرِيّ مَ.
6 عِ نَشَ عٍ رَبّحِن، عٍ عِ مَكَنتَمَ نّ.
ﭑ مَ سّرِيّ شَ رَقَن عِ مَ، عَ عِ رَتَنفَمَ نّ.»
7 لْننِ قْلّ نَن يِ كِ؛
عِ شَ لْننِ قٍن، عِ شَ قٍ بِرِن نَبَ عَلَكٌ عِ شَ شَشِلِ سْتْ.
8 شَ عِ شَشِلِمَيَ بِنيَ، عَ عِ عِتٍمَ نّ.
شَ عِ عَ سُشُ، عَ عِ شُننَكٍلِمَ نّ.
9 عَ قِندِ مَ شُنمَسٍ تٌقَنيِ نَن نَ عِ شُنيِ مَ،
عَ قِندِ دِيَمَن شَ يَنبّ رَ عِ بّ.
10 ﭑ مَ دِ، شَ عِ عِ تُلِ مَتِ ﭑ مَ مَسٍنيِ رَ،
عِ شَ سِمَيَ شْن كُيَمَ نّ.
11 ﭑ بَرَ شَشِلِمَيَ كِرَ مَسٍن عِ بّ،
ﭑ بَرَ عِ تِ كِرَ تِنشِنشِ شْن مَ.
12 شَ عِ عِ حّرّ مَ نَ كِرَ نَن مَ، عِ مُ تْورْ مَ.
شَ عِ عِ فِمَ نَ كِرَ نَن شْن مَ، عِ مُ دِنكٌنمَ.
13 لْننِ سُشُ، عِ نَشَ عَ رَبٌلٌ، عِ نَشَ عَ رَبّحِن،
بَرِ مَ عَ قِندِ مَ سِمَيَ نَن نَ عِ بّ.
14 عِ نَشَ بِرَ مِشِ حَاشِ قْشْ رَ،
عِ نَشَ مِشِ كٌبِ شَ كِرَ سُشُ.
15 عِ نَشَ حّرّ نَ شْن، عِ نَشَ عِ مَكْرّ نَ رَ.
عِ كٌبٍ سٌ نَ رَ، عِ دَنفِ.
16 مِشِ حَاشِيٍ مُ نْمَ شِدٍ عٍ مُ قٍ حَاشِ رَبَ.
شِ شْلِ مُ نْمَ عٍ سُشُدٍ عٍ مُ مِشِ رَتَنتَن.
17 قٍ حَاشِ قِندِشِ عٍ شَ دٌنسٍ نُن مِنسٍ نَن نَ.
18 تِنشِنتْي شَ كِرَ نْرْ مَ نّ،
عَ يَنبّ نَءِيَلَنيِ رَ مِنِمَ نّ عَلْ سٌفٍ.
19 كْنْ مِشِ حَاشِيٍ شَ كِرَ لُشِ نّ عَلْ دِ مِ،
عٍ مُ قٍ كٌلٌن نَشَن قَمَ عٍ رَبِرَدٍ.
20 ﭑ مَ دِ، عِ عِ حّنفِ سَ ﭑ مَ مَسٍنيِ شْن مَ،
عِ عِ تُلِ مَتِ ﭑ مَ مَرَ سِ رَ.
21 عٍ مَتٌ تّمُي بِرِن، عِ عٍ رَفَتَ عِ سٌندٌنيِ كُي،
22 بَرِ مَ عٍ قِندِ مَ سِمَيَ نَن نَ مِشِيٍ بّ،
نَشٍيٍ عٍ قَهَامُمَ.
عٍ قِندِ مَ يَلَنيِ نَن نَ عٍ قَتٍ بّ.
23 عِ بْحّ كَنتَ دَنفِقٍ سٍ بِرِن نَ،
بَرِ مَ سِمَيَ كٍلِمَ عَ تَن نَن مَ.
24 وُلٍ نَشَ مِنِ عِ دّ عِ،
عِ نَشَ مِشِ مَدَشُ عِ شَ وْيّنيِ رَ.
25 عِ نّ وْيّنمَ مِشِ بّ، عِ عِ يَ تِ عَ رَ،
عِ نَشَ عِ يَ رَ سِفَ يِرٍ فبّتّ.
26 عِ حّنفِ سَ عِ حّرّ كِ شْن مَ،
عِ لُ كِرَ قَنيِ شْن مَ.
27 عِ نَشَ بِنيَ يِرٍقَنيِ مَ،
عِ نَشَ بِنيَ كْولَ مَ.
عِ نَشَ عِ سَنيِ تِ كِرَ حَاشِ شْن مَ.