101
دَوُدَ شَ نَتّيٍ
عَلَ مَتْشْي
1 دَوُدَ شَ بّيتِ
ﭑ دُفُتّفّحَ نُن تِنشِنيِ مَتْشْمَ نّ.
ﭑ بّيتِ بَمَ عِ تَن نَن بّ عَلَتَلَ.
2 ﭑ قٍ بِرِن نَبَمَ لُقٍ رَ تِنشِنتْي شَ كِرَ شْن.
عِ قَمَ ﭑ يِرٍ مُن تّمُي؟
ﭑ نَ ﭑ حّرّ مَ نّ ﭑ بْحّ قِيشّشِ رَ ﭑ مَ مِشِيٍ تَفِ.
3 ﭑ مُ ﭑ يَ تِمَ قٍ تِنشِنتَرٍ رَ،
ﭑ مُ تِنمَ يَنقَنتٍ شَ كِرَ رَ،
ﭑ نُن عٍ تَن مُ لَنمَ قٍ يٌ مَ.
4 ﭑ تَن نُن مِشِ حَاشِ تَفِ كُيَ،
ﭑ مُ وَ مَ يُنُبِ شْن.
5 ﭑ مِشِ دّ بَلَنمَ نّ نَشَن عَ بٌورٍ مَقَلَمَ.
ﭑ مُ تِنمَ يّتّ مَتْشْي نُن يّتّ عِفبٌحَ رَ.
6 ﭑ نَ ﭑ حْشْ سَمَ نّ يِ بْشِ دُفُتّفّيٍ شْن مَ،
عَلَكٌ عٍ شَ لُ ﭑ سّيتِ مَ.
ﭑ وَ مَ تِنشِنتْييٍ نَن شْن مَ، عٍ شَ ﭑ مَلِ.
7 يَنقَنتٍيٍ مُ لُمَ ﭑ مَ مِشِيٍ يَ مَ،
وُلٍ قَلّيٍ مُ تِمَ ﭑ يَ عِ.
8 فّيسّفّ بِرِن ﭑ مِشِ كٌبِيٍ سْنتْمَ نّ،
عَلَكٌ نَ مِشِ مْولِ نَشَ لُ عَلَتَلَ شَ تَا كُي.