111
عَلَ مَتْشْمَ قٍ نَشٍيٍ مَ
عَلَ مَتْشْي
وٌ عَلَتَلَ مَتْشْ!
 
ﭑ عَلَتَلَ بَتُمَ نّ ﭑ بْحّ بِرِن نَ،
تِنشِنتْييٍ نُن حَمَ يَ مَ.
مَرِفِ شَ وَلِيٍ مَكَابَ.
عٍ رَقَن مِشِيٍ مَ نَشٍيٍ تِنمَ عٍ مَتٌدٍ.
عَ شَ وَلِيٍ نْرْشِ،
عَ شَ تِنشِنيِ بُمَ نّ عَبَدَن.
عَ عَ نِيَ بِرِن شَ رَتُ عَ شَ كَابَنَكٌي مَ.
عَلَتَلَ هِننّمَ عَدَ مَدِيٍ رَ، عَ كِنِكِنِ عٍ مَ.
عَ بَلٌي قِمَ مِشِ مَ نَشَن فَاشُمَ عَ يَ رَ،
عَ رَتُ عَ شَ سَاتّ مَ عَبَدَن.
عَ بَرَ عَ شَ وَلِ سّنبّ مَسٍن عَ شَ حَمَ بّ،
حَمَنّ فبّتّيٍ كّ سٌقٍ رَ عٍ يِ.
عَ وَلِمَ نْندِ نُن تِنشِنيِ نَن قَرِ.
عَ شَ يَامَرِيٍ قِندِ مَ سّرِيّ قَنيِ نَن نَ،
نَشٍيٍ مُ كَنَمَ عَبَدَن،
عَدَ مَدِيٍ لَنمَ عٍ شَ نَشٍيٍ رَكَمَلِ.
عَ بَرَ عَ شَ حَمَ شُن سَرَ،
عَ بَرَ عَ شَ سَاتّ مَبَنبَن عَبَدَن.
عَ شِلِ سّنِيّن، عَ مَفَاشُ.
 
10 شَشِلِمَيَ قْلْمَ عَلَتَلَ يَرَفَاشُي نَن مَ.
مِشِ نَشَن فَاشُمَ عَلَ يَ رَ،
عَ شَشِلِ قَنيِ سْتْمَ نّ.
عَدَ مَدِيٍ لَنمَ عٍ شَ عَ مَتْشْ عَبَدَن.