2
عَلَ شَ مِشِ سُفَندِشِ
عَلَ شَ سّرِيّ
1 مُنقٍ رَ سِيٍ بْحّ تٍشِ قُقَقُ؟
2 دُنِحَ مَنفّيٍ بَرَ كٍلِ،
شُنمَتِيٍ بَرَ تِ عَلَتَلَ
نُن عَ شَ مِشِ سُفَندِشِ كَنكٍ.
3 نَ دُنِحَ مَنفّيٍ نَشّ،
«وٌن شَ وٌن بَ عٍ يِ رَ،
وٌن شَ مِنِ عٍ شَ نْي بُن مَ.»
4 مَرِفِ نَشَن نَ كٌورٍ مَ،
نَ نَ يٍلٍقٍ عٍ مَ.
5 عَ شْنْمَ عٍ مَ،
عَ عٍ مَفَاشُمَ.
6 عَلَ شَ مَسٍنيِ نَن يَ،
«ﭑ تَن نَن مَنفّ سُفَندِ،
ﭑ عَ دْشْ سِيٌنِ فٍيَ قَرِ، ﭑ مَ يِرٍ سّنِيّنشِ.»
7 نَ مَنفّ سُفَندِشِ شَ مَسٍنيِ نَن يَ،
«ﭑ شَ عَلَتَلَ شَ نَتّ مَسٍن وٌ بّ.
عَلَ بَرَ عَ مَسٍن ﭑ بّ، ‹تٌ، عِ بَرَ قِندِ ﭑ مَ دِ رَ.
ﭑ تَن بَرَ قِندِ عِ بَبَ رَ.
8 عِ شَ ﭑ مَشَندِ ﭑ شَ سِ بِرِن قِ عِ مَ،
عٍ شَ قِندِ كّ رَ عِ بّ.
دُنِحَ بِرِن شَ قِندِ عِ فبٍ رَ.
9 عِ عٍ يَمَرِ مَ سَوُرِ رَ،
عِ عٍ كَنَمَ عَلْ وُرٍ قّحّ بْو مَ كِ نَشّ،
عَ كٍبٍلَيٍ يٍنسٍن يّ.›»
10 يَكْسِ وٌ تَن مَنفّيٍ، وٌ شَشِلِ سْتْ.
كُنتِفِيٍ، وٌ بِرَ نْندِ قْشْ رَ.
11 وٌ عَلَتَلَ بَتُ فَاشُي رَ،
وٌ سّيوَ عَ شَ قٍ رَ،
وٌ فَاشُ عَ يَ رَ.
12 وٌ وٌ شُن سِن عَ شَ مِشِ سُفَندِشِ بّ.
شَ نَ مُ عَ رَ، عَ وٌ هَلَكِمَ نّ وٌ شَ دُنِحّءِفِرِ كُي.
عَلَ شَ شْنّ دّشّمَ عَلْ تّ نُ سٌ قِيلِ رَ.
حّلّشِنيِ نَ عَدَ مَ نَن بّ،
نَشَن كَنتَرِ قٍنمَ عَلَ رَ.