20
عَلَ شَ مَنفّ مَلِ
عَلَ مَشَندِ
دَوُدَ شَ بّيتِ بّيتِبَيٍ شَ مَنفّ بّ
عَلَتَلَ شَ عِ يَابِ عِ شَ تْورّ كُي.
يَشُبَ مَرِفِ عَلَ شَ عِ رَتَنفَ.
عَلَ شَ عِ مَلِ كٍلِقٍ عَ شَ يِرٍ سّنِيّنشِ،
عَ شَ عِ مَلِ كٍلِقٍ سِيٌن فٍيَ قَرِ.
عَلَ شَ عِ شَ سّرّشّ بِرِن سُشُ،
عَ شَ حّلّشِن عِ شَ سّرّشّ فَن دَاشِيٍ رَ.
حّنفِ رَتٍ.
عَلَ شَ عِ وَشْنقٍ قِ عِ مَ،
عَ شَ عِ شَ وَلِ سْونّيَ عِ بّ.
وٌن وٌن شُي عِتٍمَ حّلّشِنيِ كُي.
وٌن وٌن مَ تْنشُمَ عِتٍمَ وٌن مَرِفِ عَلَ شِلِ رَ.
عَلَتَلَ شَ عِ شَ مَشَندِ بِرِن نَسُشُ.
 
ﭑ عَ كٌلٌن عَ عَلَتَلَ عَ شَ مِشِ سُفَندِشِ رَكِسِمَ نّ.
عَ عَ يَابِمَ نّ عَ سّنبّ رَ كٍلِقٍ رَ عَ شَ يِرٍ سّنِيّنشِ.
ندٍ لَمَ عَ شَ سْورِ رَفِسٍ رَ،
ندٍ لَمَ عَ شَ سٌييٍ رَ،
كْنْ وٌن تَن لَشِ وٌن مَرِفِ عَلَتَلَ شِلِ نَن نَ.
سٌييٍ تَن بِرَ مَ نّ،
كْنْ وٌن تَن تِشِ تُن.
10 عَلَتَلَ شَ مَنفّ رَكِسِ،
عَ شَ وٌن مَ مَشَندِ سُشُ.