29
عَلَتَلَ شُي مَفَاشُشِ
عَلَ مَتْشْي
دَوُدَ شَ بّيتِ
1 مَلٍكّيٍ، وٌ عَلَتَلَ مَتْشْ،
عَ شَ بِنيّ نُن عَ سّنبّ شَ قٍ رَ.
2 وٌ شَ عَلَتَلَ مَتْشْ،
وٌ شَ عَ بَتُ عَ نْرّ سّنِيّنشِ كُي.
3 عَلَتَلَ شُي مّمَ بَا مَ،
عَلَ بِنيّ كَنيِ شُي لُمَ عَلْ فَلَنيِ،
عَ عَ شُي رَ سِفَمَ بَا شُنفبٍيٍ مَ.
4 عَلَتَلَ شُي سّنبّ فبٌ،
عَ مَفَاشُ.
5 عَلَتَلَ شُي وُرِ بِلِ شُنفبٍيٍ عِفِرَ مَ،
عَلْ نَشٍيٍ نَ لِبَن بْشِ مَ.
6 عَلَتَلَ لِبَن وُرِ بِلِيٍ عِتُفَنمَ عَلْ نِنفٍ دِ،
عَ سِرِيٌن فٍيَ عِتُفَنمَ عَلْ سّشّ عِ نِنفٍ.
7 عَلَتَلَ شُي تّ رَيٍنسٍنمَ عَلْ سٍيَمَكْنيِ.
8 عَلَتَلَ شُي كَدٍ سِ فبٍنفبٍرٍنيِ رَ سّرّنمَ.
9 عَلَتَلَ شُي عَ نِيَمَ شٍلِيٍ نُن سِيٍ شَ بَرِ.
حَمَ بِرِن عٍ شُي عِتٍمَ عَ شَ هْرْ مْبَنشِ كُي،
عَ عَ قَلَ، «مَتْشْي نَ عَلَ بّ!»
10 عَلَتَلَ نُ نَ عَ شَ كِبَنيِ كُي دُنِحَ بَنبَرَن يّ تّمُي نَشّ.
عَ شَ مَنفّيَ مُ حْنمَ عَبَدَن.
11 عَلَتَلَ نَن سّنبّ قِمَ عَ شَ حَمَ مَ،
عَ بَرَكّ نُن بْحّسَ قِمَ عٍ مَ.